И.Мөнхжаргал: Ардчилсан намын лидерүүдийн 28 жилийн улс төрийн карьерыг бид дүгнээгүй

Түгээх    
2018-03-21 07:43:07 - Улс төр

munhjargal

Ардчилсан намын Дотоод сонгуулийн хорооны дарга И.Мөнхжаргалтай ярилцлаа.

-АРДЧИЛСАН НАМЫН ДАРГА ДОТООД СОНГУУЛИЙН
ҮЙЛ АЖИЛЛАГААНД ОРОЛЦДОГГҮЙ-

-Ардчилсан намын эргэлтийн буюу Ротацийн сонгуультай холбоотой асуудал багагүй яригдлаа. Ямар учраас намын лидерүүдээ ротацид оруулсан юм бэ?

-Ротацийн сонгууль бол улс төрийн намын удирдлагад байгаа гишүүдийн тодорхой хувь нь жил бүр эргэлтийн буюу ротацийн сонгуульд оролцож байдаг. Энэ бол нэг талдаа тухайн нам шинээр сэлбэгдэж байгаа л нэг үйл явц юм. Ардчилсан намын 2017 онд шинэчлэн батласан үндсэн дүрмийн хүрээнд жил бүр нийт Үндэсний бодлогын хороо болон бусад нийслэл, аймаг, дүүргийн намын хорооны гишүүдийн гуравны нэг дээр ротацийн сонгууль явагддаг. Сонгуульд орох гишүүнээ сонгоход хэл ам гарах тохиолдол байдаг л даа. 410 гишүүний гуравны нэгийг сонгоход маргаан гардаг. Ротаци зарлахын өмнө ротацид орж буй хүмүүсийнхээ ажлыг дүгнэдэг. Ингэж дүгнэхдээ 2017 оноос 2018 оны нэг жилийн ажлыг дүгнэдэг. Энэ ажлын бүтээмж, идэвхи оролцоог дүгнэхэд намын лидерүүд өртөж байгаа юм л даа. Ардчилсан намын лидерүүдийн 28 жилийн улс төрийн карьерийг бид дүгнээгүй шүү дээ. Зөвхөн нэг жилийн хугацаанд намын үйл ажиллагаанд хэрхэн оролцсон бэ гэдгийг л дүгнэж буй дүгнэлт юм. Ийм хоёр тусдаа асуудлыг хольж хутгаж, ойлголтын зөрүү гарсан байсан. Түүнээс биш намын лидерүүдээ шахсан ойлголт байхгүй.

munhjargal-Ардчилсан намын нэр бүхий гишүүд өөрсдөө намын үйл ажиллагаандаа идэвхигүй оролцсон учраас л ротацид оржээ. Харин үүнийг тэдгээр лидерүүд мэдэж байгаа юм бол яагаад Ардчилсан намын дотоод хагарал мэтээр яриад байгаа юм бэ?

-Үүнийг улс төржүүлж, дэвэргэх ямар ч шаардлагагүй. Би энгийн жишээ хэлье л дээ. Энэ жил тойрог дээр байгаа гурван гишүүнээсээ аль нь сул ажилласан байна, түүн дээр Ротацийн сонгууль явуулдаг. Дүгнэхдээ, орон нутгийн нам, харъяалагдаж байгаа бодлогын зөвлөл, төв намаас гээд гурван дөрвөн хэлбэрээр нийт 100 онооны хамгийн бага оноо авсныг л ротацид оруулж байгаа юм. Ийм үйл явцыг гуйвуулах шаардлага байхгүй. Ротацийн сонгууль нь намын гишүүнийг намаас хөөж буй тухай ойлголт огт биш шүү дээ. Энэ бол Ардчилсан намын шинэчлэлтийн үйл явцыг харлуулж буй л нэг хэлбэр.

