Д.Тунгалаг: Хөгжлийн бэрхшээлтэй хүүхдүүд бүх шатны боловсролын гадна үлдэж байна

Түгээх    
2017-11-20 14:36:13 - Боловсрол

tungalagӨнөөдөр НҮБ-ын Хүүхдийн эрхийн хорооноос Монгол Улсын Засгийн газарт ирүүлсэн дүгнэлт, зөвлөмжийг танилцууллаа. Хүүхдийн засаглалын хөтөлбөрийн менежер Э.Цолмон “Хүүхдийн эрхийн зөрчилтэй холбоотой олон төрийн бус байгууллага үйл ажиллагаа явуулдаг. Хүүхдийн эрхийн тухай конвенцийн хэрэгжилтийн талаар тайланд нийтдээ 50 төрийн бус байгууллага бүхий таван үндэсний сүлжээ байгууллага оролцож байна.

Мөн “Дэлхийн Зөн Монгол” хүүхдийг ивээх олон улсын байгууллага оролцож байгаа. Хүүхдийн эрхтэй холбоотой олон асуудал байна. Тухайлбал, хүүхдийг хурдан морь унуулах асуудал юм. Олон улсын хөдөлмөрийн байгууллагын хөдөлмөр эрхлэх насны доод хэмжээний талаар 138 дугаар конвенц, мөн хүүхдийн хөдөлмөрийн тэвчишгүй хэлбэрийг устгах тухай 138 дугаар конвенц байдаг.

Манайх эдгээр конвенцийн хэрэгжилтийг хангах шаардлагатай байна. Мөн Засгийн Газар хүүхдийн эрхтэй холбоотойгоор өмнө нь гаргасан шийдвэрээсээ ухрахыг байхыг зөвлөмжид тусгасан. Өөрөө хэлбэл, Хөдөлмөрийн сайдын насанд хүрээгүй хүүхдийг ажиллуулахыг хориглосон ажлын байрны жагсаалтад заасанчлан жил бүр арваннэгдүгээр сарын 1-нээс тавдугаар сарын 1-ний хооронд хурдан морь, уяа сунгаа, үсэргээ, уралдаанд хүүхдийг оруулахгүй гэдэг зүйл заалтаа барихыг хүсч байгаа юм. Ийнхүү хүүхдийн амь насанд аюул учруулсан этгээдэд хариуцлага тооцохыг хорооноос зөвлөсөн” гэлээ.

НҮБ-ын Хүүхдийн эрхийн хорооноос Монгол Улсын Засгийн газрыг энэхүү дүгнэлт зөвлөмжийн ач холбогдлыг ойлгон, конвенцын бүх зүйл заалтын уялдаа бүхий, салшгүй, харилцан хамааралт байдлыг анхааран ажиллахыг сануулж байгаа юм. Ялангуяа хөрөнгө нөөцийн хуваарилалт, хүүхдийн эрх ба бизнесийн салбар, ялгаварлан гадуурхахгүй байх, гэр бүлийн орчин, байгаль орчин ба эрүүл мэнд, мөн хүүхдээр морь унуулах, хүнд хөдөлмөр эрхлүүлэх зэрэг эдийн засгийн мөлжлөгийн эсрэг чиглэлээр хүүхдийн эрхийг хангаж, хамгаалахад шаардлагатай бүх арга хэмжээг яаралтай авахыг НҮБ-ын Хүүхдийн эрхийн хороо шаардаж буйгаа энэ үеэр илэрхийллээ. Бид дотуур байрын хүүхдүүдийн нийгмийн асуудал, амьдарч буй орчны талаар “Бүх нийтийн боловсролын төлөө” иргэний нийгмийн үндэсний эвслийн ерөнхий зохицуулагч Д.Тунгалагаас тодруулга авлаа.

-ХҮҮХДҮҮД БАЛГАС ШИГ ДАН ЦОНХТОЙ, ЗУНЫ МОДОН БАЙШИНД АМЬДАРЧ БАЙНА-

tungalag

-Монгол Улс НҮБ-д элсэн орсноор хүүхдийн эрхийг хамгаалах тодорхой үүрэг хүлээдэг. Өнөөдөр энэ үүргээ биелүүлж чадаж байна уу?

