Г.Мөнхбаяр сайд нийслэлийн дүүргүүдэд ажиллав

Түгээх    
2017-03-20 14:01:42 - Улс төр

Ерөнхий сайдын захирамжийн дагуу Засгийн газрын гишүүд өнгөрсөн долоо хоногт нийслэлийн дүүргүүдэд албан томилолтоор ажилласан юм. Энэ хүрээнд Барилга, хот байгуулалтын сайд Г.Мөнхбаяр нийслэлийн Баянгол, Сонгинохайрхан, Сүхбаатар, Хан-Уул дүүргүүдэд ажиллав. Г.Мөнхбаяр сайдын хувьд  Хотын даргаар ажиллаж байсан учраас дүүрэг бүрийн тулгамдсан асуудлыг сайтар мэдэж, гарцаа тодорхойлж шийдлээ гаргаж чадаж байсан. Тиймээс ч ажилласан дүүргүүдийнх нь иргэд “Мэргэжлийн хүний хувьд тэр л асуудлыг шийдэж чадна” гэсэн найдлага тавьж өөрийн дүүрэгт нь ажиллах болсонд баярлаж хамгийн “халуун цэг”-тээ аваачиж шийдэл гаргуулахыг хүсч байлаа.

БХБ-ын сайд Г.Мөнхбаярын хамт Хотын ерөнхий төлөвлөгөөний газар, Нийслэлийн гэр хорооллын хөгжлийн газар, Нийслэлийн мэргэжлийн хяналтын газар зэрэг байгууллагын төлөөлөл дээрх дүүргүүдэд очиж ажилласан юм.Түүний очсон эхний дүүрэг нь Баянгол дүүрэг байв. Баянгол дүүргийн 10 дугаар хорооны нутаг дэвсгэрт баригдаж байгаа уг барилга бол “Грийн Ресурс констракшн” ХХК-ийн барьж гүйцэтгэж буй 112 айлын орон сууц юм. 2015 оны зургаадугаар сараас барилгын ажил эхэлжээ. Нийт 24 айлын газар чөлөөлсөн бөгөөд эхний ээлжийн 112 айлын энэхүү орон сууцыг энэ оны намар ашиглалтад оруулахаар төлөвлөж байгааг танилцууллаа. Орон сууцны барилгын ажил дуусах шатандаа орсон ч дэд бүтцийн асуудал бүрэн шийдэгдээгүй байсан байна.

Сайд Г.Мөнхбаяр “Үүнд гол шийдэл нь яагаад дэд бүтцээ шийдээгүй байж барилгын ажлаа эхлэв гэдгээс болсон. Одоо энэ алдааг засахын тулд хөрөнгө оруулалт олж түүгээрээ дэд бүтэц, газар дорх байгууламжаа шийдэж байж энэ барилга ашиглалтад орох ганцхан гарц байгааг сайд мэргэжлийн талаас нь тайлбарлаад гарцыг бүгдээрээ олсон тул шийдэхийн төлөө хамтдаа ажиллая” гэв.

“Грийн Ресурс констракшн” ХХК-ийн хяналтын инженер Д.Ариунзаяа хэлэхдээ “Манай компани 2014 онд төсөл хэрэгжүүлэгчээр шалгарч, батламж, захирамжаа гардсан. Энэ барилга бол хамгийн эхний блок. Тулгамдсан асуудлын хувьд гадна инженерийн шугам сүлжээний шийдэл байхгүй байсан. Өнөөдөр Баянгол дүүрэгт Барилга хот байгуулалтын сайд ажиллах үеэрээ дулааны дэд станцын асуудлыг анхааралдаа авч, дэмжлэг үзүүлнэ гэдгээ илэрхийллээ. Бид үүнд талархаж байна.” хэмээн ярилаа.

