С.Амарсайхан Нийслэлийн газрын албаны дарга нартай газрын маргааны асуудлыг хэлэлцлээ

Түгээх    
2018-02-12 14:27:09 - Нийслэл

niislel

-ИРГЭД ШҮҮХИЙН ШИЙДВЭР ГАРЧИХААД БАЙХАД ГАЗРАА АВЧ
ЧАДАХГҮЙ ХЭВЭЭР БАЙНА ГЭВ-

Өнөөдөр НИТХ-ын дарга С.Амарсайхан Нийслэлийн есөн дүүргийн газрын албаны дарга нар болон Иргэдийн хурлын төлөөлөгчдийн дарга нартай хамтран хэлэлцүүлэг зохион байгууллаа. Энэ үеэр тэрбээр газрын асуудлаа шийдүүлж чадахгүй байгаа олон иргэний асуудлыг шийдвэрлүүлэхээр нийслэл, дүүргүүдийн ИТХ-ын дарга, засаг дарга, газрын албадын дарга нар, холбогдох нийслэлийн агентлагуудад үүрэг өгөв.

НИТХ-ын Ажлын алба газрын харилцааны талаархи “Олон нийтийн нээлттэй хэлэлцүүлэг”-ийг арванхоёрдугаар сарын 22-ноос нэг сарын 22-ны өдөр хүртэл нээлттэй хэлбэрээр зохион байгуулсан байна. НИТХ-ын Тэргүүлэгчдийн хурлын тогтоолоор "Газрын Харилцаа" Олон нийтийн нээлттэй хэлэлцүүлгийг өнөөдөр зохион байгуулж газрын албаны үйл ажиллагааны уялдаа холбоог сайжруулах, иргэдэд нээлттэй ил тод болгох, албан хаагчдын мэргэшлийн ур чадварыг дээшлүүлэх, хүнд суртлыг арилгах, ёс зүй, сахилга хариуцлагыг дээшлүүлэх чиглэлээр арга хэмжээ авахыг үүрэг болгосон билээ.

Мөн иргэдээс ирсэн өргөдөл, гомдолтой холбоотой асуудлыг нэн даруй шийдвэрлэж, 21 хоногийн дараа танилцуулахыг үүрэгдсэн юм. Цаашид хот төлөвлөлтөд уялдуулан иргэдэд хүндрэл, чирэгдэлгүйгээр асуудлаа шийдэх журам боловсруулж, НИТХ-ын Тэргүүлэгчдийн хуралдаанд энэ оны 2-р улиралд багтаан оруулж ирэхийг үүрэгдэв. Цаашид асуудлыг ямар төлөвлөлттэй, цэгцтэй олгох эсвэл Улаанбаатар хотын утаа, төвлөрлийн асуудлыг шийдтэл суурьшлын бүс орчимд өмчлөл, ашиглалтыг түр зогсоох  хувилбарыг ч судалж үзэж санал, зөвлөмж гаргахыг сануулав.

Нээлттэй хэлэлцүүлэгт иргэдээс нийтдээ газартай холбоотой 613 өргөдөл гомдол ирүүлжээ. Иргэдээс ирсэн гомдлын хамгийн ихээр зонхилж байгаа нь газар өмчлөх болон эзэмшихтэй холбоотой мэдээлэл бүртгэгдсэн аж. Мөн газрын албаны удирдлагын зохион байгуулалт, ажилтнуудын хүнд суртал, ёс зүйд ихээхэн гомдолтой байгаагаа илэрхийлсэн байна.

Үүний дагуу өнөөдөр Нийслэлийн бүх дүүргийн газрын албаны дарга нарыг болон ИХТ-ын дарга нарыг байлцуулан ямар гаргалгаа байж болох, иргэдээс ямар асуудал ихээхэн бухимдалтай хандаж байгаа талаар, шүүхийн шийдвэр гарсан байхад газраа өөрийн болгож чадахгүй олон жилийн нүүрийг үзэж байгаа иргэдийн асуудлыг яагаад шийдэхгүй байгаа талаар, дахин төлөвлөлтөөс үүдсэн олон гомдол ирсээр байгаа зэрэг олон асуудлаар санал бодлыг нь сонсож, зарим асуудлаар зөвлөмж хүргүүллээ.

