"Хөмөргөн гурвалжин" дэлхийн тайзнаа тавигдсанд талархаж баяр хүргэв

Л.Батцэнгэл / Энтертайнмент

ЮНЕСКО-ийн Монголын үндэсний комиссын 2019 оны үйл ажиллагааны тайлангийн хурал өчигдөр Гадаад харилцааны яаманд болов. Гадаад харилцааны сайд, ЮНЕСКО-ийн Монголын үндэсний комиссын дарга Д.Цогтбаатар хурлыг нээж хэлсэн үгэндээ “Хөхүүрийн айраг исгэх уламжлал, холбогдох зан үйл” өвийг ЮНЕСКО-ийн Хүн төрөлхтний соёлын биет бус өвийн төлөөллийн жагсаалтад бүртгүүлсэн, хадны зургаас сэдэвлэн бүтээсэн Монгол Улсын ардын багш, шинжлэх ухааны гавьяат ажилтан, эрдэмтэн зохиолч Сэндэнжавын Дуламын цомнол “Хөмөргөн гурвалжин” этно бүжгэн жүжиг, “Монголын сая өдөр” хадны зургийн фото үзэсгэлэн зэрэг цуврал арга хэмжээг арванхоёрдугаар сард Парис хотноо ЮНЕСКО-ийн төв байранд зохион байгуулсан, ЮНЕСКО-ийн Ерөнхий Бага хурлын 40 дүгээр чуулганы үеэр Монгол Улс тус байгууллагын Нийгмийн өөрчлөлтийн удирдлага хөтөлбөрийн Засгийн газар хоорондын зөвлөлийн сонгуульд нэр дэвшиж уг зөвлөлийн гишүүн, мөн зөвлөлийн товчооны дэд ерөнхийлөгчөөр тус тус сонгогдсон зэрэг тус комиссын 2019 оны үйл ажиллагааны төлөвлөгөөнд тусгагдсан томоохон ажлууд бодит ажил хэрэг болсныг сайшаан тэмдэглэв.

Боловсрол, соёл, шинжлэх ухааны дэлхийн төв болох ЮНЕСКО нь гишүүн орнуудаас олгох санхүүжилт багассан зэргээс улбаалан зорилго, чиг үүргээ хэрэгжүүлэхэд багагүй саад бэрхшээлтэй учирч байгаа сорилтын энэ үед Монгол Улс гишүүн орныхоо хувьд хүлээсэн үүргээ тууштай биелүүлж, тус байгууллагын үйл ажиллагааг бүх талаар дэмжин ажиллах нь чухал болохыг сайд Д.Цогтбаатар цохон тэмдэглэв. Сайд Д.Цогтбаатар комиссын гишүүдэд энэ онд хэрэгжүүлэх арга хэмжээнүүдийн талаар танилцуулж, холбогдох чиглэлийг өгсөн байна.


Сэтгэгдэл

ZAP [202.9.40.50] 2021-05-05 05:16:01

ZAP [202.9.40.50] 2021-05-05 05:16:01

ZAP [134.122.22.13] 2020-03-29 16:10:37

ZAP [134.122.22.13] 2020-03-29 16:10:36

Сайдыг шүтэчихэж, хөөрхийс! [202.131.225.53] 2020-02-07 07:40:02

Энэ бүсгүй сайдруу бишрэн харж инээд бадруулж байх шив дээ! Кх! Эсхүл сайд тийм инээдтэй зүйл хэлчихсэн юм болов уу???


5 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
5 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.