Н.Байгалмаа: Өвөг дээдсийнхээ Торгоны замаар XXI зуунд тэмээгээр аялах гэж байна

Түгээх    
2017-08-11 09:01:00 - Энтертайнмент

Өвөг дээдсийнхээ түүхэн жим буюу алдарт торгоны замыг дэлхийд ганцхан байдаг хоёр бөхт тэмээгээрээ Европын орныг зорих гэж буй “Offroad Mongolia” компанийн гүйцэтгэх захирал Н.Байгалмаатай ярилцахаар түүний гэрт зочилсон юм. Африкийн онгон зэрлэг байгалийг дүрсэлсэн уран зураг, цочиж, сүрдмээр шилүүсний чихмэл Монголын нүүдэлчин соёлыг илтгэх араг, тулга, морин хуур болон бурхан багшийн хөрөг, этгээд чамин хийцтэй бэлэг дурсгалын зүйлс өөрийн эрхгүй хараа булаав. Яг л эртний музейд ороод ирэв үү гэлтэй. Гэхдээ энэ бол музей биш. Жирийн нэгэн монгол айл. Харин энэ айл гэрээ тавилгаар бус, дурсгалт, эд өлгийн зүйлсээр чимж тохижуулжээ.

Тэрбээр дэлхийн 20 гаруй орноор аялж, долоон тивийн ноён оргилын хоёрт нь авирчээ. Түүнийг ганцхан үгээр тодорхойл гэвэл хурдан шаламгай хөдөлгөөнтэй, жижигхэн биендээ баймгүй их зоригтой, хүсэл тэмүүлэлтэй, мөрөөдлөө зорилго болгож биелүүлж чаддаг ийм л бүсгүй. Монголчууд бид "Эр хүний дотор эмээл хазаартай морь багтдаг" гэдэг. Гэтэл жирийн нэгэн монгол бүсгүйн дотор Торгоны замыг тэмээгээр гаталж, дэлхийг тойрох хүсэл багтжээ.

“Энэ аялал ганц миний биш бүх монголчуудын сэтгэл зүрхийг огшоосон аялал болох болно” гэж тэрээр ярилцлагадаа онцлон хэлж байсан. Өвөг дээдсийн үлдээсэн түүхийн жимээр тал нутгаас алс холын Европ тив хүртэл монгол тэмээгээр монгол бүсгүй багаа бүрдүүлээд аялалд гарахад тун ойрхон байна. Энэ аяллаа эхлүүлэхийн тулд маш их зориг, хүсэл тэмүүлэл гаргаж буйг уншигч та ойлгоно буй за. Болохгүй бүтэхгүй бүхнийг бүтээхээр зүтгэж яваа Н.Байгалмаа бүсгүйн сонин, содон ертөнцөөр аялахыг урьж байна.

-СЭТГЭЛ ХҮРСЭН ГАЗАР БИЕ ХҮРЧ, ОЮУН БОДОЛ, ЗҮРХЭНД
БАГТСАН ЗҮЙЛ БИЕЛЭДЭГ-

-Та багадаа ямар хүүхэд байсан бэ. Аялал жуучлалын салбарт дуртай болоход юу нөлөөлөв?

-Хүний унаган зан гэж байдаг даа. Аав, ээжийнхээ чихийг халууцуулдаг, багш нарын хуралд ордог. Үеийнхнээсээ содон, сонин хачин зүйл их хийдэг хүүхэд байлаа. Найзалж байгаа хүүхдүүд нь хүртэл хөвгүүд голдуу, охин найз ховортой. Манай аав намайг хэл ам сайтай юм чинь сэтгүүлч юм уу, хуульч бол гэдэг байлаа. Харин ээж маань “Гэрт нэг эмч хүн байвал гоё шүү дээ” гэдэг байлаа. Арван жилээ төгсөөд олон улсын харилцаанд орлоо. Хотын гоё охидод чирэгдсэн. Хоёрдугаар курстээ олон улсын эрх зүйд орсон, бас бүтээгүй. Харин гаравдугаар курстээ аялал жуучлалд ороод төгссөн дөө. Аялал жуулчлал бол яах аргагүй миний байх ёстой салбар гэдгийг хоёрдугаар курстээ аялал гэдэг юманд явж үзээд мэдэрсэн. Хувь хүний зан араншинд маань таарсан мэргэжил байсан. Би чинь нэг юман дээр тогтож чаддаггүй. Хувьсаж хурдан хурдан солигдож, бас их хурдан хөдөлгөөнтэй, хурдан ярьдаг. Аливаа зүйлээс их хурдан уйддаг. Шинийг илэрхийлж өөрийгөө сорих дуртай.

-Маш олон аяллын төрлүүдээс яагаад тэмээн аялал сонгож авав. Хэзээнээс төлөвлөж эхлэв?

