Засгийн газрын хуралдааны шийдвэрийг танилцуулж байна.

Сангийн сайд Ч.Хүрэлбаатар: Засгийн газрын хуралдаанаар Монголын эдийн засгийн нөхцөл байдлын талаар ярилцлаа. Санхүүгийн тогтвортой байдлын зөвлөл өчигдөр хуралдаж шийдвэр гаргасан.

Монголбанкны ерөнхий захирал Б.Лхагвасүрэн: “СТБЗ-өөр асуудлыг хэлэлцсэн нь банкин дээр 100-аад ААН, иргэдээс 1-1,5 их наяд төгрөгийн зээлтэй холбогдуулан санал хүсэлт ирсэн. Үүнийг яаж шийдвэх вэ гэдэг дээр банкууд санал ирүүлсэн. Банкны Активын ангиллын журам, хэвийн үйл ажиллагааг хэрэгжүүлэх журмууд байдаг. Шийдвэрийг бүгдэд нийцтэй байхаар гаргасан. Нэг сараас хойш гарсан хүндрэлүүдийн судалгаа гараад явж байна.

Хэрэглээний зээлийг нэгдүгээрт тавьсан.

• 90 хоногын хугацаанд үндсэн өр, зээлийн хүүг төлөхгүй байх зохицуулалт хийлээ. Энэ үед хүү төлөх, үндсэн өр төлөх шаардлагагүй.

Зээл маань гэрээгээр зохицуулагддаг учир ААН гэрээн дээрээ бүтцийн өөрчлөлт хийлгүүлэх боломжтой. Хэрэглээний зээлийн хүү, үндсэн өрийг өндөржүүлсэн бэлэн байдлын энэ үед төлж чадахгүй бол ангилал буурахгүй, хар жагсаалтад орохгүй.

Өнөөдрийн үүссэн нөхцөл байдал нэг хэсэгт үйлчилж байгаа зүйл биш учир шийдвэрийг Засгийн газартай хамтарч гаргаж байна” гэлээ.