М.Дорждэрэм: Алдаан дээрээ дөрөөлж боссон урмаар тэжээгдэж явна

Түгээх    
2018-03-19 08:41:57 - Энтертайнмент

“Найм дахь аялгуу” буюу “Аяыг таа” нэвтрүүлгийн хөтлөгч М.Дорждэрэмтэй ярилцлаа.

-НҮДЭНД ХАРАГДАЖ, ГАРТ БАРИГДАХААР ХИЙСЭН ЗҮЙЛ
ТЭМДЭГЛЭГДЭН ҮЛДДЭГ-

-Үзэгчид таныг “Найм дахь аялгуу” нэвтрүүлгийн хөтлөгч гэдгээр тань андахгүй. Энэхүү нэвтрүүлэг болон “Хязгааргүй” киноны дараа телевизийн дэлгэцээс холдсоноос хойш чамгүй урт хугацаа өнгөрчээ. “Аяыг таа” нэвтрүүлгийг анх эхлүүлж байснаа эргэн дурсвал сонин байх болов уу?

-Танай сайтын уншигчдад энэ өдрийн мэндийг хүргэе. Нүдэнд харагдаж, гарт баригдахаар хийсэн зүйл тэмдэглэгдэн үлддэг гэдэг. “Найм дахь аялгуу” буюу “Аяыг таа” нэвтрүүлэг бол олон улсын контент. Гадаад орнуудад нэлээдгүй хийгдсэн байдаг. Харин 2004 оноос МҮОНРТ-ээр цацагдах “Найм дахь аялгуу нэвтрүүлэг”-т хамтарч ажиллах боломж гарснаар хөтлөгч, продюссерээр ажилласан. Нэвтрүүлгээрээ овоглогдож байна гэдэг хүмүүст хүрсний илрэл юм болов уу даа. Тухайн үед олон телевиз байгаагүй ч өндөр шаардлага шалгуур хангасан сайхан нэвтрүүлэг болж чадсан. Энэ үүднээс хамгийн олон үзэгчтэй нэвтрүүлэг, шилдэг хөтлөгч зэрэг шагналуудыг жил болгон л хүртдэг байлаа. Америкаас ирээд удаагүй байхдаа тэр нэвтрүүлгийг хөтөлсөн. Гадаадад ажиллаж амьдраад үзчихсэн хүний хувьд арай өөрөөр харж, шинэлэг юм хийхийг зорьсон гэх үү дээ. Зурагтаар өдөр болгон гардаг тогтсон хэв маягийг эвдэж, хүмүүст өөр мэдрэмж өгөх юмсан гэж хичээсэн. Тухайлбал, би ийм хувцас өмсчихвөл хүмүүс яаж хүлээж авах бол, энгийн хувцас өмсчихвөл юу гэж хэлэх бол гээд. Заримдаа ордны гүнгийн хувцас, хэт гял цял тайзны хувцас гэх мэтээр хувцаслаж байснаа эргээд харахад их л зоригтой байсан юм билээ. Хөтлөгч хүн дан ганц хувцаслалтаа анхаарах биш, үзээд сууж байгаа хүмүүст танин мэдэхүйн мэдээлэл болоод баясаж цэнгэх таашаалыг хэрхэн өгөх вэ гэдгийг дотроо маш сайн бодож боловсруулж ажиллах ёстой байдаг.

-Хүмүүсийн сэтгэл зүрхэнд хоногшсон тэрхүү нэвтрүүлэг шигээ дахиад өөр нэвтрүүлэг хийх тухай бодож байв уу?

-Энэ нэвтрүүлгийг хийж дууссаны дараа маш олон телевизээс хамтарч ажиллах санал ирж байлаа. Хэд хэдэн телевизэд ерөнхий продюссерын алба хашсан. Хүмүүст хүрсэн томоохон контентуудад гар бие оролцсон байдаг. Ажилласан телевизүүдийнхээ рейтингийг нэгээс таван байраар урагшлуулж ч явсан шүү. Өөрийн гэсэн брэнд нэвтрүүлэг гаргана гэдэг сэтгүүлч, хөтлөгч болгоны мөрөөдөл. Олон хит нэвтрүүлэг хөтлөөгүй ч би үндсэн суурийг нь босголцсон гэж бодохоор баяртай байдаг юм. Өөрөө хийвэл хийсэн шиг хийх хэрэгтэй. Хоёрын хооронд хийснээс ажиглаад сууж байсан нь дээр байдаг. Надад хийхээр төлөвлөж байгаа олон зүйл бий. Сүүлийн үед хөтлөгчийн гэхээсээ илүү телевизүүдийн томоохон контентүүдийг босгох ажлын санал их ирж байна. Дөрвөн жилийн өмнө дэлхийн хөлбөмбөгийн тэмцээнийг ETV телевизийн захиалгаар орон даяар шууд дамжуулсан. Шууд дамжуулалтын нээлт хаалт, парад, шоу, гээд энтертайнмент үйл ажиллагаануудыг хариуцаж байлаа. Яг л телевизтэйгээ ажиллаж байгаа юм шиг сэтгэл зүрхэнд ойрхон байсан.