-Ротацид орсон намын лидерүүд Ардчилсан намын дарга С.Эрдэнийг өөрийн хүмүүсээ Ротацийн сонгуулиар оруулж ирэх гэлээ хэмээн шүүмжлээд амжсан шүү дээ?

-Үндэсний бодлогын хорооны гишүүн тухайн жилдээ намын хэрэг эрхлэх газартаа, бодлогын зөвлөлдөө өөрөө үйл ажиллагаагаа тайлагнаад оноогоо авах ёстой. Оноог нь нэгтгэж авдаг тэр байгууллага нь С.Эрдэнэ гэдэг хүн биш шүү дээ. Ардчилсан нам үндсэн дүрмээрээ шинэчлэлт хийгдээд гурван салаа мөчиртэй удирдлагын функцийг хэрэгжүүлж байгаа. Нэгдүгээрт, намын гүйцэтгэх засаглал улс төрийн бүхий л үйл ажиллагааг явуулах байгууллага нь С.Эрдэнэ даргаар удирдуулж байгаа. Хоёрдугаарт, Намын үндсэн дүрмийг сахиулан хэрэгжүүлж байгаа нь Үндсэн дүрмийн хороо гээд Намын их хурлаас байгуулагддаг. Гуравдугаарт, намын дотоод сонгуулийг байгуулах эрх бүхий намын их хурлаас байгуулагдсан байгууллага нь Намын дотоод сонгуулийн хороо буюу манай байгууллага юм. Энэ нь С.Эрдэнэ даргаар ямар нэг гарын үсэгтэй бичиг авахгүйгээр дүрмэнд заагдсан дотоод сонгуулиа зохион байгуулж, оноо нэгтгэх ажлыг Дотоод сонгуулийн хороо хийдэг. Тэгэхээр Ардчилсан намын дарга С.Эрдэнэ өөрт ногдож байгаа буюу намын хэрэг эрхлэх газраас өгч байгаа онооны санал ирүүлэх боломж л байгаа. Түүнээс дотоод сонгуулийн ямар нэг ажиллагаанд оролцох боломжгүй. Дүрмээрээ ийм хаалттай байдаг.

-Ротацид орсон намын гишүүдийн хувьд дахин дэвших боломжтой юу?

-Эргэлтийн ротацид орж байгаа хүмүүс буцаад дэвшиж байгаа шүү дээ.Ротацид орсон 116 хүний 80 гаруй хувь нь буцаад нэр дэвшчихсэн л байгаа. Нийтдээ 76 тойргийн 123 мандатын төлөө 143 хүн өрсөлдөж байгаа. Тэгэхээр буцаад сонгогдох магадлал өндөр байна гэж харж болно. Ротацийн сонгуулийн дүн энэ сарын 25-ны өдөр санал хураалт явагдана. Гэхдээ хоёр аймаг хойшлохоор болчихоод байна. Шүлхий гарсантай холбоотойгоор Булган, Өвөрхангай аймгийн санал хураалт хойшлохоор байгаа. Нөгөөтэйгүүр, ротацид орсон хүмүүс дахин сонгогдоод ч намынхаа үйл ажиллагаанд идэвхигүй оролцож байвал ирэх жил нь дахиад ротацид орно л гэсэн үг. Сонгогдсон хүмүүс дахин дахин ротацид ороод байхгүйн тулд намын үйл ажиллагаандаа идэвхитэй оролцоно л гэж бодож байна.

munhjargal

-АРДЧИЛСАН НАМ МАШ ИХ ЗОРИГ ГАРГАЖ, ЭРСДЭЛ ҮҮРЧ
ШИНЭЧЛЭЛ ХИЙЖ БАЙГАА-

-Ардчилсан нам 2016 оноос хойш шат шатандаа шинэчлэлтийн бодлогыг хэрэгжүүлж байгаа. Та Ардчилсан намын залуу гишүүний хувьд тухайлбал намынхаа шинэчлэлийг хэрхэн харж байна вэ?

