“Монгол Улсын шүүхийн сонгомол шийдвэрийн эмхэтгэл-III боть” хэвлэгдлээ

Түгээх    
2017-11-24 16:49:31 - Хууль

"Монгол Улсын шүүхийн сонгомол шийдвэрийн эмхэтгэл”-ийн гуравдугаар ботийн нээлтийн арга хэмжээ өнөөдөр Шүүхийн ерөнхий зөвлөлийн байранд боллоо. Бүх шатны шүүхийн шүүгчдийн зөвлөгөөнөөс шалгаруулсан шийдвэрийг шүүгч, эрдэмтдийн бүрэлдэхүүнтэй ажлын хэсэг шалгаруулж, хамгийн өндөр үнэлгээ авсан шийдвэрийг сонгон эмхэтгэн олны хүртээл болгодог жишигтэй. "Монгол Улсын шүүхийн сонгомол шийдвэрийн эмхэтгэл-IIIботь”-д 482 шийдвэрээс анхан шатны шүүхийн 22, давж заалдах шатны шүүхийн 21, хяналтын шатны шүүхийн 21 шийдвэр шалгарч хэвлэгджээ.

Шүүхийн ерөнхий зөвлөлийн дарга, Шинжлэх ухааны гавьяат зүтгэлтэн, доктор, профессор Н.Лүндэндорж энэхүү бүтээлийг "Монгол Улсын шүүхийн түүхийг зузаалж, эрх зүйн хөгжлийн түүхийг бичиж, шүүгчдийн ур чадварын өсөлтийг илтгэж байгаа түүхийн баримт” хэмээн үнэлсэн юм. Сонгомол шийдвэрийн дараагийн ботиудын тухайд "Шийдвэрээ оруулахаар уралдаж байгаа шүүгчдийн тоо нэмэгдэхийн хэрээр шалгуур өндөрсөж, эмхэтгэлд орох шийдвэрийн тоо цөөрч байгаа. Монгол Улсын шүүгчдийн шийдвэрт дүн шинжилгээ хийх аргачлалыг боловсруулсан. Цаашид энэхүү аргачлалыг сонгомол шийдвэрийн эмхэтгэлд ашиглаж, хөндлөнгийн шинжээчдийн үнэлэлт, дүгнэлтээр нэмүү бүтээгдэхүүн шингээсэн бүтээл болгоно” гэж тодотголоо. Мөн тэрбээр шүүхийн сонгомол шийдвэрт шийдвэрээ ирүүлсэн шүүгч, сонгон шалгаруулсан ажлын хэсэгт талархал илэрхийлэв.

Монгол Улсын шүүхийн сонгомол шийдвэр шалгаруулах ажлын хэсэгт Улсын Дээд шүүхийн Захиргааны хэргийн танхимын тэргүүн М.Батсуурь, Эрүүгийн хэргийн танхимын шүүгч Ч.Хосбаяр, Иргэний хэргийн танхимын шүүгч П.Золзаяа болон Шүүхийн мэргэшлийн хорооны гишүүн Б.Бат-Эрдэнэ, Хууль зүйн ухааны доктор Э.Батбаяр, Улсын Дээд шүүхийн шүүгч асан А.Доржготов, Ц.Сумъяа, МУИС-ийн Хууль зүйн сургуулийн багш, доктор, дэд профессор П.Одгэрэл нар ажиллажээ.

МУИС-ийн Хууль зүйн сургуулийн багш, Хууль зүйн ухааны доктор, дэд профессор П.Одгэрэл "Багш, өмгөөлөгч, судлаачийн нүдээр харж шүүхийн шийдвэрийг шалгарууллаа. Багш хүний хувьд энэхүү сонгомол шийдвэр нь гарын авлага, хэрэглэгдэхүүн болдог. Өмгөөлөгчийн хувьд ч хэрэг маргаан дээр ажиллахад сурах бичиг, гарын авлагыг орлодог. Судлаачид ном, сурах бичиг бичихдээ шүүхийн шийдвэрт анхаарал хандуулахаас аргагүй байдаг. Хуулийн төсөл боловсруулахад ч шүүхийн шийдвэр чухал нөлөөтэй” гэж онцлоод дараагийн эмхэтгэлд шүүхийн шийдвэрт орсон хуулийн зүйл, заалтын жагсаалтыг хавсаргахыг санал болгосон юм.

