Хунтайж Чарльз коронавирусын халдвар авсан болохыг Кларенс хаус олон нийтэд мэдэгдлээ.

Өдгөө 71 настай хунтайжийн биеийн байдал хэвийн байгаа бөгөөд хөнгөн хэлбэрийн шинж тэмдэгүүд илэрсэн болохыг түүний хэвлэлийн төлөөлөгч хэлсэн байна. Түүнийг одоогоор эмчийн хяналтад аван тусгаарлажээ. 

Тэрбээр нийгмийн олон арга хэмжээнд оролцож, олон хүнтэй уулзалдсан учраас одоогоор хэнээс халдвар авсан болохыг тогтоох боломжгүй байгаа аж.

Хунтайж Чарльзд өнгөрсөн амралтын өдрүүдэд халуурах болон бусад шинж тэмдэг илэрсэн бөгөөд даваа гарагт вирусын шинжилгээ өгсөн байна. Сорьцын шинжилгээний хариу өчигдөр буюу мягмар гарагийн шөнө гарсан бөгөөд коронавирусын халдвартай буюу эерэг гарсан гэжээ.

ЭХ СУРВАЛЖ: BBC