Улсын Их Хурлын чуулганы Пүрэв гаригийн нэгдсэн эхэллээ. Чуулганы нэгдсэн хуралдаанаар хэлэлцэх асуудалтай холбогдуулан УИХ-ын гишүүн Т.Аюурсайхан, Б.Бат-Эрдэнэ нар асуулт асуулаа.

УИХ-ын гишүүн Т.Аюурсайхан: УИХ-ын гишүүний бүрэн эрхийг түдгэлзүүлэх тухай асуудлуудыг хуулийн хугацаанд нь хэлэлцэх ёстой. Хуралдаан даргалагчаа хууль зөрчигдөөд байна. Энэ сарын 13-нд барьсан бичиг өнөөдрийг хүртэл байхгүй байна. Прокурор хүн эрхийнхээ дагуу энэ асуудлыг дэвшүүлж байгаа. Халдашгүй байдлын дэд хорооны ирц нь тийм байна. Гишүүн байна уу байхгүй байна уу гэж асуух үүрэг байхгүй. Тухайн дэд хороо ажлаа зохион байгуулж, үүнийг шийдэх ёстой. Дэд хорооны хуралд олонх нь ирсэн бол хуралдаан хүчин төгөлдөр байна гэсэн хуультай. Заавал 100 хувь бүрдэж байж асуудлыг хэлэлцэнэ гэсэн хууль байхгүй. Байнгын хороо хүртэл тийм байдаг. Ирээгүй хүмүүс нь саналаа өгөх юм бол өмнөх санал хураалт нь яаж өөрчлөгдөх вэ гэж харахын бол УИХ -ын ажил явах уу.

Яагаад хууль зөрчигдөөд байгаа бэ. Энэ асуудлыг хуулийн хугацаанд хэлэлцэх ёстой. Яагаад өнөөдрийг хүртэл байхгүй байгаа бэ. Яагаад өнгөрсөн долоон хоногт ороогүй бэ. Хуулийг яагаад өөрсдийнхөөрөө тайлбарлаад байгаа бэ. Хуулийг ингэж зөрчөөд байхын бол бусад хууль чинь яах бэ. УИХ нь хуулиа зөрчөөд байхын бол эрхзүйт төрийг яаж бий болгох бэ. Өөрсдөө хууль зөрчиж байж олон нийт ард иргэдийг хуулийг мөрд гэж шахаж шаардах юм бэ. Жижиг зөрчлийг гэсэн зөрчлийн хуулиар торгож байгаа. Ард иргэдийг торгосон торгуулийн мөнгөөр төсвийн хэдэн хувийг бүрдүүлж байгааг та бүхэн мэдэж байгаа шүү дээ.

Халдашгүй байдлын дэд хороог ахмад хамгийн туршлагатай хүмүүсээр ахлуулж байгаа. Ингэж УИХ хууль зөрчүүлж болох юм уу. 48 цагийн дотор хэлэлцэж шийдвэрлэсэн байна гэсэн хуультай. Энэ ажлыг удирдан зохион байгуулах ёстой. Хуулийн маш ноцтой зөрчил үүсэж байна. Одоо УИХ-д итгэх итгэл буурч байна. Асар их шүүмжлэл гарч байна. Үүнийг дагаад маш ноцтой мэдээллийг хийж байна. Хууль зөрчиж байгаа асуудал дээр ямар хариуцлага хүлээлгэх юм бэ.