-Таван жилийн өмнө Австрали хүн Унгар руу мориор аялж байгааг үзсэн. “Вов ямар гоё юм бэ" гэж бодож байсан. Тэр үед би том хүүхдээ гаргачихсан нялх биетэй, давхар ажил хийдэг байлаа. Тухайн үед аялах тухай бодож байсан ч гэсэн “Байгалмаа чи нялх хүүхэдтэй, аялах хаа ч байсан юм бэ. Нэг хүн мориор аялчихлаа, ямар сарлагаар аялалтай биш” гэж өөрөө өөртэйгээ ярьдаг байлаа. Би өөрөө малчин айлын хүүхэд. Малтай ойрхон өссөн болоод ч тэр үү хамгийн тохиромжтой нь тэмээ байсан. Сүүлийн 3-4 жил бодол дотроо төлөвлөж хааяа сэтгэл санаагаар унасан үедээ мөрөөдөл дотроо амьдардаг байлаа. Мөрөөдөл маань намайг ургаш түлхдэг учраас өнөөдөр мөрөөдлөө биелүүлэх гэж байна. Хааяа монголчуудад энэ санаагаа хэлэхээр “Мэдрэл галзуу хүн шиг юу яриад байгаа юм бэ. Хэзээ ч бүтэхгүй санаа” гэнэ. Одоо ч гэсэн энэ аяллыг яриад эхлэхэд дэмжиж байгаа хүн маш ховор байна. Ингэж явсаар байгаад өнгөрсөн өвөл Английн алдарт аялагч Karl Bushby гэх энэ нөхөртэй уулзаж танилцаад, тэмээгээр аялах мөрөөдөлтэй байгаагаа хэлсэн, “Ямар гоё санаа вэ” гэсэн. Гурав дахь уулзалт дээрээ “Манай багт нэгдээч ээ” гэж санал тавьсан. Дөрвөн сараас хойш энэ төсөл дээр ажиллаж эхэлсэн байна. Хүний хань, ээж хүнд чинь зөндөө олон үүрэг хариуцлага байдаг учраас энэ төсөл дээр шаргуу ажиллаж чадсангүй. Ажлынхаа хажуугаар ургашлуулсаар байгаад өдийг хүрлээ. Миний бодлоор сэтгэл хүрсэн газар бие хүрч, оюун бодол, зүрхэнд багтсан зүйл биелдэг л гэж боддог. 

-ЭНЭ АЯЛАЛ АМАРХАН ЗҮЙЛ БИШ. БИЕ БОЛОН СЭТГЭЛ ЗҮЙН
МАШ ИХ АЧААЛАЛ АВНА-

-Танай баг хэдэн хүний бүрэлдэхүүнтэй аялалдаа гарах гэж байна?

-Би энэ аялалд монголчуудаа арай түлхүү авч явахыг хүссэн. Багаа бүрдүүлэхдээ гурван монгол эмэгтэй, гурван гадаад аялагч гээд олон улсын баг бүрдүүлэхээр зорьсон юм. Тэмээгээр аялах үгүйгээ мэдэхгүй байсан учраас олон нийтэд мэдээлэл цацаж сенсаци тарихыг хүсээгүй. Өөрийн мэддэг хүрээнээсээ асууж, сураглаж байгаад хамгийн сүүлд найз охиноо л багийнхаа гишүүнээр авлаа. Гурав дахь гишүүн одоогоор тодорхойгүй байна. Энэ аялал зурган дээр харагдаж, ярьж байгаа шиг амархан зүйл биш. Цаг агаарын хэцүү нөхцөлд сайн сургаагүй 10 тэмээтэй явна. Сэтгэл зүй болон бие бялдрын маш их ачаалал авна. Баг бүрдүүлэхэд маш хэцүү байсан. Гадаад багийг маань Английн алдарт аялагч бүрдүүлж байгаа.

-Гадаад багийн гишүүд хэзээ Монголд ирэх вэ. Танилцаж амжсан уу?

-Англи найзтайгаа уулзаад гурван сар болж байна. Нэг багийн гишүүн маань манай улсад ирээд 10 хонож байна. Харин гурав дахь гишүүнтэйгээ одоогоор ярьж үзээгүй л байна даа. Энэ сарын 13-нд Монголд онгоцоор бууна. Энэ хэмжээний зориг тэвчээр гаргаад ирж байгаа эмэгтэйг хүндэлнэ. Болохоосоо болохгүйг хүртэл хамт байхыг хичээнэ. Гурван жилийнхээ амьдралыг энэ аялалд зориулаад ирж байгаа эмэгтэйг дотроо их хайрлаж хүндэтгэж байгаа.

-Аялалдаа хэдийнээс гарах төлөвлөгөөтэй байна вэ?

-Бид аялалдаа найман сарын сүүлээр гарах төлөвлөгөөтэй байгаа. Жаахан мөнгөний асуудал байна. Тэмээг хилээр гаргахад олон төрлийн бичиг баримт, вакцин, даатгал хийлгэсэн байх ёстой гээд маш олон шаардлага тавьдаг юм байна. Үүнээс шалтгаалж аялал жаахан хойшилж магадгүй. Хүйтрэхээс өмнө Монголын хилээс гарвал сайн л байна. Баруун аймгуудад өвөл тачигнана шүү дээ.

-Өдөрт хэдэн километр зам туулах вэ?