-Энэ жил дахиад хөлбөмбөгийн дэлхийн аваргын тэмцээн болно. Шууд дамжуулалт хийх үү?

-Өмнөх туршлага дээр тулгуурлан хийхээр төлөвлөж байгаа. МҮОНРТ болон “NTV” телевиз гаргах эрхийг хамтран эзэмшиж байгаа. Мөн миний удирддаг “Эвент Мастерс” компани SBN телевиз, “Хар тас” хамтлагтай хамтраад “Манай аялгуу” төслийн санамж бичигт гарын үсэг зурсан. Энэ төслийн гурван цуврал үзэгчдэд амжилттай хүрсэн. Алтан үеийн сайхан дуунуудыг орчин цагийн олны танил дуучид өөрсдийн стиль, жанрт тохируулан шинэчлэн найруулж дуулдаг. Өмнө нь олны танил хүмүүс дуулдаг байсан бол энэ удаад бизнесийн салбарынхан болон жирийн ажилчин иргэдийн дуу хоолойгоор ард түмэнд хүргэх гэж буйгаараа онцлогтой.

-Та найруулагч, продюссер, жүжигчин, сэтгүүлч гээд олон мэргэжлээр олон сургууль дүүргэсэн юм билээ. Цаашид аль мэргэжилдээ сэтгэл зүрхээ зориулж тууштай ажиллана гэж боддог вэ?

-Би дөрөв таван сургуульд суралцаж төгссөн. Суралцсан мэргэжлүүд минь өөр хоорондоо уялдаа холбоотой учраас энэ олон сургуулийг төгсөхөд төвөгтэй байгаагүй. Харин ч сонирхолтой байсан. Сурсан сургууль, анги хамт олон болгоноосоо туршлага, мэдлэг мэдээлэл цуглуулж, одоогийн Дорждэрэм гэдэг хүнийг бүтээсэн. Би одоо хүртэл суралцсаар явна. Цаашдаа ч суралцах төлөвлөгөөтэй байгаа шүү.

-Өөрөө найруулж продюссерлэсэн, гол дүрд нь тоглосон зэргээр урын сандаа хичнээн уран бүтээлтэй болсон бэ?

-Нарийн тоолж үзээгүй юм байна. Олон дүр бүтээж ч байсангүй. Жүжигчдийн дунд ажиллаж өнгөрүүлсэн цаг хугацаа харьцангуй цөөхөн шүү. Хэд хэдэн кинонд л туслах дүр бүтээсэн. 2014 онд өөрийн “Гэрэлт медиа” группын хамт олонтойгоо бүтээсэн “Хязгааргүй” кинонд гол дүр бүтээж, өөрөө продюссерлэсэн. Түүнээс хойш олон кино төсөлд продюссерээр ажиллалаа. Хамгийн сүүлд олон улсын эмэгтэйчүүдийн баярын өдрөөр нээлтээ хийсэн “Love story” кинонд туслах дүр бүтээж, продюссерлэсэн.

-ӨӨРИЙГӨӨ ОЛНО ГЭДЭГ МАШ ТОМ ОЛОЛТ-

-“Урлагийн доторхи өөрийгөө бус, өөрийнхөө доторхи урлагийг хөгжүүл” гэх гайхалтай үг байдаг. Урлагийн хүний сэтгэлийн дотоод боловсрол ямар байх ёстой гэж боддог вэ?

