АНУ Covid-19 халдварын тохиолдлыг нэг өдөрт хамгийн олон бүртгэсэн улс боллоо

Энэ долоо хоногийн Пүрэв гарагт АНУ-д коронавирусийн халдварын 55,274 тохиолдол шинээр бүртгэгдсэн нь тус улсын хувьд төдийгүй, дэлхий дахинд хамгийн өндөр үзүүлэлт болжээ.
Тухайн өдөр Флорида мужид бараг 10,000 тохиолдол бүртгэгдсэн бол Техас, Аризона, Калифорни мужууд нийлээд АНУ-д бүртгэгдсэн шинэ тохиолдлуудын тал орчим хувийг бүрдүүлсэн байна.
Өмнө нь зургаадугаар сарын 19-ний өдөр 54,771 шинэ тохиолдол Бразил улсад бүртгэгдсэн нь дэлхийн хэмжээнд хамгийн өндөр үзүүлэлтэд тооцогдож байв.
Европын аль ч улс цар тахлынхаа оргил үед ийм олон халдварын тохиолдол 24 цагийн дотор илрүүлж байгаагүй юм.
Өнөөдрийн байдлаар АНУ-ын 50 мужийн 37-д нь коронавирусийн тархалт нэмэгджээ.
Пүрэв гарагийн орой АНУ-ын ерөнхийлөгч Дональд Трамп твиттер хуудсандаа “Манай улсад дэлхийн аль ч улсаас илүү олон, чанартай оношилгоо хийгдэж байгаа тул коронавирусийн халдварын тоо нэмэгдэж байгаа юм. Энэ бол сайн мэдээ. Гэхдээ үүнээс ч илүү сайн мэдээ нь манай улсад нас баралтын тоо хэмжээ буурч байна. Бас залуу хүмүүс илүү түргэн эдгэрч байгаа нь сайн хэрэг!” гэж бичжээ.
Тус улсын халдварт өвчин судлалын тэргүүлэх мэргэжилтэн, доктор Энтони Фаучи саяхан цар тахлын нөхцөл байдлын талаар ярихдаа “Бид бараг өдөр бүр дээд үзүүлэлтийг шинэчлэн тогтоож байна. Энэ бол бид буруу чиглэлд явж байгаагийн тод илрэл” гэж мэдэгдсэн юм.
Тэрбээр америкчууд хорио цээрийн дэглэмийг сахихгүй байгаа нь халдвар нэмэгдэж байгаагийн гол шалтгаан гэж үзэж байна.
Өнөөдрийн байдлаар АНУ-д коронавирусийн халдварын 2.8 сая тохиолдол бүртгэгдэж, 129,400 гаруй хүн нас бараад байна.
Эх сурвалж: The Guardian
“Монполимет”-ийн дансыг царцааж, Ц.Гарамжавыг эрүүгийн хэрэгт холбогдуулан шалгаж байна
Боловсролын зээлийн сангийн Ажлын албаны дарга О.Сийлэгмааг “ажилтнаа зодсон” гэх үндэслэлээр шалгаж байна
Зеленский, Трамп нар утсаар ярилцав
2030 оноос баруун гар талдаа жолооны хүрдтэй автомашин импортлохыг хориглоно
Орбан: Европын холбооны ихэнх орны иргэд Украиныг элсүүлэхийг хүсэхгүй байна
"Иргэдийн халааснаас хэдэн төгрөг гарах, гарахгүйг нэг агентлагийн дарга хувийн компанитай яриад шийддэг байж болохгүй"
Шимизү Такэнори: Эзэн Хааны айлчлал хоёр орны харилцаа улам гүнзгийрч, хөгжих боломж олгоно гэдэгт итгэлтэй байна
Э.Ганбаатар: Тэтгэврийн зээлээр битгий оролд, бид зээл аваад улс орныг өрөнд оруулаагүй
Япон Улсын Эзэн хаан Нарүхито, хатан Масако нар хүрэлцэн ирлээ
Төрийн банк “ТОП-100 ААН” жагсаалтад зургаадугаарт эрэмбэлэгдлээ