Ингэхдээ Нийслэлийн есөн дүүргийн газрын албадын дарга нарт иргэдээс ирүүлсэн гомдлын дагуух зөвлөмжийг хүргүүлэх аж. Ингэснээр газрын албаны дарга нар зөвлөмжид гомдол мэдээллийг хэрхэн шийдвэрлэсэн болон шийдвэрлэхэд ямар асуудал, хуулийн заалт саад болж байгааг тодорхой бичиж ирүүлснээр цаашид олон асуудлыг шийдэх юм байна.

niislel

-ГОМДОЛ ШИЙДЭГДЭХГҮЙ БАЙГАА ШАЛТГААН НЬ ДҮҮРГИЙН ЗАСАГ ДАРГА НАР ЗАХИРАМЖАА ГАРГАХГҮЙ БАЙГААТАЙ ХОЛБООТОЙ-

Он гарсаар Газрын албанд нийт 3129 өргөдөл, гомдол хүлээн авснаас 756 шийдвэрлэсэн, 176 судалж байгаа, 2197 өргөдөл, шийдвэрлэгдэх шатандаа буюу тухайн шатны Засаг даргын захирамжийн төсөлд хянагдаж байна. Өргөдөл гомдлын шийдвэрлэлт 94 хувьтай байгаа бол дундаж хугацаа 16 хоног 10 цагтай гарсан.

Иргэдийн ирүүлсэн өргөдөл гомдлын 35 хувийг газар эзэмших, ашиглах эрхийн хугацаа сунгах, 19 хувийг эрх шилжүүлэх, 22 хувийг зориулалт талбайн хэмжээ өөрчлөх, 20 хувийг эрх баталгаажуулах, лавлагаа, мэдээлэл, тодорхойлолт авах хүсэлт, 4 хувийг гэрээ, гэрчилгээ нөхөн авах, барьцаа бүртгэх, хасуулах үйлчилгээг авах хүсэлт эзэлж байна.

Нийслэл, дүүргийн Газрын албанд ирсэн өргөдөл, гомдол шийдвэрлэгдэхгүй удах гол шалтгаан нь газрын маргаанаас үүдэн шүүхийн шатанд хянагдаж байгаа болон дүүргийн Засаг дарга захирамжаа гаргахгүй удааж байгаагаас үүдэлтэй байдаг гэдгийг дүүргийн газрын албаны дарга нар хэлэлцүүлгийн үеэр хэлж байв.

niislel

-ИРГЭДЭЭС ИРСЭН ГОМДЛЫГ ХУУЛИЙН ХҮРЭЭНД ШИЙДНЭ-

НИТХ-ын дарга С.Амарсайхан хэлэхдээ “Өнгөрсөн сарын 22-ны өдөр зохион байгуулсан олон нийтийн дунд газрын асуудалтай холбоотой нээлттэй хэлэлцүүлэг зохион байгуулсан. Үүний дагуу өнөөдөр газрын асуудлыг тойрсон олон асуудлын хэлэлцэх. Өөрөөр хэлбэл иргэдээс ирсэн гомдол саналыг ангилж ялгаад чиглэлийн дагуу дүүрэг тус бүрийн газрын албадуудад болон Нийслэлийн газрын албанд хүлээлгэж өгөх бөгөөд хугацаатай шийдвэрлэх. Тухайн шийдвэрээ буцаж иргэд болон оршин суугчид нь хүргүүлэх, цаашид газрын албаны үйл ажиллагааг нээлттэй, өндөр зохион байгуулалттай болгоно гэсэн ажлынхаа хүрээнд өнөөдрийн уулзалт зөвлөгөөнийг хийж байна. Энэ хэлэлцүүлэгт яригдсан асуудлыг цаашид хэрэгжүүлэх ажилдаа тусгах эхлэл болж байна. Энэ бол цаашид дахин хугацаатай үүрэг өгөөд хяналт тавьж, ажиллана гэж ойлгож болно” гэв. Мөн тэрээр Иргэдийн зүгээс ирж байгаа дийлэнх гомдол нь газрын албаны ажилтан албан тушаалтантай холбоотой санал гомдол их байна. Тодруулбал, иргэдтэй харилцаж байгаа ёс зүй, ажлын хариуцлага, өргөдөлд хариу өгч байгаа байдал зэрэг гомдол 43% байна. Мөн газар давхцуулж олгосон 92 иргэн хандсан, шүүхийн шийдвэр биелүүлээгүйтэй холбоотой асуудал мөн ирсэн байна. Ер нь хариуцлага алдсан газрын албаны дарга нартай үнэхээр зарим нэг асуудлын дагуу хариуцлага алдсан зүйл байх юм бол шаардлагатай арга хэмжээнүүдийг хуулийн хүрээнд шат шатанд нь авна. Хуулийн хүрээнд авч хэрэгжүүлэх шаардлагатай хариуцлагын өөр асуудал байвал холбогдох албан тушаалтнуудад заавал авч ажиллах болно гэв.