-Намын шинэчлэлийн бодлогын тал дээр би залуу боловсон хүчний хувиар л хариулна. Ардчилсан намын бодлогын нам болж байгаа. Үндэсний бодлогын хороод Бодлогын зөвлөл гэж байгуулж байгаа. Бодлогын зөвлөл нь Засгийн газрын бүтэц бүрэлдэхүүнийг дагаж байгуулагдаж байгаа. Яамдын чиг үүргийн дагуу тухайн салбар бүр дээр байгуулагдсан бөгөөд 2020 онд Ардчилсан нам Засийн газраа аваад бодлого хэрэгжүүлэхээр бол ямар бодлого хэрэгжүүлэх вэ гэдэг бодлогоо л боловсруулж байгаа юм. Өнөөдрийн Улс төрийн намын тухай хуулийг харахад л Ардчилсан нам маш их зориг гаргаж, эрсдэл үүрч шинэчлэл хийж байгаа. Бусад улс төрийн нам болохоор Их хурлаасаа хэдэн хүн гарч ирээд нэр уншаад, хэнийгээ ч мэдэхгүй Бага чуулган ч юм уу хийгээд сонгодог. Харин Ардчилсан нам бол шат шатны удирдлагаа төрийн сонгуультай адилхан үйл ажиллагаа явуулж сонгодог. Энэ нь өөрөө улс төрийн намуудын дунд зөв соёл, жишиг тогтоохын эхлэл болно гэж үзэж байгаа. Мэдээж үүний тулд адармаатай олон замыг туулж, бэрхшээлтэй ч тулгарна шүү дээ. Гэхдээ нэгэнт өөрчлөлт, шинэчлэлтийг хийхэд аль нэг улс төрийн нам манайлайлахгүй л бол хэзээ ч хийгдэхгүй. Тиймээс Ардчилсан нам өөрөөсөө эхэлсэн. Үүнд цаг хугацаа орно.

-Ардчилсан намын энэ зорилго дор намын бүх гишүүд нэгдэж чадахгүй байгаа учраас Ротацийн сонгууль заримд нь хүнд тусаад байгаа юм биш үү?

-Ардчилсан нам бол өөрөө ардчилалтай нам. Олон ургалч үзлийг хүлээн зөвшөөрдөг. Ардчилсан нам хэн нэгнийхээ дуу хоолойг хорьдоггүй. Тиймээс намын гишүүд ч дуу хоолойгоо чөлөөтэй илэрхийлдэг нь Ардчилсан нам эрүүл байгааг харуулдаг. Шинэчлэлийн үйл явцад өөрсдөө идэвхигүй байж байгаад өртөх зэрэг ийм үйл явц байж л байдаг. Үүнийг заавал томоор харах шаардлагагүй л дээ.

-Бодлогын зөвлөлд Ардчилсан намын залуусын төлөөлөл багтсан харагдаж байсан. Тэгэхээр Ардчилсан нам залуусаа бодлогоор хэр дэмжиж ажиллаж байна вэ?