Энэхүү эмхэтгэлд 42 шүүгчийн шийдвэр оржээ. Тэднийг төлөөлж Сонгинохайрхан дүүргийн Иргэний хэргийн анхан шатны шүүхийн Ерөнхий шүүгч Б.Цолмонбаатар "Шүүгчид өөрсдийнхөө гаргасан шийдвэрийг энэхүү бүтээлд орсон эсэхийг анхаарч, маш их ач холбогдол өгдөг болсон. Мөн уг бүтээлд багтсан шийдвэр, шүүгчийн арга зүйг судалдаг. Шүүхийн шийдвэрийг эмхэтгэж олны хүртээл болгосноор шүүхийн шийдвэрийн чанар, үр нөлөө сайжирч, эрдэмтэн судлаач, оюутнуудын судалгааны хэрэглэгдэхүүн болж байгаа. Энэ нь хууль зүйн шинжлэх ухаанд үнэтэй хувь нэмэр оруулна” гээд шалгарсан сонгомол шийдвэрүүд нь өнөө үеийн шүүн таслах ажиллагааны хөгжил, нийгэм дэх шударга ёсны үнэлэмжийн илэрхийлэл гэж онцоллоо. Мөн сонгомол шийдвэрийн эмхэтгэл нь Монгол Улсад эрх зүйн шүүмж судлалын хөгжлийг бодитоор тавьсан хэмээн үзэж байгаагаа илэрхийлсэн юм.

Шүүхийн шийдвэрт дүн шинжилгээ хийх ач холбогдлын талаар доктор, профессор Д.Зүмбэрэллхам "Шүүх бол биежсэн төр, биежсэн хууль ёс. Шударга ёсыг шүүхийн шийдвэрээр ойлгож, үнэлж дүгнэдэг. Шүүхийн шийдвэр эрх зүйн сэтгэлгээний түүхэн баримт бичиг, чухал эх сурвалж. Шүүхийн шийдвэрийн амин сүнс нь үндэслэл. Үндэслэлийг хэрхэн тодорхойлох нь шүүгчийн ёс суртахуун, мэдлэг, ур чадвараас шалтгаалдаг. Шүүгч онол, практик, түүх, хуулийг судалдаг судлаач байдаг. Дээр дурьдсан бүх зүйл шүүхийн шийдвэрээс ил тод харагдаж байх ёстой. Шүүгч бүр өөрийгөө нийгмийн шударга ёс, төр, хууль ёс, он дамжиж олон үед уншигдах эх сурвалжийг бүтээж байгаа гэдгээ ойлговол шүүхийн шийдвэр гарцаагүй сайн гарна. Тийм учраас сонгомол шийдвэрийн эмхэтгэл маш чухал” гэж үнэлэв.

"Монгол Улсын шүүхийн сонгомол шийдвэрийн эмхэтгэл”-ийн гуравдугаар ботийн нээлтийн арга хэмжээнд Шүүхийн ерөнхий зөвлөлийн дарга, гишүүд, Гүйцэтгэх нарийн бичгийн дарга, бүх шатны шүүхийн шүүгчдийн төлөөлөл, Тамгын газрын дарга нар болон Улсын Ерөнхий прокурорын газар, Үндсэн хуулийн Цэц, МУИС-ийн Хууль зүйн сургууль, олон улсын байгууллагуудын төлөөлөл, судлаачид оролцлоо.