НИТХ-ын тэргүүлэгч, Газрын харилцаа нээлттэй хэлэлцүүлгийг зохион байгуулах хорооны дарга Б.Батнасан хэлэхдээ “НИТХ-аас Газрын харилцаатай холбоотой хэлэлцүүлгийг бид 3 үе шаттай зохион байгуулж байгаа, эхний шатанд сарын хугацаанд иргэдийн өргөдөл гомдлыг хүлээж авсан, 2-рт үүний дагуу бид олон нийтийн нээлттэй хэлэлцүүлгийг зохион байгуулсан. Харин сүүлийн үе шатанд бид өнөөдрийн зөвлөгөөнийг зохион байгуулж байна. Иргэдээс гарсан гомдол саналыг хэрхэн шийдвэрлэх, нийслэл дүүргийн газрын алба хэрхэн ажиллах, хууль эрх зүйн орчинд хэрхэн ажиллах вэ гэдгийг та бүхэнтэйгээ зөвлөлдөж, санал бодлоо солилцож байна" гэв.

НГА-ны дарга Э.Болорчулуун:  "Газрын албаны хүнд суртал, ажилчдын ёс зүй, газрын  гэрчилгээ, кадастрын зураг давхардуулж олгосон байдал, газар эзэмшигчийн нэр шилжүүлэх, гэрчилгээ сунгуулах талаар иргэдийн гаргасан өргөдөл гомдлын шийдвэрлэлтийн хүрээнд Нийслэлийн газрын албанаас онцгой дэглэмийн байдлаар үүрэгжүүлж ажиллана" гэлээ.

У.УРАНЦЭЦЭГ

 ГЭРЭЛ ЗУРГИЙГ Г.ТҮШИГ

niislel



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэлүүд
Нийт 7

zochin (150.129.142.243)
2018-02-12 17:50:50
chingeltein gazriin alva gerchilgeeny ner soliulah geheer solihgui geed bg ene yag yu gesen ug uu bolorchuluunaa

зочин (202.9.47.177)
2018-02-12 17:05:51
Хоосон хашааны газараа өмчилж авмаар байна. Яавал дээр вэ? Нийслэлийн засаг дарга газар олголтыг зогсоосон гэх юм. Сонгогдсоноос хойш хичнээн цаг хугацаа өнгөрч байдаг. Асуудал огт шийдэгдэхгүй зовлонтой юм бэ

зочин (103.206.195.163)
2018-02-12 15:52:59
Зуслангийн газрыг ашиглаж бай гээд өмчлүүлэхгүй байна.

тогтох (202.21.100.210)
2018-02-12 15:19:07
Дүүргүүдийн газрын алба гэж авах юм алга бөөн хүнд суртал 2016 оны 6-р сард төр солигдсоноос хойш захирамж гараагүй тэр үед гарсан захирамжууд бөөн хэл ам онц чухал объектын зурваст хууль бус олгосон газрууд, тэр үеийн хүмүүсийг шударга байсан гэх үү СХД-ийн тэр гахай арай дэндүү цалин авч байгаа юм чинь ажлаа хийхэд яана аа

Зочин (202.70.44.46)
2018-02-12 15:07:33
Газрын маань буланд зөвшөөрөлгүй айл буучихсан байна гээд Сүхбаатар дүүргийн газрын алба газар өмчлөх өргөдлийг минь авдаггүй. Зөвшөөрөлгүй айлын зөрчлийг арилгаад өг гэхээр өөрсдөө арилга гээд өргөдөл авахгүй гээд байгааг яах уу.

zochin (202.179.27.171)
2018-02-12 14:59:15
Chingeltei duurgiin Gazriin albanii darga ajilaa hiilde. Sda gej yamarch asuudalgui gazariin gerchilgee hurtel gargahgui yuma. Mungu avah geed bdag yum blovu. Ug ni ajilaa hiisenii tuluu tsalin avdag l bailtai.

зочин (202.179.26.12)
2018-02-12 14:58:18
Зуслангын газраа хөөцөлдөж байж 28 жилийн дараа арай гэж гэрчилгээ авсан. Одоо өмчилж авч болно биз дээ. Очихоор болоогүй гээд байх юм.