-Жүжигчин ч бай, уран бүтээлч ч бай, эгэл жирийн хүн ч бай бүгдийнх нь дотоод сэтгэл ариун байх ёстой. Зөв байх ёстой. Зөв байснаар хийж, бүтээсэн үйлдэл бүр нь хүмүүсийн зүрх сэтгэлд бодитоор хүрдэг юм шүү. Би хувь хүнийхээ ч, уран бүтээлчийнхээ ч үүднээс зөв хүн байхыг ямагт хичээдэг. Аливаа юмыг зөв өнцгөөс харна гэдэг чухал зүйл. Ингэснээр хийж буй ажлаараа хүмүүст ямар үр өгөөж өгөх вэ, нийгэмд ямар хэрэгтэй вэ, залууст юу өвлүүлж үлдээх вэ зэргээр олон талаас нь бодож эргэцүүлэх хэрэгтэй. Түүнээс биш би уран бүтээлч хүн гээд, ямар ч үр өгөөжгүй хий хоосон зүйлээр хүмүүсийн тархи угаах шаардлагагүй. Уран бүтээл хийж буй хүн бүхэн л дотроо ингэж бодож явдаг байх гэж найдаж байна. Энгийн хүн ч гэсэн ялгаагүй. Уужуу сэтгэлийг урьтал болгож, сайхан сэтгэлээр хандаасай. Амнаас гарч буй үг, биеийн хэлэмж зөв болоод ирэхийн цагт амьдрал гэдэг чинь төвөгтэй зүйл биш юм шиг санагддаг шүү дээ. Тэгж байж хүний мөн чанар хөгжих болов уу гэж хардаг.

-Хүний мөн чанар гэснээс М.Дорждэрэм гэдэг хүний дотор чухам ямар хүн оршдог вэ? Өөрийгөө товчхон тодорхойлвол?

-Өөрийгөө тодорхойлох томъёо одоогоор алга. Би өөрөө өөрийгөө олохгүй өдий хүртэл явсан ч байж магадгүй. Өөрийгөө олно гэдэг маш том ололт. Үүний цаана том боловсрол, төлөвшил оршдог байх. Гэхдээ өөрийгөө олчихлоо, болж байна, бүтэж байна гээд бодож байтал биш байх, бүтэхгүй байх, олоогүй байх жишээнүүд маш олон бий. Тиймээс би өөрийгөө олоогүй яваа л гэж боддог. Яагаад гэвэл унаж бүдрэх, мэдэхгүй чадахгүй байх үе надад олон байсан. Тэр болгоны өмнө өөрийгөө олсон гэж хэлэх даанч эрт байна. Тэгэхээр өөрийн чинь асуусан шиг өөрийгөө “яг тийм” гээд хэлчихээр тодорхойлт алга. Харин хүмүүсийн дотор оршдог Дорждэрэм гэж хэн бэ гэх тодорхойлт, үнэлэмжүүд их, бага хэмээгээр байдаг байх гэж найдаж байна. 

-Хэвлэлд өгсөн ярилцлагаас тань “Доод түвшин хүртэл унаж, алдаж явсан үеүд байгаа. Гэхдээ би босож чадсан” хэмээн хэлснийг уншсан. Эргээд бодоход алдаанаасаа суралцаж, өвдөгнийхөө шороог гөвж босно гэдэг хамгийн том гайхамшиг. Алдаа таныг хэрхэн хурцалсан гэж боддог вэ?

-Залуу хүний хувьд зүрхний цохилт шиг уналт, босолттой амьдарч ирсэн өдрүүд надад бий. Өөрийн чинь хэлдэгээр пульс нь сонсогдохоо больтол доод цэгт нь унаж явсан. Бас мандаж ч явсан. Эргээд бодоход хүний дайраад өнгөрөх ёстой үеүд л байсан болов уу. Алддаггүй залуу хүн гэж ховор. Надад алдаагаа хаацайлах хэрэг огтхон ч байхгүй. Алдсан гэдэг бодит түүх байхад, түүнийгээ засч чадсан бахархам түүх зэрэгцэн оршиж байна. Алдаан дээрээ дөрөөлж босно гэдэг том урам. Өнөөдөр тэр урмаараа л тэжээгдээд явж байна даа.

-Хүн бүр амьдралдаа хатуу зарчим баримталж, түүгээрээ туйлын зорилгодоо хүрэхийг тэмүүлдэг шүү дээ. Таны хувьд ямар зарчим баримталдаг вэ?

-Нэгдүгээрт, ёс зүйтэй байх ёстой. Өөрийнхөө ёс зүй, хэмжээг мэддэг байх. Хэм хэмжээг дутаахгүй, давуулахгүй байна гэдэг чухал чанар. Ёс зүй баримталсан хүн хэзээ ч худлаа ярьж, хулгай хийдэггүй гэж би боддог. Олон зүйлийг алдаж үзсэн хүний хувьд ёс зүйтэй байхад л суралцаж явна даа. Үүний дараа хийсэн алхам бүхэн чинь зөв байх болно. Мөрөөдөл бодит зүйл болохыг үгүйсгэх аргагүй шүү дээ.