Г.Мөнхбаяр сайдыг хүлээж байсан дараагийн дүүрэг нь Сонгинохайрхан дүүрэг байлаа. Энэ дүүргийн “шүдний өвчин” нь Москва хорооллын барилгын чанар муудаж оршин суугчдын аюулгүй байдал, тав тух алдагдаж хүнд байдалд ороод байгаа нөхцөл байдал байв. Тиймээс ч сайд, түүнийг дагалдан яваа нийслэлийн мэргэжлийн хяналт, нийслэлийн онцгой байдал зэрэг байгууллагын төлөөллийг Сонгинохайрхан дүүргийн Засаг дарга Ж.Сандагсүрэн нар угтлаа. “Зарубежстрой” ХХК-ийн барьсан энэ “Москва” хорооллын энэ барилгыг 2009-2011 онд ашиглалтад өгсөн гэх боловч улсын комиссын акт зэрэг техникийн бичиг баримтыг ашиглагч талд хүлээлгэж өгөөгүй байтал “Москва” хорооллын барилгыг “бүрж” байсан хятад тоосгууд эмтэрч, эгээ л сонгинын хальс шиг ховхорсоор оршин суугчид хэзээ нурах бол гэж айдастай  амьдарсаар Онцгой байдлын газрын хамгаалалтынхныг гаднаа сойчихоод байгаа нь энэ.

Тухайн үед техникийн бичиг баримтыг дутуу дулимаг хийсний буруу гэдэг нь хэнд ч ойлгомжтой боловч төрийн үүрэг учраас Засгийн газар, нийслэл, дүүргийн удирдлагууд хамтын уялдаатай ажиллаж оршин суугчдын аюулгүй байдлыг хамгаалах ёстой гэдгийг сайд Г.Мөнхбаяр дуулгаснаар оршин суугчдын төлөөлөл төр, захиргааны байгууллагуудад итгэж тайван хүлээхээс өөр гарцгүй юм байна гэсээр үлдсэн юм. Дараа нь сайд дүүргийн Засаг дарга, ИТХ-ын төлөөлөлтэй уулзаж тулгамдсан асуудлын талаар санал солилцлоо. Тэдний тавьсан асуудлын хувьд гол нь зарим барилга, дэд бүтцийн ажлыг гүйцэд дуусгахад шаардлагатай төсвийн хөрөнгө оруулалт шаардлагатай байгааг уламжилсан.

Хан-Уул дүүрэг. Барилгын хот байгуулалтын сайдыг угтсан дараагийн өртөө нь “Нэхмэлийн шар” гэгддэг хуучны барилгууд, тэдгээр барилгын оршин суугчид байв. Улс орноо, нийслэлээ хөгжүүлэхэд насаараа зүтгэсэн ахмад голдуу оршин суугчид яг дэргэд нь толгой эргэм сүндэрлэх орон сууцны барилгаар өөртөө байгаа орон гэрийнхээ буурийг солих уу яах вэ, сольсон нь хууртагдаж мэхлэгдсэн байх юм, яавал дээр вэ гэдэг асуудлыг тавилаа. Сайд тэдгээр иргэдэд дүүрэг, хорооныхоо удирдлагууд болон ТОСК, хотын ерөнхий төлөвлөгөөний газрын төлөөлөл, болон “Нэхмэлийн шар”-ын оршин суугчдыг орчин үеийн шилдэг шийдэлтэй, цэлгэр саруул орон сууцтай болгохоор ажиллаж буй “Нутгийн буян групп” ХХК-ийнхантай нягт уялдаатай байх, харилцан итгэлцэх, итгэлийг нь дааж ажиллахыг сануулав. “Нутгийн буян групп” ХХК-ийнхны хувьд мөн л дэд бүтцийн хөрөнгө оруулалтын ажил үл саатах аваас оршин суугчдын итгэлийг дааж чанарын өндөр түвшинд орон сууцны барилгыг хүлээлгэн өгөх бүрэн боломжтой гэж ярьж байна. Тиймээс төрөөс, салбарын яамнаас бодлогын хийгээд төсөв хөрөнгийн хувьд дэмжлэг авах хүсэлтэй байгаагаа илэрхийллээ.  ТОСК-ийн зүгээс энэ дүүрэгтэй холбоотой нэг асуулт тавьсан нь 2015 онд улсын комисст хүлээлгэн өгсөн240 хүүхдийн цэцэрлэгийн барилгыг одоо хүртэл ашиглаагүй  асуудлыг хэрхэн шийдэх вэ гэсэн юм.