-Бид тэмээгээ дасгах үүднээс өдөрт 30 километр л явна. Эхний гурван сар багийн гишүүд болон тэмээнүүдийн хувьд маш чухал. Дасан зохицох, нэг цогц бие болох гээд том сорилт хүлээж байна. Энэ аялал бид бүхний аялал биш, бүх монголчуудыг огшоосон аялал болох болов уу гэж бодож байгаа. Өвөг дээдэс маань хийж байсан торгоны замын аяллыг 21 дүгээр зуунд хийх гэж байна.

-Гадаад багийн гишүүд ч гэсэн тэмээгээр аялна гэсэн үг үү?

-Гадаад багийн гишүүд маань тэмээ унахгүй. Яагаад гэвэл тэмээ уначихвал олон жил хийж ирсэн аяллын зорилго нь алдагдчихна. Дэлхийг тойрч явган аялдаг хүмүүс юм.

-Та багийнхаа монгол гишүүнийг танилцуулахгүй юу?

-Манай найз охиныг Э.Эрдэнэчимэг гэдэг. Миний баруун гар, Зүүн гар англи найз маань.

-ӨМНӨГОВЬ АЙМГИЙН ХАНЫ ХЭЦИЙН ХҮРЭН ҮҮЛДРИЙН 10 ЗАЛУУ
ТЭМЭЭГ СОНГОЖ АВСАН-

-Тэмээгээ аль аймгаас худалдаж авсан бэ. Хүндрэл бэрхшээл тулгарсан уу?

-Өмнөговь аймгаас цуглуулсан. Монголын тэмээ холбоо”-ны хамт олонтой хамгийн түрүүнд очиж уулзсан. Аяллаа танилцуулахад маш сайхнаар хүлээж авсан. Энэ холбооныхон миний хүч хөдөлмөр, бүл дутаж байгаа зүйл дээр тусалж, Өмнөговь аймгийн Ханын хэцийн хүрэн үүлдрийн тэмээ цуглуулж өгсөн. Дандаа сайхан залуу тэмээнүүд. Хүмүүс “Сургасан тэмээ авахгүй яасан бэ” гэж хэлж байгаа. Миний бодлоор цаг агаарын өөр өөр нөхцөлд аялах учраас залуу тэмээ хамаагүй дээр юм болов уу. Одоо малчин маань тэмээгээ сургаж байгаа.

-Хоол хүнсээ яаж зохицуулахаар төлөвлөж байна вэ?

-Миний бодлоор хамгийн амархан зүйл. Яагаад гэвэл монголчууд бид чинь дэлхий дээр үлдсэн хамгийн сүүлчийн нүүдэлчин ард түмэн. Хоол хүнсийг нөөшлөх, хатаах гэх мэт маш олон арга барилтай ард түмэн. Тиймээс санаа зовохгүй байгаа. Гадаад аялагчид маань олон жил аялсан хүмүүс учраас юу ч хамаагүй иднэ. Хоолонд санаа зовж байсан бол энэ аялалд нэгдэхгүй байсан байх.

-Нийтдээ хэдэн километр аялж, хэдэн улсаар дайран өнгөрөх вэ?

-Гурван жилийн хугацаанд 12 мянган километр зам туулж, 12 улсаар дайран өнгөрнө. Гэхдээ төлөвлөгөө өөрчлөгдөж магадгүй. Мэдээж тавьсан зорилгоо гүйцээхийг хичээнэ.

-Гурван жил гэдэг чамгүй урт хугацаа. Маш олон зүйл сурна, туршлага ч сууна. Энэ бүхнээ хойч үедээ яаж үлдээх бодолтой байна даа?

-Би их муу хүн юм байна. Зарим хүн бодсоноо цаасан дээр буулгадаг байхад харин би цээжиндээ хийчихдэг. Энэ урт хугацааны аяллаараа түүх бүтээх гэж хичээж, оролдож байгаа юм чинь яалт ч үгүй аяллын тэмдэглэл хөтлөхөөс аргагүй. Одоо 20 гаруй орноор аялсан байна. Өтлөхөөсөө өмнө дэлхийн бүх улс орноор аялах байх. Тэгээд өөрийнхөө амьдралаар ном бичнэ гэж боддог. Үр хүүхдүүддээ үзүүлээд суух сайхан юм уу даа. Эмгэн болохоороо дурсамж дундаа амьдарна шүү дээ. Тиймээс олонд хүргэхдээ чухал биш, өөрөө өөртөө хэлж сануулах юмтай болох нь чухал гэсэн бодолтой явдаг.

-Урт хугацааны аялал хийхэд мөнгө санхүүгийн асуудал их тулгарч байгаа болов уу. Ивээн тэтгэгч байгууллага бий юу?

-Намайг дэмжихээр алс холоос өөрсдийнхөө зардлаар нисээд хүрээд ирсэн гадаад гишүүд маань гайхалтай, маш их баярлаж байгаа. Монгол бүсгүйн мөрөөдлийг биелүүлэх гээд өөр өөрсдийнхөөрөө ар тал минь болоод аялалдаа гарах гэж байна. Санхүүгийн хувьд үнэхээр амаргүй байгаа. Яг одоогоор Монгол Улсаас намайг дэмжинэ гэсэн хүн алга байна. Би ч намайг дэмжээрэй гэж ярьж явсангүй. Энэ долоо хоногоос л яригдаж, хүмүүстэй уулзаж байна. Өчигдөр хамгийн анхны мөнгөн тусламжаа авлаа. Монгол Улсын харцага н.Ганхуяг ах малчны маань цалинг хандивлалаа. Хүний тус багадахгүй. Яг үнэнийг хэлхэд зургаан хүний майхан, эрүүл мэндийн хэрэгсэл, сансрын утас гээд хэрэгтэй зүйлүүд байна.