-Таны сэтгэл доторхи цонхоор чухам юу харагддаг бол?

-Хүн нүдээ нээсэн цагаасаа эхлээд бүх зүйлийг өөрийнхөөрөө харж эхэлдэг шүү дээ. Тухайн орчноо, харилцаж байгаа хүмүүсээ, амьдарч буй нийгмээ гээд л. Ертөнцийг харах өнцөг өөр өөр байлаа ч гэсэн хамгийн гол нь мэдрэмжтэй байх ёстой. Тэр мэдрэмжээр л хамт амьдарч байгаа хүнийхээ, хайртынхаа дотоод сэтгэл рүү өнгийж чадна.

-Гэр бүлээ танилцуулахгүй юу?

-Би гурван сайхан хүүхэдтэй. Тэднийг маань Д.Халиун, Д.Нандин, Д.Мэргэн гэдэг.

-Одоо ямар уран бүтээл дээр ажиллаж байна вэ?

-2017 оноос хойш БНХАУ-ын Өвөрмонголын өөртөө засах оронд цуврал тоглолтууд зохион байгуулж ирлээ. Монголынхоо рок попын хамтлаг дуучдыг сар болгон Өвөрмонголын үзэгчидтэй уулзуулдаг. Энэ нь рок поп, эстрадын дуучид хэрхэн өсөн дэвжиж, хөгжиж буйг харуулах үндсэн зорилготой. Тухайлбал, дуучин Баярцэцэг, Минжинсор, Марка, Ганбаа болон “Мотив”, “Мөнхийн реп”, “Гурван бүдүүн”, “Хар тас” зэрэг хамтлагуудыг ээлж дараалан явуулсан. Дараагийн уран бүтээлчдээ аваад явахад бэлэн болчихсон байгаа. Өвөрмонголчуудад төдийгүй Хятадын зах зээлд уран бүтээлчдээ сурталчлах, харилцаа тогтоож гэрээ байгуулах бодлоготой юм л даа. Мөн Европ болон Австралид тоглолт зохион байгуулах чиглэл ирчихсэн. Хамтлаг дуучидтайгаа гэрээгээ хийгээд л явна даа.

-Цаашдын төлөвлөгөөг тань сонирхож болох уу?

-Ямар ч байсан ойрын таван жилийн төлөвлөгөөний ерөнхий зураглал бий. Урлагийг хэрхэн яаж хөгжүүлэх вэ, ямар баг хамт олонтой оролцох вэ гээд бүгдийг урьдчилан бодож боловсруулах нь чухал. Заримдаа маргаашаа ч харж чадахгүй өдөр байдаг юм байна шүү дээ. Ямар ч байсан жилд нэг кино хийнэ гэсэн төлөвлөгөөтэй байна. Мөн жилд нэг удаа шинэ ном зах зээлд гаргах, хоёроос гурван хамтлаг дуучидтэй продюссерингийн гэрээ хийх зэргээр ажиллана.

-Цаг зав гарган ярилцсанд баярлалаа

-Баярлалаа.

П.УРНАА



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэлүүд
Нийт 8

Зочин (66.181.160.112)
2018-03-19 17:11:08
Yamar saihan zaluu bailaa odoo duu mini erchrei tur yasan muuhai yum be olnii tanil hun iim baij bolohgui urdaar biee zasaj urdin baidaldaa or tegeed uran buteeldee or chi zaluu hun odoo bol nasnaasaa dahin ih hugshin haragdaj bn ingej helsend uuchlaarai duu mini

Зочин (103.26.194.107)
2018-03-19 13:11:17
yasan ih utluu ve.tanigdahiin argagui bolchihoj..tsagtaa bas l OD bailaa sh de

Зочин (150.129.140.71)
2018-03-19 11:28:40
Түмний нүдэн дээр таргаласан ганц залуу даа кк

Зочин (202.179.27.16)
2018-03-19 11:14:16
Дүүд амжилт хүсэе

ghj (43.228.129.85)
2018-03-19 11:00:45
Сайхан хоолны сав бндаа Хэ хэ Хөдөлмөр хии хөдөл яв Худлаа хөгиин урлагаар бүү хуурах гд бай

Зочин (202.70.34.38)
2018-03-19 09:57:15
Миний найз ямар огцом хөгширөө вэ. наад архиа л багасага. амьдралын дайсан шүү

М.Дорждэрэм (103.229.123.74)
2018-03-19 08:58:04
за

Зочин (202.179.25.241)
2018-03-19 08:53:39
тур тур.

