Итали улсаас ирүүлсэн захиалгаар 100 тонн “Хаан ширхэгт” стандартын ноолуурыг экспортод гаргахад бэлэн болсон талаар Хүнс хөдөө аж ахуй, хөнгөн үйлдвэрийн яамнаас мэдээллээ. Монголын хамгийн нарийн ширхэгт буюу тансаг зэрэглэлийн, чанар сайтай “Хаан Ширхэгт” ноолуурыг дэлхийн брэндүүд хэдийн хүлээн зөвшөөрч хэрэглэх болсон байна.Одоогоор манай улсаас бэлтгэгдэж байгаа ноолуурын 20-30 хувь нь “Хаан ширхэгт”-ийн стандартыг хангаж байгаа аж.

Энэ жилийн хамгийн нарийн микронтой ноолуур буюу “Хаан ширхэгт”-ийн стандартыг Сүхбаатар аймгаас бэлтгэсэн ноолуур (15,8-16,1 микрон) хангасан байна. Манай улс жилдээ 9800-10 000 тонн ноолуур бэлтгэж дэлхийн зах зээлд нийлүүлж байна. Ингэснээр манай улс энэ төрлийн түүхий эдийн 40 гаруй хувийг дэлхийд нийлүүлдэг гэсэн үг юм.