“Төрийн орон сууцны корпораци” ТӨҮГ нь Улаанбаатар хотын бага, дунд орлоготой иргэдэд зориулан “Буянт-Ухаа 2” цогцолбор хороололыг барьж ашиглалтанд оруулахаар төлөвлөснөөс эхний ээлжийн 1620 айлын орон сууцны 30 барилга, 240 хүүхдийн 1 цэцэрлэгийг барьж 2015 оны 12 дугаар сард ашиглалтад оруулж, улсын комисст хүлээлгэн өгсөн аж. Гэвч бүрэн ашиглалтад орсон энэхүү цэцэрлэгийн ашиглалтыг хариуцах байгууллага өнөөдрийг хүртэл тодорхойгүй байгаагаас шалтгаалан ТОСК нь дулаан, цахилгаан, харуул хамгаалалтын зэрэг төлбөрүүдийг барагдуулж, үргүй зардал ихээр гарах нөхцөл болж байна. “Буянт-Ухаа 2” хороолол нь ойр орчимдоо сургууль, цэцэрлэггүй бөгөөд цэцэрлэгийн насны хүүхэд олонтой, шинэ суурьшлын бүс учироршин суугчдаас цэцэрлэгийг ашиглалтанд оруулж, хүүхдүүдийг сургуулийн өмнөх боловсролд хамруулах санал, хүсэлтийг байнга ирүүлсээр байгаа аж.

Энэхүү цэцэрлэгийн асуудлаар Боловсрол, соёл шинжлэх ухаан, спортын яам, Нийслэлийн засаг даргын тамгын газар, Нийслэлийн боловсролын газар, Хан-Уул дүүргийн Засаг дарга зэрэг холбогдох байгууллага, албан тушаалтнуудад удаа дараа хандсаны дүнд Нийслэлийн Өмчийн харилцааны газраас 2017.01.04-ний өдрийн 3/05 албан тоотоор хариу ирүүлж, Буянт-Ухаа 2 хорооллын 240 хүүхдийн цэцэрлэгийг Нийслэлийн өмчид бүртгэн авч, үйл ажиллагааг эхлүүлэх боломжтойг дурьдсан байна. Тиймээс БХБ-ын сайд ч мөн зээлийн график тохиролцож хөрөнгийн асуудлыг шийдэх нь зүйтэй. Ашиглалтад авсан цэцэрлэгийг ажиллуулж эхлэх талаар санаачилгатай ажиллаарай гэсэн юм. Хаа сайгүй нүүрлээд байгаа хөрөнгө оруулалтын хомсдол амлахад амаргүй ч гарц хайсан, зөв шийдэл олсон байхад тийм ч шийдвэрлэж болшгүй асуудал биш гэдгийг сайд сануулж тухайн хувийн хэвшлийн байгууллага болон санаа зовинож асуулт тавьсан иргэдийн асуулт бүрд бүрэн дүүрэн хариулт өгсөн юм.