-Өнөөдөр НҮБ-ын Хүүхдийн эрхийн хороо нэг л зүйл дээр маш сайшаалтай хандсан нь “Хүүхдийн эрх, хамгаалалын тухай” хуулиа шинэчилж гаргасан. Гэхдээ хуулийг хэрэгжүүлэх хангалттай хэмжээний төсөв хөрөнгө батлахгүй, мэргэжилтнүүдийг бэлтгэхгүй нь өөрөө хүүхдийн эрхийг зөрчиж байна гэдгийг хэлсэн. НҮБ-ын Хүүхдийн эрхийн хорооноос өгсөн гол зөвлөмжинд хүүхдийн сурч боловсрох эрх зөрчигдөж байна. Энэ нь юутай холбоотой вэ гэхээр сургууль, цэцэрлэгийн хүртээмж муутайгаас болоод эрх нь зөрчигдөж байна. Мөн сургууль дотуур байрны орчинд зургаан настай хүүхдүүд эцэг эхийн халамж анхааралаас хол суралцаж байгаа нь хүүхдийн эрхийг ноцтой зөрчиж байна. Тиймээс төр засгийн удирдлагууд өөр хувилбар, бодлого бодож олооч ээ гэдгийг хэлсэн байгаа. Боловсролын салбарт ажиллаж буй багш нар, хүмүүс хүүхдэд бие мах бодийн шийтгэл үзүүлэх зэргээр хүмүүжлийн эерэг бус арга хэрэглэж байгаа нь хүүхдийн эрхийн зөрчил байна. Багш нарыг эерэг хүмүүжлийн аргаар сахилга батын арга хэмжээ авдаг болооч ээ гэсэн ийм зөвлөмжийг өгсөн. Сурч боловсрох эрх нь зөрчигдөж буй тодорхой бүлгүүдийг хэлсэн. Үүнд сүм хийдэд шавилан сууж буй хүүхдүүд заавал эзэмших боловсролоо эзэмшихгүй байна. Малчин айлын сургуулийн өмнөх боловсролын хүүхдүүд цэцэрлэгт хамрагдаж чадахгүй байгаа. Хөгжлийн бэрхшээлтэй хүүхдүүд бүх шатны боловсролын гадна үлдэж байна. Ийм хүүхдүүд хэдийгээр боловсролын шатан дотор явдаг боловч хүчирхийлэл, ялгаварлан гадуурхалт гэх мэт зүйлд өртдөг. Боловсролын бодлого тогтвортой биш байнга улс төрөөс шалтгаалан өөрчлөгдөж байгаа нь хүүхдийн чанартай боловсрол эзэмших эрхийг зөрчиж байна гэдгийг НҮБ-ын Хүүхдийн эрхийн хорооноос мэдэгдсэн.

-Унаач хүүхдүүдийн асуудал дээр НҮБ-ын Хүүхдийн эрхийн хороо ямар байр суурьтай байсан бэ?

-Төрийн албанд байгаа авлига, ашиг сонирхлын зөрчил хүүхдийн эрхийг зөрчиж байна. Тухайлбал, унаач хүүхдүүдийн асуудал, энэ хүүхдүүд хичээл сургалтынх нь хугацаанд морин уралдаанд оролцуулахгүй гэсэн төр засгийн шийдвэрийг гаргачихсан байхад дараагийн засаг нь, эсвэл морин спорт уяачдын ашиг сонирхлыг төлөөлсөн төрийн албан хаагчид гарч ирээд хууль дүрмээ өөрчилж байгаа нь хүүхдийн эрхийг зөрчихөд хүргэж байна гэдгийг НҮБ-ын Хүүхдийн эрхийн хороо шууд ил тодоор хэлсэн.

-Өнөөдрийн хэлэлцүүлэгт зургаан настай хүүхдүүдийн амьдардаг дотуур байрны асуудал нэлээд хурцаар яригдлаа. Улсын хэмжээнд хичнээн хүүхэд дотуур байранд амьдарч байна?

