Шинэ коронавирусээр халдварласан 16 тохиолдол БНСУ-д бүртгэгдээд байгаа. Тиймээс Өмнөд Солонгосын Засгийн газраас иргэдийг халдвараас урьдчилан сэргийлэх зорилгоор янз бүрийн арга хэмжээ авч эхэлжээ. Тухайлбал, коронавирусын халдвар авсан хүнтэй ойр байсан иргэд сайн дурын үндсэн дээр 14 хоног өөрсдийгөө тусгаарласан тохиолдолд нөхөн төлбөр олгох шийдвэр гаргасан байна. Энэ нөхөн олговорт 14 хоногийн хорионд байх үеийн амьжиргааны зардал болон ажлаа тасалсан угацааны цалин орох юм байна.

Үүнээс гадна БНСУ өнөөдрөөс эхлэн БНХАУ-ын Хубэй муж болон Ухань хотоос ирж байгаа гадаадын иргэдийг өөрийн улсын хилээр нэвтрүүлэхгүй байхаар болжээ.