Сүхбаатар дүүрэг. Барилга хот байгуулалтын сайдын хамгийн сүүлд ажиллаж, хамгийн том бэлэг өгчихсөн энэ дүүргийнхэн азтай байлаа. Эхлээд “Алдарт” Түрээсийн орон сууцны барилгад газраа чөлөөлж өгсөн иргэдийн асуудал яах бол гэсэн түгшүүр дүүрэн угтсан. Иргэд нь ч хорооныхоо удирдлагуудыг хүлээсний дараа сайдын амнаас үг сонсохсон гэсэндээ оройтсон ч гэсэн хүлээсээр байв. Сайд Г.Мөнхбаяр уулзалтын эхэнд Сүхбаатар дүүргийн Засаг дарга Х.Болормаа, хорооны Засаг дарга Цэцэгээ нар болон нийслэлийн Хотын ерөнхий төлөвлөгөөний газар, Нийслэлийн гэр хорооллын хөгжлийн газар хоорондын уялдааны талаар ярьж барилгын ажлыг гүйцэтгэж буй нэр хүнд бүхий барилгын компаниудын ажил яагаад ийнхүү гацаанд орсон талаар өнөөх л мэргэжлийн хэлээрээ ярилаа. Өнөөх л Баянгол, Хан-Уул дүүрэг дээрх нөхцөл байдал яг давтагдаж, цахилгааны болон дулааны шугам сүлжээ, ерөнхийдөө газар дорх байгууламж, дэд бүтцийн ажлыг огт анхаарахгүйгээр “маш яаралтай” газар дээрх барилгын ажлаа эхэлсэн алдаа давтагджээ.

Мөн тэрээр “Улстөржсөн ямар нэг үзэл бодол шингээгээгүй юм шүү, өнгөрснөө шүүмжлээд юу ч өөрчлөгдөхгүй, урагшаа харж ажиллая. Гэхдээ мэргэжлийн хүний үүднээс би НИТХ-д байхдаа ч өмнөх даргад сануулж байсан. Гэвч өнөөдөр ийм байдалд хүрлээ” хэмээн яг л гацаанд  хамтдаа орсон мэт гунигтайхан ярьж сууснаа гэнэтхэн “Гэхдээ би Сүхбаатар дүүргийн 7 дугаар хорооныхонд дуулгах сайн мэдээтэй ирсэн. Танай дүүргээс сонгогдсон гишүүдийн хичээл зүтгэлээр яг энэ гацчихаад байгаа дэд бүтцийг сайжруулах зорилгоор БНХАУ-ын Засгийн газраас 50 сая ам.долларын буцалтгүй тусламжийг олгохоор болсныг дуулгая. Энэ бол хүүтэй мөнгө биш. Тулгамдсан асуулыг шийдэх хичээл зүтгэлийн дүнд заавал энэ хорооны гэр хорооллын дахин төлөвлөлтийн ажлыг үргэлжлүүлэх ажлын хүрээнд тус улсын Ерөнхий сайд өнгөрсөн удаад Монгол Улсад айлчлахдаа амласаныг нь хөөцөлдсөөр байгаад ирэх сард олгохоор очиж уулзах боллоо гэсэн юм. СБД-ийн 7 дугаар хорооны иргэдийн төлөөлөл уухайлж хурайлан талархсанаа илэрхийлж “Зөв сонголт хийсэндээ баяртай байна. Гэхдээ зөвхөн манай дүүрэгт 19 барилга, нийслэлийн дүүргүүдэд маш олон барилга яг таны хэлсэнчлэн дэд бүтэцгүй байшин босгочихоод байгаа алдааг засахад мэдлэг туршлага, хувь нэмрээ оруулаарай” хэмээн захисан юм гэж Барилга хот байгуулалтын яамнаас мэдээлэв.



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэлүүд
Нийт 2

Зочин (103.229.122.49)
2017-03-20 18:16:44
Зайлаа чи, хотын дарга байхдаа юу хийсэн юм бэ ,чи.

Зочин (103.229.121.111)
2017-03-20 14:05:55
Alban yosnii MANguu !

Сэтгэгдэл бичих

АНХААРУУЛГА: Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Таны нэр:


Таны сэтгэгдэл:


