Ерөнхий боловсролын сургууль төгсөгчид энэ сарын 25-ны өдрөөс эхлэн www.ees.edu.mn сайтад бүртгүүлэн өөрийн хүссэн 10 сургуулийн 10 мэргэжлээр, долдугаар сарын 2-5-ны өдрүүдэд сургуулиа сонгон баталгаажуулах ба ЭЕШ-ын онооны дараа тухайн сургуульд тэнцсэн эсэхээ цахим хуудаснаас мэдэх боломжтой болж байгааг БҮТ-өөс мэдээллээ.

Тодруулбал, Элсэлтийн ерөнхий шалгалтад хамгийн өндөр оноо авсан хүүхдүүд тухайн сонгосон сургуульдаа дээгүүрт эрэмбэлэгдэж элсэх бол бусад элсэгчид өөрсдийн оноонд тохирсон их дээд сургуулиудад элсэх аж.

Манай улс коронавирусийн улмаас анх удаа элсэлтийн ерөнхий шалгалт болон их дээд сургуулиудын бүртгэлийг цахимаар авч байгаа ч, цаашид байнгын цахимаар явуулдаг болохоор төлөвлөж байгаа аж.

Ирэх сарын 2-нд буюу /2020.07.02/ өдөр орон даяар ЭЕШ 10:00 цагт эхэлнэ.

Элсэгч сонгосон сургууль, ангидаа тэнцвэл хүсэлтээ баталгаажуулан сургуульдаа суралцах боломж нь бүрдэнэ. Харин тэнцээгүй тохиолдолд дараагийн хуваарилалтыг буюу үлдсэн сургуулиудын хуваариас сонголтоо хийх бүрэн боломжтой юм.