Covid-19-ийн эсрэг анхны эмийг бүртгэжээ
Covid-19-ийн эсрэг анхны эм ОХУ-ын Эрүүл мэндийн яамны зөвшөөрлийг авч, эмийн улсын бүртгэлд бүртгэгдсэн ажээ. Уг эмийн худалдааны нэр нь Авифавир юм. Харин олон улсын оюуны өмчийн бус, химийн нэр нь "Фавипиравир" юм байна.
ОХУ-ын шууд хөрөнгө оруулалтын сан гуравдугаар сард Фавипиравир эмийг үйлдвэрлэх зорилгоор "ХимРар" компанитай хамтарсан үйлдвэр байгуулах шийдвэр гаргаж байв. Учир нь өмнө нь Хятадын эрдэмтдийн олж мэдсэнээр, энэхүү эм нь коронавирусийн эсрэг үр дүнтэй эмчилгээ болж чадах ажээ.
Тус хөрөнгө оруулалтын сан ОХУ-ын Эрүүл мэндийн яамнаас бүртгэлийн гэрчилгээгээ авсан бөгөөд энэ санд 330 өвчтөн хамрагдсан эмийн эмнэл зүйн туршилтын эцсийн шат үргэлжилж байгаа гэж мэдэгдэв.
Авифавир бол Оросын вирусийн эсрэг эм бөгөөд эмнэл зүйн туршилтад үр дүнтэй нөлөө үзүүлжээ. Мөн коронавирусийн нөхөн үржихүйн механизмыг алдагдуулдаг юм байна. Энэхүү эм нь маш сайн судлагдсан бөгөөд 2014 онд Японд хүнд хэлбэрийн томуугийн эсрэг ашиглаж байжээ.
Түүнчлэн энэ эм нь ОХУ-ын шинжлэх ухааны тэргүүлэх төвүүд болох И.М. Сеченовийн нэрэмжит Москвагийн Анагаах ухааны анхны их сургууль болон М.В.Ломоносовын нэрэмжит Москвагийн их сургууль болон бусад лабораторид хийсэн судалгаанд өндөр үр дүн үзүүлсэн ажээ.
"Афивавир" бол ОХУ-д коронавирусийн эсрэг бүртгэгдсэн анхны вирусийн эсрэг эм төдийгүй дэлхийд Covid-19-ийн эсрэг ашиглаж болох хамгийн ирээдүйтэй эм юм" гэж сангийн тэргүүн Кирилл Дмитриев мэдэгдэв.
Эх сурвалж: РИА НОВОСТИ
Монгол-Австрийн бизнес форумын талаар мэдээллээ
АН-ын бүлэг: С.Зориг агсны амь насаа алдсан хэргийн материалыг нууцаас бүрэн гаргахыг шаардлаа
Монголын баячууд улстөрчдөд дарлуулж байхдаа таарсан увайгүй л дээ
НЭРИЙГ НЬ АШИГЛАГЧ “ЭРЭЭ ЦЭЭРГҮЙЧҮҮД” ЦӨМ С.ЗОРИГИЙГ ТАЙВАН НОЙРСУУЛ…
О.Номинчимэг: "Хангай" зочид буудлын барилгыг нураах, дахин төлөвлөх цаг болсон
Өнөөдөр болох үйл явдал: Австрали-Монголын бизнес форум болно
Либертари Нам УИХ-ын ээлжит сонгуульд АН-тай хамтарч оролцохоо мэдэгдлээ
Нийтийн тээврийн үйлчилгээнд шинэ чиглэл нэмэгдлээ
Б.Энхбаяр: Нэг хүн 500 саяын захиалга өгч улс төрчийг "social bully" хийсэн. Үнэ өртөг нь нэмэгдсэн байна
ТҮГЖРЭЛЭЭС ҮҮДЭН ЖИЛД ӨЧНӨӨН ИХ НАЯД ТӨГРӨГ САЛХИНД ХИЙСДЭГ