-МОНГОЛЧУУД МААНЬ ЭЕРЭГЭЭР ХҮЛЭЭЖ АВАХ БАЙХ-

-Эмэгтэй хүн санаачлаад ийм аяллыг эхлүүлэх гэж байгаа нь олон хүний сонирхол татах байх?

-Монголчууд маань их сайхан эерэгээр хүлээж авах болов уу гэж бодож байна.

-Хэдэн жилийн хугацаатай аялахаар төлөвлөж байна вэ?

-Манай ард түмэн хол замд гарахдаа цаг товлодоггүй хүмүүс шүү дээ. Сайхан тайван аялна гэж бодож байгаа. Гурван жил аялах төлөвлөгөөтэй байна.

-Гурван жилийн дараа та бүхэн Монголд ирнэ гэж үү?

-Ер бол тийм, хүүхдүүдээ орхиод явж байгаа учраас дундуур нь ганц хоёр ирнэ. Манай хоёр охин аялах маш дуртай. Гэдсэн дотор байхаасаа л ээжтэйгээ хамт аялсан учраас эрт биеэ даачихсан. Тиймээс зарим үед амралтыг нь ашиглан аялалдаа хамт авч явна.

-Таныг тэмээгээр аялна гэхэд гэрийнхэн нь яаж хүлээж авсан бэ?

-Манайхан уужуу тайван хүмүүс юм болов уу. Манай ээж уул руу авиралт хийхээр явахад л эмзэглэдэг болохоос биш бусад бүх зүйлийг маань дэмждэг. Эх хүний зөн совин, үг маш гоё ерөөлтэй байдаг. “Миний охин чадна” гээд л сууж бай “Охин чинь чадчихаад хүрээд ирнэ” гэж хэлээд явдаг. Надад хэлэхгүйгээр дотроо маш их шаналж эмтэрдэг байх. Ээжийгээ зоригжуулаад “Ямар хүүхэд төрүүлж өсгөснөө мэдэх цаг нь болсон. Ганц охин нь удмынхаа нэрийг гаргана” гээд сэтгэлийг нь хатуужуулдаг. Хэзээ ч амархан олддог мөнгө, аз жаргал гэж байдаггүй. Маш их хөлс хөдөлмөр, зориг тэвчээр шаардана. Уйлаад сэтгэлээр унах үе зөндөө байдаг. Өөрөө өөртэйгээ тэмцэлдэж яг юуны төлөө ингэж зүтгээд байгаагаа ойлгохгүй төөрөлдөх үе байдаг.

-Таван жилийн өмнө тэмээгээр Торгоны зам дагуу аялах таны мөрөөдөл байсан бол өнөөдөр биеллээ олж аян замдаа гарах бэлтгэлээ хийж байна. Дараагийнхаа мөрөөдлийг бидэнтэй хуваалцаач?

-Уулын авиралтуудаа дуусгана. Африк тивийн хоёр өндөр оргил дээр гарчихсан. Одоо таван оргил дээр гараагүй үлдчихсэн байна. Эх орныхоо өндөр оргилууд дээр гарчихсан. Мөн аялал жуучлалын салбарт ажиллаж, олон хүнийг ажлын байраар хангаж, улсдаа өндөр татвар төлөх мөрөөдөлтэй. Мэдээж би ээж хүн юм чинь Монгол Улсын чадварлаг иргэнийг бэлдэнэ.

-Тэр л улсдаа хийж буй хамгийн том хөрөнгө оруулалт юм болов уу?

-Ер нь би тэгж боддог юм. Би айлын ганц охин, харахад эмэгтэй хүн шиг мөртлөө их эрэгтэйлэг л дээ. Хоёр эрэгтэй дүүтэй. Хоорондоо их ойрхон биш. Ээж маань эхээс олуулаа ч гэсэн бас л ойр дотно биш. Би ер нь их ганцаардмал нөхөр л дөө. Эгчтэй, эмэгтэй дүүтэй байсан бол гэж их мөрөөддөг. Тийм болохоор ч тэр юм у таван хүүхэдтэй болохыг мөрөөддөг. Гайгүй залуухан байна таван хүүхэдтэй болох байх аа. Өтөлсөн ч цэмбэгэрээрээ байж байгаад үхэх болов уу гэж боддог юм. Олон хүүхэд гаргаж, сайн хүмүүжүүлнэ ээ /инээв.сурв/.

-ЭХ ОРНЫ МААНЬ УУЛСЫН ОРГИЛ СЭТГЭЛД НЭГ Л ДОТНО-

-Хүний нутагт аяллаар явж байхад хамгийн хэцүү нь юу байдаг вэ. Бас хамгийн мартагдашгүй аялал гэвэл?

