Н.Пүрэвдорж: “КОВИД-19” халдварын дэгдэлттэй холбоотойгоор жолооны үнэмлэхний бэлдэц бэлтгэдэг үйлдвэрүүд зогсоод байна
Цагдаагийн ерөнхий газрын бүртгэл хяналтын төвийн мэргэжилтэн, цагдаагийн ахмад Н.Пүрэвдоржтой ярилцлаа.
-Жолооны үнэмлэхийг ирэх наймдугаар сар хүртэл олгохгүй гэх мэдээлэл гараад байна. Энэ талаар мэдээлэл өгөхгүй юү?
-Бүртгэл хяналтын төв жолооны үнэмлэх олгох үйл ажиллагааг хариуцдаг. Жил бүр улсаас төсөв авч жолооны үнэмлэхний бэлдэц захиалдаг. Өнгөрсөн онд захиалсан бэлдэц дууссан. Энэ оны бэлдэцийг нэгдүгээр сард захиалсан. Дэлхий нийтээр “Ковид-19”-ын цар тахал дэгдсэнтэй холбоотойгоор үйлдвэрүүр хаагдсан. Саяхнаас нээгдээд хагас ажиллаж эхлээд байна. Мөн шууд үүргийн онгоц явахгүй байгаа учраас тээвэрлэлт зогссон. Энэ мэт шалтгаануудын улмаас жолооны үнэмлэхний бэлдэц тасалдсан байна. Бид нарын тооцоогоор өнгөрсөн гуравдугаар сард ирэх байсан юм.
Цар тахлаас шалтгаалаад тодорхойгүй хугацаагаар хойшлогдсон байна. Долдугаар сарын 15-наас хойш бэлдэц ирнэ гэсэн мэдээлэл бидэнд байна.
-Үнэмлэх захиалсан иргэд хэрхэн замын хөдөлгөөнд оролцох вэ. Үүн дээр ямар зохицуулалт хийж байна?
-Манай төвд одоогоор үнэмлэхээ гээсэн болон солиулах хүсэлтэй 8000 гаруй захиалга ирээд байна. Эдгээр иргэдэд түр зөвшөөрөл хэвлээд эхэлсэн. Үнэмлэхээ манайд захиалсан иргэд жолоо барих шаардлагатай бол Дүнжингарав худалдааны төвөөс очоод түр үнэмлэх авч болно. Үнэ төлбөргүй олгогдож байгаа. Тухайн хүний үнэмлэх хэвлэгдэхэд түр зөвшөөрлөө өгөөд үнэмлэхээ авч болно.
-Жолооны үнэмлэхээс бусад төрлийн үнэмлэх захиалахад хэдхэн хоногийн дотор л гардаг шүү дээ. Заавал гадаадад захиалж хугацаа алдах ямар шалтгаан байна вэ?
-Жолооны үнэмлэхний бэлдэц дэлгүүрийн лангуун дээр бэлэн байдаггүй. Цагдаагийн байгууллагаас тавьсан шаардлагыг хангасан чип, нууцлалтайгаар захиалдаг. Үйлдвэрлэгчид ганц манай улсынхыг үйлдвэрлэдэггүй. Манайхтай ижил захиалдаг олон улс байгаа. Захиалгын дарааллаар энэ үйл ажиллагаа явж байна.
-Манайх жолооны үнэмлэхний бэлдэцийг хааш нь захиалдаг юм бэ?
-Сайн мэдэхгүй байна. Бид бэлдэц бэлтгэдэг улстай шууд харилцдаггүй. Дунд нь дистрибьютер компаниар дамжуулж харилцдаг. Герман, Франц, БНХАУ, Хонконг гээд жолооны үнэмлэхний бэлдэц бэлтгэдэг олон улс байдаг.
-Энэ жилийн тухайд “Ковид 19”-ын тархалттай холбоотойгоор бэлдэц тасарсан байна. Өнгөрсөн жилүүдэд ч жолооны үнэмлэхний бэлдэцтэй холбоотой маргаан тасардаггүй байсан шүү дээ...
-Өнгөрсөн жилүүдэд тендер зарладаг байсан. Олон компани өрсөлдөнө. Ингээд маргаан гарч шүүхдэлддэг байсан юм.
Үүнээс шалтгаалж цагдаагийн байгууллага хохирдог байсан. Энэ жилийн тухайд цар тахлаас шалтгааж хугацаа алдлаа.
-Үнэмлэхгүй жолоо барилаа гэх үндэслэлээр торгууллаа гэж бухимдах иргэд олон байсан. Энэ асуудалд ямар зохицуулалт хийж байна вэ?
-Иргэдийн тухайд бухимдах шаардлагагүй. Бүх цагдаа нар шалгах төхөөрөмжтэй. Тухайн иргэн үнэмлэхээ захиалчихаад жолоо бариад явж байхад үнэмлэхгүй гэх үндэслэлээр торгохгүй. Цагдаагийн багажин дээр захиалсан гэх мэдээлэл нь гараад ирнэ. Ямар нэгэн дүрэм зөрчсөн учраас л торгуулийн арга хэмжээ авч байгаа. Үүнийг жолооны үнэмлэхгүй учраас торголоо гэж буруу ойлгоод байна. Өнөөдрийн байдлаар нэг ч жолоочийг жолооны үнэмлэхгүйгээр тээврийн хэрэгсэл жолоодож замын хөдөлгөөн оролцлоо гэх үндэслэлээр торгоогүй. Жолооны үнэмлэхний хугацаа дуусч хүчингүй болчихоод байхад манайд захиалга өгөөгүй бол хуулийн дагуу арга хэмжээ авна.
-Ирэх жилүүдэд жолооны үнэмлэхний бэлдэц тасалдуулахгүйн тулд танай байгууллагаас ямар арга хэмжээ авч ажиллаж байна вэ?
-Энэ жилийнх шиг давагдашгүй хүчин зүйл гарч ирэхгүй бол хугацаанд нь үнэмлэх хэвлэж ажиллана.
О.Дашням, ӨДРИЙН СОНИН
Л.Оюун-Эрдэнэ: Шүүх Оюун-Эрдэнийн тэмцлийг үнэ цэнэгүй болгох гэж улайрахдаа хэнд үйлчилдэг, хэнээс хамааралтайгаа нотолчихсон, үүнийгээ удахгүй ойлгох болно
Эрдэнэс Тавантолгой компанийн санхүүгийн тайланд аудит хийж дууссан, энэ долоо хоногт баталгаажна
Л.Гантөмөр: АН-ын мөрийн хөтөлбөр бол амлалт биш, ажлын төлөвлөгөө
Улаанбаатар-Арвайхээр чиглэлийн авто замын 217-284 км-т үүссэн нүхэн эвдрэлийг хүйтэн асфальт бетоноор засварлажээ
Зудын мал шиг бөөнөөрөө хиарах хөөрхий Улаанбаатарчууд
Хахир өвлийг давсан улаанбаатарчууд хуруу зузаан тоос, гудамж дүүрэн шалбаагтай хаваржиж байна
Ерөнхий аудиторын орлогчид мөрийн хөтөлбөр “шинжих” эрх бий юу?!
Д.Амарбаясгалан: Ирэх жилүүдэд Хуримтлалын сангаас бэлэн мөнгө тараахгүй
Эрчим хүчний хараат байдлаас гаргая гэсэн дээр АНУ-ыг түших нь зөв байх
МҮОНРТ-ийн захирлаар Г.Гэрэл сонгогдлоо