 Б.ЦЭЛМЭГ 

 



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэл бичих

АНХААРУУЛГА: Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Таны нэр:


Таны сэтгэгдэл:


Шинэ мэдээ
2018-12-13 19:34:05 - Улс төр
УИХ-ын даргыг огцруулах гарын үсэг зурсан гишүүдийн 68 хувь нь ЖДҮЧИН
2018-12-13 17:54:46 - Нийслэл
Сурагчдын амралтаар хүүхдүүдийн аюулгүй байдлыг хангахыг үүрэгдэв
2018-12-13 17:06:56 - Спорт
Таканоива А.Баасандоржид мэргэжлийн бөхөөр барилдах санал тавьжээ
2018-12-13 16:41:25 - Улс төр
Л.Энх-Амгалан:Цэц Засгийн газрыг Үндсэн хууль зөрчсөн гэж үзвэл огцрох үндэслэл бүрдэнэ
2018-12-13 16:40:51 - Хууль
ШҮҮХ ХУРАЛ: Хүүхэд хулгайлсан эмэгтэйд гурван жилийн ял оноолоо
2018-12-13 16:32:34 - Спорт
Өсвөрийн тамирчид олон улсын тэмцээнээс таван медальтай ирлээ
2018-12-13 16:27:52 - Шар
Стивен Сигал, Б.Эрдэнэтуяа нар дуучин Эмин Агаларовын төрсөн өдөрт уригджээ
2018-12-13 16:13:58 - Энтертайнмент
Аз бол сохор, харин ухаантай хүн баримтаа бүртгүүлдэг
2018-12-13 16:07:10 - Эдийн засаг
Хасбанк ногоон бэлчээр төслийг хэрэгжүүлэхэд хамтран ажиллана
2018-12-13 15:53:59 - Нийслэл
“Улаанбаатар төмөр зам” хувь нийлүүлсэн нийгэмлэг олон улсын тээврийн тарифтаа өөрчлөлт орууллаа
2018-12-13 15:40:18 - Хууль
Улсын хилээр хар тамхи нэвтрүүлсэн этгээдийг саатуулжээ
2018-12-13 15:30:51 - Спорт
“Алтан бөмбөг”-ийн эзэд тодорлоо
2018-12-13 15:28:21 - Спорт
Самбогийн дэлхийн аваргуудын нэрэмжит тэмцээн болно
2018-12-13 15:27:43 - Улс төр
Х.Өлзийбаатар: Эрх баригчдад дундаж давхарга бий болгох сонирхол алга
2018-12-13 15:16:56 - Нийслэл
Салют, бенгалын галыг гар дээрээс худалдаж авахгүй байхыг анхааруулж байна
2018-12-13 14:54:22 - Энтертайнмент
“Монгол гэр” баримтат кино олон улсын шилдгээр шалгарав
2018-12-13 14:50:38 - Нийслэл
Нийслэлд мал аж ахуй эрхлэхийг хориглох бүсийн хил хязгаарыг нэмэгдүүлнэ
2018-12-13 14:37:22 - Орон нутаг
Сумаас дэлхийд гарах мөрөөдөл
2018-12-13 14:22:05 - Улс төр
Сэлэмний ир, Жадны үзүүр
2018-12-13 13:46:03 - Улс төр
С.Эрдэнэ: МАН засаглахдаа 4 тэрбум долларын өр тавьсан байна
2018-12-13 13:30:39 - Эдийн засаг
Монголын компани газрын тосны хайгуул ч хийх эрхгүй болсныг монголчууд минь том зургаар нь дор бүрнээ харцгаая
2018-12-13 13:30:12 - Спорт
Хөлбөмбөгчид чансаагаараа Зүүн Азийг анх удаа тэргүүллээ
2018-12-13 13:21:45 - Технологи
УИХ-ын дарга маргаашийн дотор огцрохгүй бол өрөөнөөс нь чирч гаргана гэв
2018-12-13 13:01:20 - Хууль
"Шангри-Ла" зочид буудлын өрөөнд АНУ-ын иргэн боомилж нас барсан байдалтай олджээ
2018-12-13 12:28:28 - Нийслэл
СЭРЭМЖЛҮҮЛЭГ: Зам тээврийн яамнаас виз гаргаж өгнө гэсэн мэдээлэлд итгэж болохгүй