-Эрүүл мэнд муудах л хамгийн хэцүү. Энэтхэгт аялж байгаад хордлого аваад, гурван долоо хоног буудалд хэвтсэн. Бараг “чад” болох дөхсөн. Хамгийн гоё нь уулын аялал гайхамшигтай.

-Уулын спорт ер нь хүнд ямар төлөвшил өгдөг юм бэ?

-Уул руу авиралт хийж байхдаа уйлна, юу хийж яваа билээ гэж дотроо өөртэйгээ тэмцэлдэнэ. Зорилгоо гүйцээх ёстой гэж бодно. Уулын спортын хувьд ганцаараа байж бодлоо цэгцэлдэг юм болов уу. Нэг алхам буруу хийвэл амьдралаас нэг мөсөн явах магадлалтай. Би их удаан төвлөрч чаддаггүй нөхөр, ингэж явж байхад их удаан төвлөрч чаддаг. Ганцаараа байх боломж олгодог, бодлоо цэгцэлж, амьдралаа нэг эргэж харах боломжийг уулын авиралт өгдөг гэж би боддог. Өндөр дээрээс доошоо харахад бүх зүйл тод харагддаг шүү дээ. Тэгээд өөртэйгээ ярьж байхад дараагийн төлөвлөгөө гарч ирдэг, асуултын хариулт ч гарч ирдэг.

-Эх орныхоо өндөр оргилд гарах, бусад улсын өндөр оргилд гарах хоёр ялгаатай байдаг уу?

-Эх орны маань уулсын оргил сэтгэлд нэг л дотно, өөрийн эрхгүй уйлдаг, надтай шивнээд яриад байгаа ч юм шиг мэдрэмж төрдөг.

-Аялах хугацаандаа бусад улс орнуудад эх орноо яаж сурталчлах вэ?

-Өдөр, цаг тутамд монгол ахуйгаа тээж явна. Бодох зүйл их байгаа. Аялал эхлэхээр бодитоор харагдах байх. Аяллынхаа туршид байнга монгол хувцсаа өмсөнө.

-ТЭМЭЭН АЯЛАЛД НЭГДЭЖ, БҮХ ЗҮЙЛ БОЛОМЖТОЙ ГЭДГИЙГ
ХҮМҮҮСТ ХАРУУЛАХЫГ ЗОРЬСОН-

Англи улсын иргэн, алдар аялагч KARL BUSHBY: Аялалд гарснаасаа хойш 18 жил гэртээ харьсангүй

Дэлхийгээр аялагчид дунд Karl Bushby бол онцгой нэгэн юм. Тэрээр хуурай газраар 40 мянган километр зам туулсан. Явган аяллаа 18 жилийн өмнө Өмнөд Америкийн хамгийн өмнөд цэгээс эхэлж түүнээс хойш ганцаарчилсан аяллаа төв Америк, Мексик, АНУ, Канад, Окугаар үргэлжилсэн. АНУ-д амьдардаг тэрээр Англи улсын иргэн аяллаа ажил амьдралынхаа дундуур амжуулдаг. Түүний аялалд мэдээж маш олон саад болон хүнд явдал тохиолдож байсан аж. Жишээ нь, Бэрнгийн хоолойн мөсөн далайг сэлж гарч олон удаа ч баривчлагдаж байсан тухайгаа ярьсан юм. Хүн бүр энэ хорвоод ямар нэгэн хувь тавилантайгаар ирдэг. Цөөхөн хором түүнтэй уулзаж хэдхэн асуултад хариулт авсан нь бидний хувьд нэр төрийн хэрэг байлаа.

-Та БНХАУ-ын хилээс Улаанбаатар хот руу алхаж ирсэн. Аялал хийж явахад цаг агаарын нөхцөл байдал ямар байсан бэ?

-Хоёрдугаар сард Монголд Эрээн хотын хилээр орж ирсэн. Улаанбаатарт хотод явган аялж ирсэн. Өвлийг ОХУ-д өнгөрөөсөн, намайг алхаж байх үед харьцангуй дулаахан байсан. Харин маш хүчтэй хуурай салхитай байсан.

-Танд манай улсын өргөн уудам нутаг, үзэсгэлэнтэй газруудаар ахиж алхах бодол байна уу?

-Үгүй ээ.

-Яагаад тэр вэ?

-Маш олон үзэсгэлэнтэй газруудаар аялсан учраас ахиж алхах бодол алга байна. Гол төвлөрч байгаа аялал маань энэ тэмээн аялал. Монгол орноор бид гурван сар аялж, БНХАУ-ын хил рүү орно. Энэ хугацаанд илүү сайхан газрууд харах байх аа.

-Тэмээн аялалд явах саналыг яагаад хүлээж авав?

-Тэмээн аяллын маршрут нь миний аялах чиглэлтэй нэг байсан. Мөн маш олон хүн энэ аяллыг бүтэхгүй гэж бодож магадгүй. Бодит зүйл болгож өрнүүлбэл гайхалтай юм болов уу гэж бодоод саналыг хүлээж авсан. Ерөнхийдөө бүх зүйл боломжтой гэдгийг хүмүүст харуулахыг зорьж байгаа.