Сэтгэгдэл бичих

АНХААРУУЛГА: Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Таны нэр:


Таны сэтгэгдэл:


Шинэ мэдээ
2018-09-22 13:20:41 - Спорт
Хакүхо М.Даваажаргал өнөөдөр давбал түрүүлэх болзлоо хангана
2018-09-22 13:16:31 - Байгаль Орчин
Бурхан Халдун уулыг хамгаалах асуудлаар олон улсын эрдэмтэд чуулж байна
2018-09-22 12:41:02 - Энтертайнмент
Д.Батмөнх: Тэнгэрт дүүлээд л нисээд яваа юм шиг мэдрэмж төрж байна
2018-09-22 12:31:01 - Нийслэл
ТОЙМ: ТЭЦ-4 тэг зогсолт хийж, ам.доллар 2500 төгрөг давж, шатахууны үнэ орон нутагт нэмэгдэв
2018-09-22 12:17:01 - Энтертайнмент
Н.Мандах: Зам, дэд бүтцэд сөрөг нөлөөтэй элсний нүүдлийг зогсоох шинэ технологийг МОНГОЛД нэвтрүүлсэн
2018-09-22 11:45:53 - Гадаад
Оросын тагнуул, сэтгүүлчидтэй холбоотой УЧИР БИТҮҮЛЭГ ХЭРГҮҮД
2018-09-22 10:52:33 - Байгаль Орчин
Өнөөдөр зүүн аймгуудын нутгаар цасан шуургатай
2018-09-22 10:29:29 - Орон нутаг
Аймаг дундын отрын бүс нутагт зөвшөөрөлгүй мал оруулсан малчдад мэдэгдэл хүргүүлжээ
2018-09-22 10:14:06 - Боловсрол
БНСУ-ын Засгийн газрын 2019 оны бакалаврын тэтгэлэгт хөтөлбөр зарлагдлаа
2018-09-22 09:59:36 - Нийслэл
Өнөөдөр дараах замууд 17.00 цаг хүртэл хаалттай байна
2018-09-22 09:35:28 - Улс төр
Нийслэлийн МАН-ын хорооны даргаар Д.Сумъяабазар сонгогджээ
2018-09-21 18:25:45 - Спорт
Хамгийн хүнд жинтэй сүмоч зодог тайлав
2018-09-21 18:00:28 - Шар
БНСУ-ын нэрт жүжигчин Сүн Жүн Ги монгол хүүтэй дахин уулзаж, сэтгэлийн дэм өгчээ
2018-09-21 17:39:53 - Эрүүл мэнд
Монгол хүүхдүүдийн сохролын түвшин дээшлэх хандлагатай байна гэв
2018-09-21 17:24:00 - Нийслэл
Тээвэрлэгч аж ахуйн нэгжүүд өвөлд бэлэн байна
2018-09-21 16:59:32 - Улс төр
М.Энхболд: Төр тогтворгүй болохоор албан хаагч мэргэшиж чадахгүй байна
2018-09-21 16:39:55 - Нийслэл
Ерөнхий сайд АНУ дахь монголчуудтай уулзав
2018-09-21 16:34:39 - Нийслэл
У.Хүрэлсүх: Бид төрийн албаны шинэ соёл, дэг журмыг тогтоохоор ажиллаж байна
2018-09-21 16:27:37 - Гадаад
Газар чөлөөлөлтийн ажил хийгдэж байна
2018-09-21 16:12:59 - Улс төр
УИХ-ын намрын ээлжит чуулганаар хэлэлцэх асуудлын жагсаалт
2018-09-21 15:51:26 - Гадаад
Трамп Японы эрх баригч намын даргаар сонгогдсон Шинзо Абэд баяр хүргэв
2018-09-21 15:40:28 - Нийслэл
Төрийн албаны машиныг хувийн хэрэгцээнд ашиглахыг хориглоно
2018-09-21 14:51:14 - Гадаад
Вьетнамын Ерөнхийлөгч Чан Дай Куанг таалал төгсөв
2018-09-21 14:32:39 - Шар
“Ноцтой мэдээ” сонины эрхлэгч Б.Галсансүхийг саатууллаа
2018-09-21 14:03:33 - Нийслэл
СЭМҮТ-д эмчлүүлж буй 15-тай хүүхэд мансууруулах бодис хэрэглэсэн байжээ