2018-12-13 12:27:32 - Улс төр
Ирц бүрдээгүйгээс өнөөдрийн чуулганы хуралдааныг хаалаа
2018-12-13 12:12:57 - Энтертайнмент
Монгол хүүхдүүд “NBA”-ийн тоглолт дээр үндэсний бүжгээ бүжиглэлээ
2018-12-13 11:35:47 - Байгаль Орчин
БНСУ-ын байгууллагууд Монгол орны цөлжилттэй тэмцэнэ
2018-12-13 11:30:56 - Улс төр
Токиод Монгол Улсын худалдааны төлөөлөгчийн газар нээнэ
2018-12-13 11:26:03 - Нийслэл
Гэр хорооллын 0-5 насны хүүхдүүдэд хорт утааны эсрэг амны хаалт өглөө
2018-12-13 11:10:59 - Орон нутаг
Хяргас нуурын мөс цөмрөн 104 бог мал хорогджээ
2018-12-13 10:59:21 - Орон нутаг
Б.Баяржаргал: Эрдэнэт дэд станцын хоёр трансформаторын нэгэнд нь дотоод гэмтэл гарсан
2018-12-13 10:53:03 - Улс төр
АН Л.Болдын намаасаа гарах хүсэлтийг хүлээж авсангүй
2018-12-13 10:50:29 - Нийслэл
Нийслэлийн удирдах ажилтны шуурхай зөвлөгөөн боллоо
2018-12-13 10:45:54 - Спорт
МҮОХ-ны Ерөнхийлөгч Д.Загдсүрэн сонгуульт ажлаа хүлээлгэн өгнө
2018-12-13 10:45:23 - Улс төр
Ерөнхий сайд У. Хүрэлсүх Япон улсын Ерөнхий сайд Ш.Абэ нар хамтарсан мэдэгдэл гаргана
2018-12-13 10:43:31 - Хууль
Халдлагад өртсөн түргэний дөрвөн эмчийн хэргийг прокуророос шалгаж байна
2018-12-13 10:29:55 - Улс төр
Сайд нарын томилгоо болон чөлөөлөх асуудлыг шийдвэрлэнэ
2018-12-13 09:52:14 - Эдийн засаг
УБТЗ 2018 онд түүхэндээ байгаагүй их ачаа тээлээ
2018-12-13 09:20:00 - Энтертайнмент
МӨНХХАДА: 2019 оны шинэчлэгдсэн загварын RAV4 автомашин хожих сугалаат аянд оролцоорой
Их уншсан
Их сэтгэгдэлтэй
2018-12-13 07:42:01 - Хууль
АУДИО БИЧЛЭГ: БНЭУ-дэх Элчин Сайд Г.Ганболд тусламж хүссэн монгол эмэгтэйн биед халдсан баримт үлджээ
2018-12-11 07:51:37 - Хууль
Тог тасрах үеэр хүчилтөрөгчийн аппаратад амь тэмцэж байсан нярай эндсэн хэрэг гарав
2018-12-13 16:40:51 - Хууль
ШҮҮХ ХУРАЛ: Хүүхэд хулгайлсан эмэгтэйд гурван жилийн ял оноолоо
2018-12-11 08:02:03 - Улс төр
Эхний удаад Ж.Мөнхбат, Н.Номтойбаяр нарыг МАН-аас хөөх үү
2018-12-12 11:27:54 - Хууль
Түргэний эмч Н.Б: Гэрт нь байхад л “Юм мэдэхгүй эмч, зайл” гэж харааж эхэлсэн
2018-12-12 07:56:14 - Энтертайнмент
TOP LINE: Бид Өвөрмонголын Шилийн гол аймгийн хөдөө өссөн МАЛЧНЫ хүүхдүүд
2018-12-13 13:21:45 - Технологи
УИХ-ын дарга маргаашийн дотор огцрохгүй бол өрөөнөөс нь чирч гаргана гэв
2018-12-13 13:01:20 - Хууль
"Шангри-Ла" зочид буудлын өрөөнд АНУ-ын иргэн боомилж нас барсан байдалтай олджээ
2018-12-12 07:50:03 - Энтертайнмент
Б.Идэр-Од: Монгол залуусын оюуны бизнест Японы тэрбумтан 1.1 САЯ АМ.ДОЛЛАРЫН ХӨРӨНГӨ ОРУУЛАЛТ хийлээ
2018-12-12 12:54:16 - Хууль
Төрийн ордныг согтуу жолооч мөргөж, осол гаргажээ