Сэтгэгдэл бичих

АНХААРУУЛГА: Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Таны нэр:


Таны сэтгэгдэл:


Шинэ мэдээ
2018-10-22 19:30:48 - Технологи
Ирэх пүрэв гаригт дэлхийн хамгийн урт, далай дамнасан гүүр нээлтээ хийнэ
2018-10-22 17:54:51 - Байгаль Орчин
Баруун аймгуудад цас орж буй тул болгоомжтой зорчихыг анхааруулж байна
2018-10-22 17:24:42 - Боловсрол
Н.Китахара: Монгол Улсын иргэд гэр бүл төлөвлөх эрхээ эдэлж чадахгүй байна
2018-10-22 17:20:45 - Нийслэл
Үерт өртсөн болон эмзэг бүлгийн 117 хүнд сэтгэл зүйн анхны тусламж үзүүллээ
2018-10-22 17:10:30 - Нийслэл
Инженерийн шугам сүлжээний аюулгүй байдлыг хангана
2018-10-22 16:52:05 - Эрүүл мэнд
Амьсгалын замын цочмог халдварт өвчнөөс сэргийлээрэй
2018-10-22 16:42:09 - Орон нутаг
Оюутолгойн галын асуудлаар Австралиас мэргэжлийн тусгай баг ирж ажиллаж байна
2018-10-22 16:01:23 - Шар
Оюутнуудын дунд үр хөндөлт, бэлгийн замын халдварт өвчин их байна гэв
2018-10-22 15:58:17 - Улс төр
Ж.Энхбаяр: Дархан, Эрдэнэтийг хотын статустай болговол Ерөнхийлөгчийн санал хэрэгжинэ
2018-10-22 15:35:08 - Нийслэл
АТГ-аас эрүүгийн дөрвөн хэргийг прокурорт шилжүүлжээ
2018-10-22 14:56:50 - Нийслэл
Хороодод "Хүүхэд хамгаалагч" тѳсөл эхлүүллээ
2018-10-22 14:51:27 - Улс төр
Д.Тэрбишдагва: Оюутолгойн хөрөнгө оруулалтын гэрээнд хийсэн дүгнэлтийг тун удахгүй УИХ-д өргөн мэдүүлнэ
2018-10-22 14:33:47 - Спорт
Хөлбөмбөгийн охидын шигшээ баг Азийн аваргад оролцохоор Ливан улсыг зорьжээ
2018-10-22 14:25:25 - Шар
Сэргээш хэрэглэсэн тамирчныхаа өмнөөс Д.Энхбат, С.Ган-Эрдэнэ нар хариуцлага хүлээж, ажлаа өглөө
2018-10-22 14:12:08 - Нийслэл
Нийт 24 байршилд дуудлага худалдаа зарлалаа
2018-10-22 14:08:05 - Улс төр
Т.Аюурсайхан: Шаардлага биелүүлэхгүй бол Н.Баяртсайханыг огцруулах асуудлыг УИХ-д өргөн барина
2018-10-22 14:05:23 - Байгаль Орчин
ТАНИЛЦ: Ирэх өвлийн цаг агаарын урьдчилсан төлөв
2018-10-22 14:00:30 - Шар
Саудын хаан Салман, хунтайжийн хамт сэтгүүлч Хашоггийн хүүд эмгэнэл илэрхийлжээ
2018-10-22 13:42:08 - Улс төр
МАН-ын бүлэг үдээс хойш үргэлжлүүлэн хуралдана
2018-10-22 13:22:37 - Нийслэл
“195 сая төгрөгөөр тавьсан замыг СҮЙТГЭЖ байхад цагдаа хүчнийхэн хөдөлдөггүй юм байна”
2018-10-22 13:12:23 - Боловсрол
Энэ долоо хоногт сурагчдын амралт эхэлнэ
2018-10-22 13:10:03 - Технологи
Гааль дээр агаарын чанар хэмжигч төхөөрөмжүүд гацжээ
2018-10-22 13:07:56 - Нийслэл
Өсвөр насны хүүхдүүд будаг шингэлэгч үнэртэн мансуурсан байжээ
2018-10-22 12:27:24 - Хууль
Хоёр этгээд нөхөрт нь хутга тулгаж, эхнэрийг нь авч явсан хэрэг гарчээ
2018-10-22 12:15:25 - Улс төр