2018-09-21 14:00:31 - Орон нутаг
Хүдэр, Ерөө орчмын тариалангийн бүс нутагт 30 см-ын зузаан цасан бүрхүүл тогтжээ
2018-09-21 13:52:03 - Эдийн засаг
MoneyGram үйлчилгээний Монгол дахь агент банкуудын зөвлөгөөн боллоо
2018-09-21 13:50:21 - Нийслэл
Түрээсийн орон сууцны бүртгэлийг цахимаар явуулна
2018-09-21 13:47:55 - Хууль
Үндсэн хууль зөрчөөгүй гэж дүгнэв
2018-09-21 13:43:12 - Улс төр
ФОТО: Нийслэлийн МАН-ын 34-р Бага хурал зохион байгуулагдаж байна
2018-09-21 13:35:45 - Эдийн засаг
Хамтарсан зохицуулах хорооны хуралдаан болж байна
2018-09-21 13:25:19 - Эдийн засаг
“Номин тэтгэлэг” 2018-2019 зарлагдлаа
2018-09-21 13:03:31 - Хууль
Бөхийн өргөө удахгүй хэвийн үйл ажиллагаа явуулж эхлэх үү
2018-09-21 12:57:55 - Улс төр
Төрийн албаны удирдах ажилтны улсын зөвлөгөөн болж байна
2018-09-21 12:38:06 - Эдийн засаг
“Цусны даралт ихсэлтийн эсрэг аян” Баянхонгор аймагт нээлтээ хийлээ
2018-09-21 12:26:04 - Байгаль Орчин
“Агаарын бохирдлын асуудлыг өвөл цагийн утаагаар бүү төсөөл”
2018-09-21 12:22:09 - Шар
Дэлхийн аварга, Германы алдарт хөлбөмбөгч Лукас Подольски Хакухо аваргад өмсгөлөө бэлэглэжээ
2018-09-21 11:47:13 - Орон нутаг
Дархан, Сэлэнгийн замд нийт 1450 иргэн цасанд боогдсон байжээ
2018-09-21 10:56:02 - Технологи
“Эрдэнэт үйлдвэр”, “Монголросцветмет” ХХК-иудын эзэмшилтэй холбоотой маргаан эцэслэн шийдэгдлээ
2018-09-21 10:47:32 - Спорт
Г.Отгонцэцэг хүрэл медальтан болж, М.Уранцэцэг V байрт орлоо
Их уншсан
Их сэтгэгдэлтэй
2018-09-21 10:26:56 - Улс төр
Ц.Мөнх-Оргил: Нийслэлийн МАН-ын хурал эрүүл, амьд болж байна
2018-09-19 07:52:01 - Улс төр
Сүхбаатар аймгийн МАН-ын хорооны хурлын үеэр архидалт болж, багийн Засаг дарга амиа алджээ
2018-09-19 16:34:09 - Нийслэл
Цагдаагийн дарга нар 10 мянган ам.доллар, 50 сая төгрөг бэлнээр авсан байж болзошгүй гэв
2018-09-21 14:32:39 - Шар
“Ноцтой мэдээ” сонины эрхлэгч Б.Галсансүхийг саатууллаа
2018-09-19 07:58:04 - Улс төр
Г.Мөнхбаяр: Сайдаар ажиллахад ямар ашиг байх вэ дээ, ажил хийх “кайф” л өгсөн
2018-09-20 16:35:38 - Нийслэл
ШУУРХАЙ: Дархан, Эрдэнэт, Сэлэнгэ чиглэлийн замуудыг хаалаа
2018-09-19 15:44:42 - Шар
Охидын 1000 гаруй нүцгэн зураг цуглуулсан 17 настай этгээдийг саатуулав
2018-09-19 17:54:13 - Нийслэл
“Приус 30” автомашиныг санаатай шатаасан уу
2018-09-19 08:07:34 - Эдийн засаг
"Тавантолгой"-н дансаа нээлгэх гэсэн иргэдийн хөлд Хөрөнгийн бирж дарагдаад байна
2018-09-19 08:37:21 - Шар
Дохио!!! Цаг агаарын аюултай үзэгдлээс сэрэмжлүүлэх мэдээ