-Бодлогын зөвлөлд Үндэсний бодлогын зөвлөлийн 410 гишүүн хуваагдаж байгаа. Энд бүхий л насны төлөөлөл байгаа. Бодлогын зөвлөлөө толгойлуулж байгаа хүмүүсийн цөөнгүй хувь нь залуучуудаас бүрддэг. Энэ нь нам бодлогоор залуучуудаа  урдаа гаргаж байгаа гэж харж болно. Ротацид намын лидерүүд орсон ганц л шалтгаан байгааг би ярилцлагын эхэнд дурьдсан шүү дээ. Үүн дээр нэмээд хэлэхэд тойрог дээр байгаа гурван хүний хоёр нь залуу хүн, нэг нь намын лидер байлаа гэж бодъё. Тэгэхээр 410 хүнийг жагсаагаад доод талаас нь авахгүйгээр нэг тойрог дээр байгаа гурван хүний нэг нь ордог болчихоор хоёр залуу нь идэвхитэй ажилласан байдаг ч юм уу. Гэтэл лидерүүд маань намынхаа хуралд суухгүй, үйл ажиллагаанд төдийлөн идэвхигүй явсаар бага оноо авчихаар яалт ч үгүй ротацид орчихоод байгаа юм. Улс төрийн нам лидерүүдээ ротацид орж байгааг нь зарлахгүй байж болохгүй шүү дээ. Бид өнөөдөр Ардчилсан намын лидерүүдийн 28 жилийн улс төрийн карьер, үйл ажиллагаагаар нь дүгнэвэл залуучууд тэдэнтэй яаж өрсөлдөх юм бэ. Шударга биш болчих нь шүү дээ. Залуучуудад боломж олдохгүй. Э.Бат-Үүл даргын 28 жилийн улс төрийн карьерыг улс төрд ороод удаагүй нэг залуутай жишээд, харьцуулна гэвэл шударга биш харьцуулалт болно. Тиймээс ердөө л жилийн хугацаанд намынхаа үйл ажиллагаанд хэр идэвхитэй оролцсон бэ гэдгээр нь л дүгнэдэг нь өөрөө шударга, ардчилсан тогтолцоо юм.

Ц.ТАМИР

ГЭРЭЛ ЗУРГИЙГ: Ц.ЭНХТАЙВАН



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэлүүд
Нийт 17

Зочин (202.131.227.82)
2018-03-23 18:36:08
Зинко удирдлагатай машин даа

зочин (66.181.169.106)
2018-03-23 13:44:36
Сонгуулийн хорооны дарга Ариунболдыг хэзээ халаад энэ хүнийг тавьчихав. Энэ хүн ямар түүхтэй юм бол доо

зочин (202.9.47.177)
2018-03-22 18:32:02
Ардчилсан нам гээч нь түрүүний бөөснүүдийн оромж,,Дашбалбарэх орончийн хэлсэнчлэн,, Гэмт хэрэгтнүүдийн, хогийн шааруудын цуглуулга.ОК.

чонос (59.153.87.193)
2018-03-22 10:40:32
Ардчилсан нам хоорондоо хөлөө жийлцдэгээс биш бүтээдэг нам гэдгийг өнгөрсөн 2012-2016 онуудад харуулсан даа...МАН одоо эрх барих дөрвөн жилийнх нь тал нь явчихаад байна нөхдүүд ээ...Юу бүтээв эээ....Тэгэхэд АН 2014 онд УБ ын бөөн ннөхөөс цоорхой болчихсон 33 уулзвар гарцын 20 гарангын янзалчихсан,Богд уулын арын зам,Ярмагын замыг бариад дуусчихсан,Сүхбаатар, Дундговь,Өмнөговь,Бая нхонгор,Хөвсгөлийн замыг холбочихсон,Завханы Тосонцэнгэл холвогдож байсан үе ээ хөө.Хятадаас 90 хувь зөөдөг цементыг 100 хувь дотооддоо үйлдвэрлэдэг болчихсон байсан цаг аа найзуудааа.........

bor (27.123.212.132)
2018-03-22 00:31:30
Энэ АНам хойшдоо еедлехгуй дээ АНыг сонгуульд гарч ирэхэд эруугийнхэн толгойгоо ендийлгэеж эхэлдэг шуу дээ

Зочинг (202.179.24.42)
2018-03-21 18:02:19
Хөөрхий,энэ ардчилсан намд Монголоо гэсэн шудрага хүмүүс л хэрэгтэй.Даан ч үгүй юм.Аргаггүй дээ.Арай гайгүй гий нь МАН аль эрт удам судраар нь элсүүлчихсэн.Намд орох байргүй хулигаан элдэвчүүд бас Гончигдорж мэт горьдогчид л энэ намын гол хүч болсон.Шудрага нам байя гэвэл ГЕНИЙН ӨӨРЧЛӨЛТ л хийх болж дээ.