Ардчилсан намын бүлэг: Хүүхдийн мөнгийг 100 хувь олгох ёстой
2018-10-22 12:02:55 - Гадаад
Керчийн коллежид гал нээсэн бичлэгийг дэлгэжээ
2018-10-22 11:49:10 - Хууль
Хүн амины ноцтой хэрэгтэнг 20 жилийн дараа баривчиллаа
2018-10-22 11:48:12 - Улс төр
ТОМИЛГОО: “ДЦС-4”-ийн захирлаар Ү.Төмөрхуягийг, “ДЦС-3”-ын удирдлагаар Л.Нямхүүг томилжээ
2018-10-22 11:24:27 - Шар
Барьцаалан зээлдүүлэх төвд буу гаргаж танхайрчээ
2018-10-22 10:56:24 - Эдийн засаг
Монголд анх удаа ХХБанк болон shoppy.mn хамтран цахим зээлээр хүссэн бараагаа авах шийдлийг нэвтрүүлнэ
2018-10-22 10:45:24 - Хууль
Зам тээврийн ослын улмаас хоёр хүн нас баржээ
2018-10-22 10:40:36 - Улс төр
УИХ-ын гишүүн Ч.Улааны тойрогт ногоон зоорь барихад 413 сая төгрөг төсөвлөжээ
2018-10-22 10:35:52 - Нийслэл
Ц.Лхагважав: Автомашины бизнес төрд суугаа 60 тэрбумтнуудын мөнгө босгох бас нэг арга боллоо гэж хардаж байна
2018-10-22 10:32:55 - Эдийн засаг
НӨАТ-ын сугалаагаар 21368 азтан тодорлоо
2018-10-22 10:28:39 - Спорт
ДАШТ: Т.Түвшинтулга хүрэл медальтан боллоо
2018-10-22 09:53:56 - Эдийн засаг
З.Энхболд: Төсөв энэ чигээрээ батлагдвал 1990 оноос хойшхи хамгийн дампуу төсөв болно
2018-10-22 09:28:33 - Улс төр
Оюутолгойн гэрээг шалгах ажлын хэсэг хуралдана
2018-10-22 08:38:08 - Байгаль Орчин
Улаанбаатарт 5 хэм дулаан байна
2018-10-22 08:29:33 - Нийслэл
СУРВАЛЖЛАГА: Монголын анхны ХУРДНЫ ЗАМ арваннэгдүгээр сард ашиглалтад орно
2018-10-22 08:20:57 - Энтертайнмент
Эрэлч нохой СОНИ удаан хүлээсэн эзэнтэйгээ уулзаж, тэтгэвэрт гарах өдрөө хүлээсээр үүрэндээ үлдэв
Их уншсан
Их сэтгэгдэлтэй
2018-10-22 12:27:24 - Хууль
Хоёр этгээд нөхөрт нь хутга тулгаж, эхнэрийг нь авч явсан хэрэг гарчээ
2018-10-20 16:34:21 - Шар
Монгол бүсгүйчүүдтэй зугаацсан тэнгисийн цэргийн командлагчид ял оноожээ
2018-10-22 08:29:33 - Нийслэл
СУРВАЛЖЛАГА: Монголын анхны ХУРДНЫ ЗАМ арваннэгдүгээр сард ашиглалтад орно
2018-10-20 10:10:13 - Хууль
Эхнэртээ улсын мөнгөнөөс гурван сая төгрөг шилжүүлсэн ТНБД хэн байв
2018-10-22 11:49:10 - Хууль
Хүн амины ноцтой хэрэгтэнг 20 жилийн дараа баривчиллаа
2018-10-22 13:22:37 - Нийслэл
“195 сая төгрөгөөр тавьсан замыг СҮЙТГЭЖ байхад цагдаа хүчнийхэн хөдөлдөггүй юм байна”
2018-10-22 08:20:57 - Энтертайнмент
Эрэлч нохой СОНИ удаан хүлээсэн эзэнтэйгээ уулзаж, тэтгэвэрт гарах өдрөө хүлээсээр үүрэндээ үлдэв
2018-10-20 15:51:59 - Шар
ОХУ-ын "АК-74М"-ыг дэлхийн хамгийн шилдэг зэвсгээр нэрлэжээ
2018-10-21 10:33:17 - Байгаль Орчин
Ирэх долоо хоногт ихэнх нутгаар цас орж, ХҮЙТЭРНЭ
2018-10-20 10:32:13 - Эрүүл мэнд
Дархлааны эмчилгээний үр дүнд эмчилгээгүйд тооцогдож байсан өвчтөн ч эрүүл болж байна