-Зургаан настай хүүхдүүдийн 50 хувь нь дотуур байранд амьдарч байна. Эцэг, эхчүүд бага насны хүүхдээ өөрийнхөө анхаарал халамжаас гадна байлгаж чадахгүй учраас өнөөдөр гэр бүлүүд тусдаа амьдарч байна. Амьдралын нөхцөл маш доогуур ядуу өрхийн хүүхдүүд сургуулийн дотуур байранд амьдарч байна. Энд зургаан настай хүүхэд амьдрах үйлчилгээ халамж, анхаарал, хүүхдийн хамгаалалын асуудал боловсролын салбарт шийдэгдээгүй байна.

-Төвийн бүсээс алслагдсан аймаг, сумдын хүүхдүүдийн дотуур байрны орчин ямархуу байдаг вэ?

-Манай “Боловсрол эвсэл” Баян-Өлгий, Увс, Ховд, Хөвсгөл аймгийн сумын сургуулиудаар явж ажиллаж байгаа. Эндээс харахад зөвхөн алслагдсан гэхгүйгээр Архангай, Булган аймагт хүртэл дотуур байрны нөхцөл туйлын муу. Хүүхдүүд балгас шиг дан цонхтой эсвэл бүх цонх нь хагарчихсан гялгар уутаар тагалчихсан, хаалга нь дан, зуны модон байшинд хүүхдүүд амьдарч байна. Сүүлийн үед төсвийн хөрөнгөөр баригдсан дотуур байрнуудын хана нь хагаралтай, цууралтай, хөгцөрч мөөгөнцөртсөн байдалтай байна.

М.АМАРЖАРГАЛ



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэл бичих

АНХААРУУЛГА: Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Таны нэр:


Таны сэтгэгдэл:


Шинэ мэдээ
2017-12-12 17:37:52 - Нийслэл
“Шинэ санаа-Шилдэг инноваци” сэргээгдэх эрчим хүчний төслийн уралдаан зарлалаа
2017-12-12 16:47:54 - Нийслэл
Хугацаа нь дууссан бараа, бүтээгдэхүүнээс болгоомжлохыг анхааруулав
2017-12-12 16:47:20 - Гадаад
ОХУ-ын тамирчид “Пёнчан-2018” өвлийн олимпод оролцох хүсэлтэй байгаагаа мэдэгджээ
2017-12-12 16:29:47 - Технологи
Автомашины хаягдал баттерейн хор уршгийн талаар хэлэлцүүлэг боллоо
2017-12-12 16:29:01 - Гадаад
Твиттерт ОХУ-ын олимпийн хоригийг эсэргүүцэн нэгдэж эхэлжээ
2017-12-12 16:18:24 - Хууль
МХЕГ-ын байцаагчдыг суллаагүй, цагдан хорих шийдвэр гаргажээ
2017-12-12 16:14:10 - Улс төр
Аж үйлдвэрийн салбарын үйлдвэрлэл 33.7 хувиар өсчээ
2017-12-12 16:05:32 - Улс төр
Шадар сайд Ө.Энхтүвшин урчуудын төлөөлөлтэй уулзлаа
2017-12-12 16:02:28 - Хууль
Үндсэн хуулийн Цэцийн Их суудлын хуралдаан болно
2017-12-12 15:57:01 - Гадаад
Путин Сириэс цэргүүдээ татах тушаал өгчээ
2017-12-12 15:24:13 - Улс төр
Малын генетик нөөцийн тухай хуулийн төслийн эцсийн хэлэлцүүлгийг хийлээ
2017-12-12 15:15:28 - Гадаад
Нью-Йоркт дэлбэрэлт үйлдсэн этгээд “Лалын улс” бүлэглэлд үнэнчээ хэлжээ
2017-12-12 15:10:29 - Энтертайнмент
“Монгол Улсын Филармони-45” баярын концерт болно
2017-12-12 15:08:38 - Нийслэл
“Эко дүүрэг” хог хаягдлаа ангилан, ялгах аян өрнүүлжээ
2017-12-12 14:39:40 - Спорт
Б.Мөнгөнтуул мөнгөн медаль хүртлээ
2017-12-12 14:21:08 - Улс төр
Оюу толгой, Эрдэнэс Таван толгойн үйл ажиллагаанд аудит хийнэ
2017-12-12 14:07:54 - Нийслэл
Улаанбаатар зам засвар, арчлалтын газрынхан “Хүүхэд нэг бүрийн төлөө” аянд нэгдлээ
2017-12-12 14:04:40 - Энтертайнмент
Бурханч лам Г.Пүрэвбат: Үндэсний урлаг, соёлоо ард түмэндээ таниулж сонирхуулъя гэсэн юм
2017-12-12 13:55:57 - Эдийн засаг
Импорт 825.1 сая ам.доллараар өсчээ
2017-12-12 13:50:21 - Нийслэл
Пиротехникийн хэрэгслийн аюулгүй байдлын хяналт шалгалт явагдаж байна
2017-12-12 13:36:37 - Эдийн засаг
ҮСХ: Дундаж цалин 955.9 мянган төгрөг байна
2017-12-12 12:35:01 - Энтертайнмент
Өмнөд Африкийн эрдэмтэд 3.6 сая жилийн настай эртний хүний араг яс олжээ
2017-12-12 12:31:36 - Хууль
Зохион байгуулалттайгаар худал мэдээлэл тарааж нэр хүндэд халдаж байна гэв
2017-12-12 12:21:39 - Энтертайнмент
“Алтан бөмбөг” шагналын эзэн өнөөдөр тодорно
2017-12-12 12:09:24 - Орон нутаг
Өмнөговьд 120 км оочирлож буй жолооч нарт туслах хүмүүнлэгийн аян эхлүүлжээ
2017-12-12 11:34:56 - Шар
Мисс А.Баярцэцэг ТҮК-ийн ажилтанд гэр бэлэглэв
2017-12-12 11:32:07 - Эдийн засаг
Д.Сумъяабазар: Онцгой албан татвар нэмэгдсэнтэй холбоотойгоор бензиний үнэ нэмэгдэхгүй
2017-12-12 11:09:27 - Спорт
Харумафүжид холбогдох хэргийг прокурорт шилжүүлжээ
2017-12-12 11:00:40 - Нийслэл
Тээврийн хэрэгслийн албан татвар, төлбөр, торгуулийг oнлайнаар төлөх боломж бүрдлээ
2017-12-12 10:59:26 - Орон нутаг
БНХАУ-ын хоёр иргэнийг албадан гаргажээ
2017-12-12 10:49:09 - Улс төр
У.Хүрэлсүх: Залуучуудын хөдөлмөр эрхлэлт бидний санааг зовоосон асуудал
2017-12-12 10:48:44 - Хууль
С.Баатаржав: Алба хаагчдад тавьж буй шаардлага зөвхөн хуулийн дагуу байх ёстой
2017-12-12 10:45:09 - Шар
Д.Ганболор кикбоксын дэлхийн хошой аварга боллоо
2017-12-12 10:41:41 - Нийслэл
Морьтны их жагсаал гиннест бүртгэгджээ
2017-12-12 10:36:35 - Улс төр
Гэр хороололд инженерчлэлийн дэд төвүүдийг барина
2017-12-12 10:35:28 - Нийслэл
Өнөөдөр зулын хорин таван
2017-12-12 09:38:11 - Улс төр
УИХ-ын байнгын хороод хуралдана
2017-12-12 07:39:49 - Улс төр
С.Ганбаатар: О.Баасанхүү эздийнхээ захиалгыг биелүүлэх гээд толгойгүй болсон
2017-12-12 07:33:55 - Хууль
Хэдэн зуун сая төгрөг гэртээ нуучихаад хэнээс авснаа тайлбарлаж чадахгүй байна
2017-12-12 07:30:09 - Нийслэл
Орлого нь өссөн ч зардлаа оновчтой тусгаагүй нийслэлийн төсөв
Их уншсан
Их сэтгэгдэлтэй