Шинэ мэдээ
2018-04-21 16:33:26 - Нийслэл
ФОТО: Бүх нийтийн их цэвэрлэгээ зохион байгууллаа
2018-04-21 16:19:46 - Орон нутаг
Хөвсгөл аймаг бүх газар нутгаа тусгай хамгаалалтад авчээ
2018-04-21 16:11:06 - Энтертайнмент
ФОТО: "Хот хотынхон" сэдэвт сонирхолтой гэрэл зургийн үзэсгэлэн
2018-04-21 14:13:17 - Хууль
Такси үйлчилгээ үзүүлэх нэрийдлээр иргэдийг зодож, дээрэмддэг байсан этгээдүүдийг илрүүлэв
2018-04-21 14:01:33 - Нийслэл
Сураггүй алга болсон Т.Цогт хүүгийн цогцос олджээ
2018-04-21 13:53:32 - Хууль
Гүйлгээнээс хасагдсан мөнгөн тэмдэгтийг цуглуулгын журмаар хилээр нэвтрүүлэхийг зөвшөөрнө
2018-04-21 13:18:57 - Нийслэл
Яармагийн шинэ гүүрний ажил 70 хувьтай явагдаж байна
2018-04-21 12:55:14 - Боловсрол
Улаанбаатар хотын номын сангуудад карт үнэгүй нээлгээрэй
2018-04-21 12:44:28 - Боловсрол
ЕБС-ийн сурагчдад зориулсан боловсролын үзэсгэлэн ням гариг хүртэл үргэлжилнэ
2018-04-21 12:33:13 - Эдийн засаг
Энэ жил 70 орчим мянган иргэн 41 гаруй тэрбум төгрөгийн татварын буцаан олголт авна
2018-04-21 11:27:05 - Байгаль Орчин
Улаанбаатарт 10 хэм дулаан байна
2018-04-21 11:11:27 - Улс төр
“Ц.Сандуй хувийн хөрөнгөдөө ч, улс төрийн карьертаа ч хайртай”
2018-04-21 11:06:45 - Энтертайнмент
М.Ану: Би Холливудын жүжигчин болно
2018-04-21 10:49:37 - Энтертайнмент
Амжилттай төлөвлөгөө зохиох энгийн НАЙМАН АЛХАМ
2018-04-21 10:47:37 - Хууль
ШӨХТГ энэ байдлаараа ажиллавал татан буугдаж, төсвийн мөнгө дэмий үрэхээ больсон нь дээр
2018-04-21 10:47:28 - Гадаад
41 жилийн өмнө хөөргөсөн "Voyager" сансрын хөлөг хаана явна вэ
2018-04-21 10:40:47 - Энтертайнмент
Өнөөдөр хонь өдөр
2018-04-20 18:31:01 - Эдийн засаг
Гашуунсухайт боомтын тээвэр эргэлт нэмэгджээ
2018-04-20 18:28:07 - Улс төр
Д.Эрдэнэбат: Даатгалынхаа санг бууруулчихаад эмнэлгийн тусламж үйлчилгээний хамралтыг сайжруулах тухай яриад ч хэрэггүй
2018-04-20 18:18:27 - Нийслэл
Таван түр зам ирэх даваа гарагт бүрэн ашиглалтад орно
2018-04-20 17:04:05 - Нийслэл
Нийтийн тээвэрт үндэсний үйлдвэрлэгчийн автобус нэвтрүүлэх боломжийг судална
2018-04-20 16:52:10 - Улс төр
У.Хүрэлсүх: Ойрын хоёр жил утаатай тэмцэх, үр дүн гаргах хамгийн хариуцлагатай жил
2018-04-20 16:26:37 - Боловсрол
Д.Жамъян: Ном уншина гэдэг номондоо орж, баатартайгаа ярьж амьдрахын нэр
2018-04-20 15:45:30 - Нийслэл
Хан-Уул дүүрэгт орон сууцны зориулалтаар хоёр байршлыг дуудлагаар худалдлаа
2018-04-20 15:06:18 - Улс төр
С.Оюун: Гурван шатны шүүхээр шийдсэн хэрэгт бид эргэлзсэн хэвээр байгаа
2018-04-20 15:06:07 - Нийслэл
