БНСУ-д зай барих шинэ дүрэм тогтооно
Өнгөрсөн Бямба гарагт Өмнөд Солонгост халдварын 62 шинэ тохиолдол бүртгэгдсэн бол үүнээс нэг өдрийн өмнө 51 тохиолдол илэрчээ. Коронавирусний халдварын шинэ тохиолдол дахин нэмэгдэж эхэлсэнтэй холбогдуулан БНСУ-ын эрх баригчид хүмүүс хооронд зай барих гурван шатлалтай журам нэвтрүүлэхээр төлөвлөж байгаа тухай тус улсын Өвчинд хяналт тавих, урьдчилан сэргийлэх төв мэдээлжээ.
Халдварын тохиолдол дахин нэмэгдэж байгаатай холбогдуулан Өмнөд Солонгосын эрх баригчид зай барих гурван шатлалтай журам нэвтрүүлж, янз бүрийн түвшний хязгаарлалт тогтоохоор төлөвлөжээ. Тодруулбал, эхний шатлалыг халдварын шинэ тохиолдлын тоо эмнэлгийн байгууллагууд “дарж чадах түвшинд нэмэгдсэн үед” хэрэгжүүлнэ. Хэрэв 14 хоног дараалан 50-аас давж, 100-аас хэтрэхгүй бол хоёрдугаар шатлалыг нэвтрүүлнэ. Харин шинэ тохиолдлын тоо 100-гаас давбал гуравдугаар шатлалын журам үйлчилж эхлэх аж.
Одоогийн байдлаар Өмнөд Солонгост, тэр дундаа халдварын тохиолдлын дийлэнх нь бүртгэгдсэн нийслэл Сөүл хотод хүмүүс хоорондоо зай барих журам хэрэгжсэн хэвээр байгаа юм. Тус улсад наран шарлагын газар, усан паркууд нээлттэй байгаа бөгөөд энэ долоо хоногоос спортын тэмцээний үеэр үзэгчдийг цэнгэлдэх хүрээлэнгүүдэд хэсэгчлэн хүлээн авах ажлыг эхлүүлэхээр төлөвлөж байна.
Хэрэв шатлалыг хоёрдугаар зэрэглэлд хүргэвэл олон нийтийн арга хэмжээг дахин хязгаарлах бөгөөд байшин тасалгаанд 50-аас илүүгүй хүн, гадаа 100-аас илүүгүй хүн байх ёстой. Гуравдугаар шатлалд 10-аас дээш хүнтэй аливаа арга хэмжээг хязгаарлах бөгөөд боловсролын байгууллагуудыг дахин хаах аж.
Өмнөд Солонгост тавдугаар сарын эхэн үеэс хойш дотооддоо халдвар авсан тохиолдлын тоо дахин нэмэгдэж эхэлжээ. Зургадугаар сарын 20-нд өдөрт илэрсэн халдварын тоо 67-д хүрсэн бөгөөд өдөрт дунджаар 30-60 хүн шинээр халдвар авч байгаа аж.
ХҮН: Х.Нямбаатар ТҮК-ийн ажилчдын цалинг нэмж, сэхээтнүүдийг доромжиллоо
Л.Оюун-Эрдэнэ: Баялгийн сангийн хуулийг эсэргүүцсэн гишүүдийг нэр дэвшүүлэхгүй, тэд олигархиудынхаа нам руу явж болно
С.Зоригтой сүүлчийнх нь өдөр ресторанд уулзсан 11 хүнийг эрэн сурвалжилж эхэлсэн үү
Ч.Отгочулуу: Монголд пиарчид засаглаж, энтрепренерүүд зүдэрч байна
Хуульч П.Эрхэмбаяр: Р.Базарыг сүр хүчтэй саатуулахдаа иргэний жам ёсны эрхээс эхлээд олон хууль зөрчлөө
Р.Базар банкиндаа 6 сая долларыг “төвлөрүүлээд” баривчлагдсан уу
Д.Ганбат: УИХ-ын дарга индэр дээрээс "П****" гэсэн. Та нарын явуулж байгаа бодлогыг хараад малчид, ард түмэн ингэж хэлж байна
УИХ-ын гишүүн Ц.Анандбазарын санаачилсан хуулийн төсөл: 2025 оноос цэцэрлэг, сургуулийн сурагчдад 11 цагт 250 грамм цэвэр үнээний сүү өгдөг болно
МАШИНД МӨРГҮҮЛЖ ЭРСЭДСЭН ОЛОН БЯЦХАН ЗҮРХИЙГ ИНГЭЭД Л МАРТАЦГААХ УУ?
ХУУЧИН АВТОМАШИНЫ ХУДАЛДАА