Зочин (202.9.41.88)
2018-03-21 17:26:52
АН-шударга нийгмийг үнэхээр байгуулж чадах уу?Уг нь чадах хүмүүс нь АН-ыг тараачихаад шинэ намаар л үзэх хэрэгтэй дээ.

Зочин (103.9.90.98)
2018-03-21 17:00:44
Ард түмний ганц саалийн үнээ Эрдэнэтийн 49 хувийг ард тмүний мөнгөөр хувьдаа завшсан тарвага хошгируулагчийг яагаад шалгахгүй байна.

Зочин (103.9.90.98)
2018-03-21 17:00:44
Ард түмний ганц саалийн үнээ Эрдэнэтийн 49 хувийг ард тмүний мөнгөөр хувьдаа завшсан тарвага хошгируулагчийг яагаад шалгахгүй байна.

Зочин (112.72.11.109)
2018-03-21 15:54:21
Боож үхлээ гарууд! Энэ гард дээрэлхүүлээд хохь нь

Зочин (202.9.43.42)
2018-03-21 14:39:14
ардчилсан гэдэг үгийг ч дуртай юмандаа хэрэглэх болжээ. хулгайч луйварчдын нам. хуулиар хориглох ёстой.

Зочин (103.206.195.166)
2018-03-21 14:13:15
Эрдэнэ, Эрдэнэбат 2 энэ намыг толгойлж байгаа цагт хулгай, луувир, дарангуйлал улам хөгжиж, шудрага үнэн гэдэг үгүй болно. Баярцогт АН-ын жүжгийн нэг үзэгдлийн өчүүхэн зайд үзэгдээд өнгөрдөг туслах дүрийн нэг болох золиосны гөлөг.

Зочин (202.179.26.16)
2018-03-21 14:01:07
Зөв л дөө.

ЛУЙВАРЧДЫГ ЗАЙЛУУЛЪЯ (103.10.23.205)
2018-03-21 11:34:18
АН НЭГ ИХ ШУДАРГА БОЛОХ ГЭЖ ДҮР ЭСГЭЖ БАЙНА ЗҮЙ НЬ НАМАА ТАТАН БУУЛГАСАН НЬ ДЭЭР ДЭЭ БҮХ ТҮВШИНД НЬ ЛУЙВАРЧИД ҮҮРЛЭСЭН ШҮҮ ДЭЭ ЭНЭ АН МАН МАХН НАРТ

аро (27.123.214.113)
2018-03-21 11:13:50
Мөнхжаргалаа дарга болохгүй бол.үхлээ юу

Зочин (64.119.17.244)
2018-03-21 10:50:31
Ардчилсан нам одоо л шударга замдаа орж байгаа юм байна. Ингээд байвал дэмжихээс яахав. Баярцогт гэж новшоо хөөчлөө. Маш зөв

Зочин (64.119.23.194)
2018-03-21 08:38:34
MAN-d HEZEE CH IIM ROTATSY YAVAGDAHGUI. BUZINESS ULS TURIIN ASAR TOM BULEGLEL BOLSON TEDNIIG SUNUUN DARTAL MONGOL ULS HUGJIL YARIAD HEREGGUI

Сэтгэгдэл бичих

АНХААРУУЛГА: Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Таны нэр:


Таны сэтгэгдэл:


Шинэ мэдээ
2018-12-15 13:06:49 - Хууль
Т.Мягмардорж: Эхнэр бид хоёрыг “алуурчин” гэж гүтгэсэнд үнэхээр их гомдож байна
2018-12-15 12:26:50 - Эдийн засаг
Мах, хүнсний ногоо, өндөгний үнэ өсчээ
2018-12-15 10:51:25 - Байгаль Орчин
Улаанбаатарт 10 градус хүйтэн байна
2018-12-15 10:02:24 - Хууль
Б.Цэрэнбадам: Миний охиныг хулгайлсан эмэгтэйн гэрт байсан хар хүүхэлдэйнээс их айсан гэсэн
2018-12-15 09:43:47 - Технологи
Гуравдугаар курсын оюутнууд оффисын ажилтнуудад зориулан дулаан хадгалах нано утаслаг бүхий нимгэн хөнжил бүтээлээ
2018-12-15 09:43:43 - Улс төр
ТОЙМ: М.Энхболд огцрохгүйн төлөө гүрийдгээрээ гүрийж, Л.Оюун-Эрдэнэ нарын эсэргүүцэл үргэлжиллээ
2018-12-15 09:43:40 - Технологи
2018 оны ОНЦЛОХ технологийн дэвшлүүд
2018-12-15 09:42:10 - Энтертайнмент
Өнөөдөр могой өдөр
2018-12-14 20:13:54 - Эрүүл мэнд
ЭМЯ: Томуу томуу төст өвчний үед авах арга хэмжээний бэлэн байдлыг бүрэн ханган ажиллаж байна
2018-12-14 17:47:27 - Спорт
Өсвөрийн бөхчүүд Якутаас таван медаль хүртжээ
2018-12-14 17:44:16 - Нийслэл
Автобусны хөдөлгүүр шатаж байсныг унтраажээ
2018-12-14 16:55:37 - Нийслэл
Гол нэрийн барааны үнэ 2.9 хувиар өссөн байна
2018-12-14 16:49:08 - Улс төр
АНУ-ын Төрийн департментын тусгай элчийг хүлээн авч уулзлаа
2018-12-14 16:29:08 - Нийслэл
Энэ жил төв талбайн сүлд модны гэрэл асаах ёслолыг хийхгүй гэв
2018-12-14 16:23:40 - Эдийн засаг
Төв банк бодлогын хүүг 11 хувьд хэвээр хадгалах шийдвэр гаргалаа
2018-12-14 15:46:20 - Байгаль Орчин
Амралтын өдрүүдэд цаг агаар тогтуун байна
2018-12-14 15:43:24 - Нийслэл
Төрийн албаны ээлжит шалгалт энэ сарын 17-нд эхэлнэ
2018-12-14 15:42:03 - Эрүүл мэнд
Томуу, томуу төст өвчин дунджаас 0.1 хувиар их байна
2018-12-14 15:20:47 - Энтертайнмент
Найруулагч Н.Наранбаатар МУ-ын соёлын элчээр томилогдлоо
2018-12-14 15:01:40 - Эрүүл мэнд
ГССҮТ: Зөөлөн эд гэмтсэн, яс хугарсан бол бариачид биш мэргэжлийн эмчид хандана уу
2018-12-14 14:53:59 - Улс төр
Шинзо Абэ: Монгол улстай энх тайван, тогтвортой байдлыг хангахад хамтран ажиллахын төлөө байна
2018-12-14 14:51:42 - Нийслэл
“Цэргийн наадам” олон улсын тэмцээнийг зохион байгуулна
2018-12-14 13:48:10 - Улс төр
Л.Энх-Амгалан: Чуулганы хуралдаан ирц бүрдээгүй шалтгаанаар дөрөв дэх удаагаа хойшиллоо
2018-12-14 13:46:03 - Гадаад
Мөнгө тээвэрлэж явсан автомашин эвдэрч, их хэмжээний мөнгө цацагджээ
2018-12-14 13:43:34 - Улс төр
Залуу гишүүдийг турхирхаа боль гэв
2018-12-14 13:40:02 - Нийслэл