-Таныг 18 жил дэлхийн орнуудаар явган аялж байгаа гэлээ. Яагаад алхдаг юм бэ?

-28 настайдаа явган аялж эхэлсэн. Бүх улс орнуудын хүмүүс энэ зүйлийг боломжгүй гэж ярьдаг. Тийм болохоор хийхийг хүссэн. Бас маш том сорилт.

-Аялалд гарахдаа ойролцоогоор хэдэн килограмм ачаа авч явдаг вэ?

-Би 18 жил тэрэг түрээд аялж байгаа. Ойролцоогоор 100 килограмм ачаа авч явдаг. Яагаад гэвэл аялж байгаа газрынхаа бүсэд тохируулж хүнсээ авч явна. Хот суурин газар хол бол хоол хүнсээ их базаана. Жишээлбэл, говиор аялахдаа их ус авч явдаг.

-Та 365 хоногийн хэдэн хоногт нь явган алхаж аялал хийдэг вэ?

-Нөхцөл байдлаасаа хамаардаг. Зарим үед суурин газар 7-8 хоног амарч цаашаагаа аяллаа үргэлжлүүлдэг. Өдөр бүрийг аялж өнгөрөөхгүй. Дараагийн аялалд гарахаасаа өмнө хоол хүнсээ бэлтгэнэ гэх мэт ажлууд зөндөө байдаг. Зарим үед эрүүл мэндийн байдлаас шалтгаалж аялахаа түр хойшлуулдаг.

-Та хамгийн сүүлд хэзээ гэртээ харьсан бэ?

-Би гэрээсээ гараад 18 жил болж байна. Аяллаа дуусгаж байж л гэртээ харина. Тэрнээс өмнө гэртээ харьж болохгүй.

-Хэдэн жилийн дараа гэртээ харих вэ?

-Бидний аялал гурван жил үргэлжлэх байх. Гурван жилийн дараа л гэртээ харих байх даа.

-Тэгэхээр гэр бүлгүй байх нь, тийм үү?

-Тийм ээ. Жинхэнэ “Singel” гэсэн үг /инээв.сурв/.

-18 жилийн хугацаанд хичнээн километр газар алхсан бэ?

-Энэ хугацаанд нэг ч тээврийн хэрэгсэл ашиглаагүй. 40 мянган километр алхаж аялсан байна.

 М.ЖАРГАЛ



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэлүүд
Нийт 23

зочин (182.160.35.65)
2017-08-13 18:38:57
Ганцаараа биш гадаад хар юм дагуулаад явж бгаа болохоор зугаатаы байхалдаа

Torgonii zam (202.9.42.89)
2017-08-13 13:10:59
Үндсэн Торгоны зам Монголоор дайрч байгаагүй, угаасаа ч Монголчуудын зүйл биш. Торго хийдэг хятадуудтай хийдэг байсан наймааны л зам шүү дээ.

Зочин (150.129.143.40)
2017-08-13 12:37:14
Тэмээгээ хамгийн сүүлд орхих улс байна даа

zochin (202.179.31.21)
2017-08-13 10:47:44
minii bodloor deer ved jin teeh temeeg 3 jil unaagvi gvitseej baigaad undag baisan gej nutgiin hughschvvl yridag baisan yagaad gevel hol zam tuulah chadvar sain gej baga temee hol yvah boluud aa nastai huduunii buurluudaas sain asuuh heregtei amjilt hvsie

Зочин (202.9.43.167)
2017-08-12 19:46:10
Гадаад аялагчын тэргийг тэмээгээр чирэх нь дээ. Тэмээгээ тэгээд хаяад ирэх юмуу?

Зочин (202.179.31.121)
2017-08-12 19:16:43
Ta naraar baharhaj baina...

Ah (103.26.194.203)
2017-08-12 17:13:47
БОЛИО ЧИ ТЭНЭХ МӨРӨӨРӨӨ ТЭНЭ, БИТГИЙ ТЭМЭЭ ТАМЛА,,,,,,,

Зочин (203.91.115.38)
2017-08-12 15:37:00
болио өөр юмаар зугаал. усны тэргээр ч юм уу?

Зочин (202.131.225.197)
2017-08-12 12:19:34
явган ч юм уу дугуйгаар гэвэл ойлгохсон.. тэмээгээр гэхээр эсэргүүцмээр байна. би чинь зоопарк эсэргүүдэг хүн шд. дандаа хөдөөгүүр явах юм байх даа

Зочин (202.179.31.13)
2017-08-12 09:48:43
Майхнаа ч бэлдээгүй хүнтэй юу ярих вэ дээ. гялс хэвлэлээр яриад хүмүүсээр санхүүжүүлнэ гэж л тооцсон байна.

зочин (202.179.27.74)
2017-08-11 19:51:56
их л бэрх мөрөөдөл байна даа. Торгоны замаар ингэж явсны явсны үр дүн, ашиг юу юм бэ. Зүгээр л чиний хобби юм биш үү.орчин цагт тэмээтэй аял гэхээр санаанд орохгүй л байна. За ямар ч байсан амжилт хүсье

zochin (66.181.185.209)
2017-08-11 19:13:37
erdoo saikhan sonsogdohgui bna. temee uldaad balrah baih daa. tiim l aylah durtai yum bol holooroo yavaach huuhen guai

Зочин (122.201.31.77)
2017-08-11 13:09:45
Hiih ajilgyu gertee hevtetsgeej baihaar temee unaad yavj baih n barag zuv yum baigaaz.