Лео Хеллер: Хүнцлийн хортой усыг нүүдэлчин ард түмэн ундандаа хэрэглэж байж магадгүй
2018-04-20 14:37:24 - Улс төр
Б.Бат-Эрдэнэ: Хурлаа дахиж хий, би МҮБХ-ны тэргүүнд нэр дэвшихгүй
2018-04-20 14:13:13 - Улс төр
Газар өмчлүүлэх хугацааг 10 жилээр сунгах хуулийг хэлэлцэхийг дэмжлээ
2018-04-20 14:10:40 - Хууль
Хуульд заасан үүргээ биелүүлсэн албан тушаалтнуудыг буруутгаж болохгүй
2018-04-20 14:04:24 - Байгаль Орчин
Тавдугаар сард дулаан, хуурайшилттай байхыг анхаарууллаа
2018-04-20 13:59:17 - Нийслэл
Онцгой байдлын албанд иргэд тэрбум 368 сая төгрөг хандивлажээ
2018-04-20 12:32:20 - Спорт
Хөлбөмбөгийн ДАШТ-ний талбайд гарах Монгол хүүхдийг шалгаруулна
2018-04-20 12:31:59 - Улс төр
Ерөнхийлөгч Бөхийн холбоо үл ойлголцлоо зогсоохгүй бол бөхчүүдийн цолыг хураах хүртэл арга хэмжээ авна гэжээ
2018-04-20 12:12:31 - Орон нутаг
Орхон аймагт хүүхэд, ахмадуудад зориулсан эмнэлэг байгуулагдана
2018-04-20 12:10:07 - Улс төр
Кадастрын тухай хуулийг өргөн барихаар судалгаа хийгдэж байгаа гэв
2018-04-20 12:04:08 - Улс төр
С.Бямбацогт: “78 Ерөнхий сайд”-тай болчихсон гажуудлыг засах ёстой
2018-04-20 11:54:37 - Хууль
Маргааш нийгмийн даатгалын нээлттэй өдөрлөг болно
2018-04-20 11:42:05 - Хууль
Цагдан хорих 461 дүгээр хаалттай ангийн алба хаагчдад хүний эрхийн сургалт явуулж байна
2018-04-20 11:23:01 - Нийслэл
Сүрьеэ өвчнөөс урьдчилан сэргийлэх аян эхлүүлнэ
2018-04-20 11:16:46 - Эрүүл мэнд
Элэг шилжүүлэн суулгах 47 дахь мэс заслыг амжилттай хийлээ
Их уншсан
Их сэтгэгдэлтэй
2018-04-19 08:32:24 - Хууль
Бусадтай зодолдох гэж такси хөлслөн байж гүйцэж очоод зодуулж амиа алджээ
2018-04-20 08:32:09 - Нийслэл
Үзэмж муутай ч Нийслэлчүүдийг хуйлруулж чаддаг шатахуун түгээх газрын нууц юунд байна вэ
2018-04-19 16:44:16 - Хууль
С.Зориг агсны хамтран амьдрагч Б.Булганыг яллагдагчаар татлаа
2018-04-21 14:01:33 - Нийслэл
Сураггүй алга болсон Т.Цогт хүүгийн цогцос олджээ
2018-04-19 13:50:28 - Хууль
Таксины жолооч бие хамгаалах чадваргүй болтлоо согтсон эмэгтэйг хүчирхийлжээ
2018-04-19 15:00:50 - Улс төр
А.Сүхбат: Б.Бат-Эрдэнэ гишүүн ээ, та хууль зөрчсөн үйлдлээ зогсоо
2018-04-19 08:40:26 - Энтертайнмент
Ч.Ану: Хүнд найз нөхөд, эд баялаг байх ёстой хэдий ч хамгийн сүүлд үлддэг ганц зүйл бол хань ижил
2018-04-20 08:44:22 - Орон нутаг
С.Гансэлэм: В.Рэнцэндорж өөрөө л намайг цохих гэж байгаад сарвуугаа гэмтээсэн
2018-04-20 14:37:24 - Улс төр
Б.Бат-Эрдэнэ: Хурлаа дахиж хий, би МҮБХ-ны тэргүүнд нэр дэвшихгүй
2018-04-19 15:54:20 - Шар
Монгол банхар дөрвөн настай хүүгийн амийг авраагүй, худал ташаа мэдээлэл гэв