“Зайсан Хилл”-д шинэ жилээ тэмдэглэсэн нэг байгууллагын 20 гаруй хүн хордлого авчээ
2018-12-14 13:17:59 - Боловсрол
Монголын залуу багш нар Төрийн ордонд чуулж “Оюуны элч”-ээ тодрууллаа
2018-12-14 13:09:00 - Хууль
Таксины жолоочийг хүзүүнд нь хутгалаад хэргийн газраас зугтжээ
2018-12-14 12:41:05 - Улс төр
УБТЗ-ын ерөнхий хорооны хурал эхлээгүй байна
2018-12-14 12:34:07 - Гадаад
Цахим худалдааны мэргэжлээр 81 настай иргэн бакалаврын зэрэг хамгаалжээ
2018-12-14 12:22:47 - Спорт
ХӨЛБӨМБӨГ: Охид Сингапурын багийг хожив
2018-12-14 12:10:57 - Энтертайнмент
Охидын К-РОР хамтлаг Монголд клипээ хийжээ
2018-12-14 12:01:27 - Хууль
"Шангри-Ла" зочид буудалд амиа алдсан АНУ-ын иргэний хэргийн газарт ТЕГ-ынхан очиж, шалгаж эхлэв
2018-12-14 11:49:11 - Орон нутаг
Сумаас дэлхийд гарах мөрөөдөл
2018-12-14 11:45:36 - Нийслэл
Улаанбаатар хотын агаарын бохирдолд анхаарлаа хандуулахыг иргэд НҮБ-аас хүсч эхэллээ
2018-12-14 11:44:56 - Боловсрол
Долоон эрдэмтэн академич цол хүртлээ
2018-12-14 11:39:03 - Энтертайнмент
"Хөмөргөн гурвалжин" этно бүжгийг ЮНЕСКО-гийн чуулганы нээлтэд тоглоно
2018-12-14 11:24:07 - Хууль
Машинаа угаалгаж байсан иргэн авто газанд хордож эмнэлэгт хүргэгджээ
2018-12-14 11:24:06 - Эрүүл мэнд
Монгол эмч нар энэ онд 25 хүнд бөөр шилжүүлэн суулгах мэс засал хийжээ
2018-12-14 11:23:18 - Нийслэл
Төв талбайн сүлд модны гэрлийг өнөөдөр асаана
Их уншсан
Их сэтгэгдэлтэй
2018-12-13 07:42:01 - Хууль
АУДИО БИЧЛЭГ: БНЭУ-дэх Элчин Сайд Г.Ганболд тусламж хүссэн монгол эмэгтэйн биед халдсан баримт үлджээ
2018-12-13 16:40:51 - Хууль
ШҮҮХ ХУРАЛ: Хүүхэд хулгайлсан эмэгтэйд гурван жилийн ял оноолоо
2018-12-14 10:21:53 - Улс төр
УИХ-ын даргыг өнөөдөр өрөөнөөс нь чирч гаргана
2018-12-13 13:01:20 - Хууль
"Шангри-Ла" зочид буудлын өрөөнд АНУ-ын иргэн боомилж нас барсан байдалтай олджээ
2018-12-14 08:10:54 - Боловсрол
Захирал ангийн багшийг маань “25-ХАН БИЛЕТ зарчихаж чадахгүй арчаагүй” гэж загнасан
2018-12-12 11:27:54 - Хууль
Түргэний эмч Н.Б: Гэрт нь байхад л “Юм мэдэхгүй эмч, зайл” гэж харааж эхэлсэн
2018-12-12 07:56:14 - Энтертайнмент
TOP LINE: Бид Өвөрмонголын Шилийн гол аймгийн хөдөө өссөн МАЛЧНЫ хүүхдүүд
2018-12-13 13:21:45 - Технологи
УИХ-ын дарга маргаашийн дотор огцрохгүй бол өрөөнөөс нь чирч гаргана гэв
2018-12-12 07:50:03 - Энтертайнмент
Б.Идэр-Од: Монгол залуусын оюуны бизнест Японы тэрбумтан 1.1 САЯ АМ.ДОЛЛАРЫН ХӨРӨНГӨ ОРУУЛАЛТ хийлээ
2018-12-12 12:54:16 - Хууль
Төрийн ордныг согтуу жолооч мөргөж, осол гаргажээ