Зочин (66.181.177.186)
2017-08-11 12:51:17
Амитан зовоохнээ!?! Болиулаа!

Зочин (24.130.115.88)
2017-08-11 12:24:21
Доогуур хэдэн дебил оркууд юу гэж хуцалдаад байнаа,apple,samsung тай золгосонч гэх шиг,ядаж Samsung гээд зөв бичиж чадахгүй лалар,энэ хүн та нараас нэг төгрөг аваагүй,авахчгүй эрэлхэг эмэгтэй байна,олон хүн бүтэхгүй гэж бодож байж болох,харин энэ их туршлагатай англи эр нэгдэж байгаа бол бүтнээ гэсэн үг,хэцүү нь хэцүү,бүү шантар,амжилт хүсье

Зочин (172.56.12.131)
2017-08-11 12:03:52
Гадаадын хумуусын хэлж ярж байгааг илуу сайн ойлгож товлорох хэрэгтэй гэж бодож байна.Уулс унэхээр гайхамшигтай

Зочин (122.201.31.200)
2017-08-11 11:53:40
Та бүхний аялалд амжилт хүсье Холын аянд дан говийн залуу ат авч явах нь буруу. Говийн тэмээ Алтай Хангайн өндөр уул, гол уснаас "сүрддэг" Аянд авч явах тэмээний 6 уул устай нутгийн тэмээ байвал зүгээр байх, энэ 6 тэмээний хоер ингэ байна.

Зочин (172.56.12.131)
2017-08-11 11:46:23
Торгны зам хятад худалдаачид монглын болон бусад оргкудад найиаа хийдэг байсан уе илжигээ унаад.Монголчууд чамтай чамгуй оорсондоо хэрэгтэй зуйлээ улс орон алгасаад л онгоц ашиглаад хийж чадна.Энэ 21 зуун юуны торгны зам.Бид интернет apple sumsung тай али хэдиинэ золгочихоод байна

хрл (27.123.214.81)
2017-08-11 10:53:31
Зассс Торгоны зам хэзээ ч монголын говиор яваагүй явахч гүй Одоо бол бүүр тойроод явцан Байгалаа гуай Багахан элиир

shal hudlaa shouchin . (103.26.194.228)
2017-08-11 10:49:53
Ene neg galzuu sogtuu zavaan baliar huuhnii haashaa yaj yavah ni hend hamaataim bee. Temeegeer tegeed europe hurtel yavj chadah uu nogoo heden mal aa mashind achaad l yana daa. Emegtei Amai bolj nom bichne genee.Unshih hun oldoh uu . 25-n Altai ah . Amai 2 chine mundag nevtruuleg hiigeed nom bicheed aali hediin ogoh estoi medeeleleer 100 % hangatsan shdee. 21-r zuund humuus delhiigeer maash ikh ayalj baina mongolchuud ch gesen . Haana uy uy baidag yamar gazar oron nutag baidagiig hun buhen meddeg bolhoor ogt sonin bish bainaa.

Зочин (202.55.191.130)
2017-08-11 10:40:50
Монголчууд нэгэн үе Торгоны замыг эрхшээж байснаас биш жин тээж байгаагүй шиг билээ. Мунхаг миний бодол.

www (66.181.160.97)
2017-08-11 10:29:39
fc nz daa amjilt husie

Зочин (202.70.46.218)
2017-08-11 10:04:25
Дэлхийд ганцхан байдаг хоёр бөхт тэмээ- ердөө 1 ширхэг

Сэтгэгдэл бичих

АНХААРУУЛГА: Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Таны нэр:


Таны сэтгэгдэл:


Шинэ мэдээ
2018-07-17 18:22:32 - Нийслэл
Ажилгүй иргэдийн 50 орчим хувийг 15-35 насны залуучууд эзэлж байна
2018-07-17 18:15:33 - Спорт
ОУХМ С.Ганбаяр Мадридын "Гран при" тэмцээнээс алтан медаль хүртэв
2018-07-17 17:40:35 - Нийслэл
Аадар борооны улмаас хуримтлагдсан усыг соруулж байна
2018-07-17 17:10:45 - Гадаад
БНСУ-д хууль ёсоор оршин суугаа монголчуудын анхааралд
2018-07-17 17:07:46 - Нийслэл
Баянзүрх дүүрэгт 60 настай иргэн үерийн усанд автаж, амиа алджээ
2018-07-17 16:32:13 - Шар
Трамп: Путин дээд хэмжээний уулзалтын үеэр маш хүчтэй байсан
2018-07-17 16:12:43 - Хууль
Амиа алдсан алба хаагчдыг дурсах "Бид мартахгүй" хүндэтгэлийн өдөр тохиож байна
2018-07-17 16:10:34 - Гадаад
Үргэлжлэн орж буй аадрын улмаас Бээжин 650 орчим нислэгээ цуцалжээ
2018-07-17 15:51:15 - Орон нутаг
Хэнтий аймагт хүүхдийг эрсдэлээс хамгаалах ажил хийгдэж байна
2018-07-17 15:46:51 - Улс төр
Ээлжит бус чуулган хуралдуулах тухай албан бичиг илгээв
2018-07-17 15:31:34 - Шар
Нэрт хөлбөмбөгч Неймарын зурагтай тонн орчим кокаин хураан авчээ
2018-07-17 14:50:10 - Орон нутаг
Үерийн улмаас орон гэргүй болсон 163 иргэнийг сургуулийн дотуур байранд байрлуулжээ
2018-07-17 14:37:40 - Орон нутаг
Борнуур сумын гүүр үерт автаж, эвдэрсэн тул хөдөлгөөнийг хязгаарлаад байна
2018-07-17 14:37:03 - Нийслэл
“Гэрэлт гудамж”-ны үйл ажиллагаанд хяналт, шалгалт хийжээ
2018-07-17 14:22:26 - Нийслэл
Мэргэжлийн байгууллагууд 24 цагаар тээврийн товчоодод ажиллаж байна
2018-07-17 14:18:49 - Хууль
Баяр наадмын үеэр 665 иргэнийг эрүүлжүүлжээ
2018-07-17 14:11:30 - Гадаад
БНСУ-д ажиллаж, амьдарч байгаа монголчуудыг наршихаас сэргийлэхийг зөвлөж байна
2018-07-17 14:06:02 - Гадаад
Путин, Трамп нар уулзаж, харилцаагаа хэвийн болгох эхний алхмаа хийв
2018-07-17 13:41:42 - Энтертайнмент
Өвөрмонголд Олон улсын найрал дууны долоо хоног зохиогдож байна
2018-07-17 13:35:15 - Хууль
Хоригдлууд хохирогчдоо 50 гаруй сая төгрөг шилжүүлжээ
2018-07-17 13:19:51 - Боловсрол
Япон, БНХАУ-ын буцалтгүй тусламжаар долоон сургууль баригдана
2018-07-17 13:16:46 - Шар
ФОТО: “Алтан дагина“ цомын эзэн Францын шигшээ баг эх орондоо ирлээ
2018-07-17 12:59:16 - Эрүүл мэнд
Г.Батсуурьт "Эрүүлийг хамгаалахын гавьяат ажилтан" цол хүртээжээ
2018-07-17 12:42:39 - Боловсрол
Шатсан цэцэрлэг ирэх намар гэхэд шинэ байртай болно
2018-07-17 12:25:37 - Нийслэл
Төв Цэнгэлдэх хүрээлэнд анх удаа “Press room” ажиллуулав
2018-07-17 12:06:47 - Гадаад
Bloomberg: Жэфф Безос энэ цаг үеийн хамгийн баян хүнээр тодров
2018-07-17 12:02:59 - Эрүүл мэнд
Энэ сарын 27-нд элэгний В, С вирусыг үнэгүй оношилно
2018-07-17 11:53:21 - Орон нутаг
З.Энхболд бэлгэнд ирсэн хурдан азаргануудын төлийг аймгийнхаа уяачдад өгчээ
2018-07-17 11:49:19 - Энтертайнмент
Германы “Чингис” хаан хамтлаг Дадал суманд сүндэрлэх бүтээн байгуулалтыг сурталчилна
2018-07-17 11:44:39 - Улс төр
Азийн сайд нарын бага хуралд оролцогчид талархлаа илэрхийлжээ
2018-07-17 11:33:03 - Орон нутаг
Орон нутагт гурван иргэнийг эрэн хайж байна
2018-07-17 11:23:06 - Нийслэл
Хөшигийн хөндийн нисэх буудалд 5.3 тэрбум төгрөгийн үнэ бүхий цацрагийн хяналтын төхөөрөмж суурилуулна
2018-07-17 11:20:53 - Хууль
Өнгөрсөн онд зам тээврийн ослоор 55 хүүхэд амиа алджээ
2018-07-17 11:08:55 - Орон нутаг
Эксковаторын шанаганд сууж, тэмцлээ илэрхийлжээ
2018-07-17 11:08:15 - Орон нутаг
Мотоцикльтой хоёр иргэнийг буудсан ноцтой хэргийг шалгаж байна
2018-07-17 11:07:03 - Нийслэл
Гадаадын 60 гаруй орны удирдагчдаас баярын мэндчилгээ иржээ
2018-07-17 11:03:58 - Энтертайнмент
Б.Дэлгэржаргал: Өдөрт дунджаар 2000 гаруй иргэн “ЛэндМн” аппликейшн ашиглан зээл авч байна
2018-07-17 10:33:28 - Улс төр
Засгийн газраас Япон улсад 100 мянган ам.долларын хүмүүнлэгийн тусламж үзүүлнэ
2018-07-17 10:29:23 - Сонгууль
Өлгий суманд дахин үер буужээ
2018-07-17 08:22:44 - Байгаль Орчин
Улаанбаатарт 25 хэм дулаан байна
Их уншсан
Их сэтгэгдэлтэй