Баян-Өлгий аймагт тарваган тахлын сэжигтэй тохиолдол илэрсэн талаар бид өмнө нь мэдээлсэн. Тус тохиолдлын нэгдүгээр хавьтал болох 18 хүнийг хөл хорионд оруулаад байгаа аж. Мөн дээрх тохиолдол нь тарваган тахлын булчирхайн хэлбэртэй төстэй байгаа тул эмчилгээ хийж байгаа юм.

Одоогоор өвчтөний биеийн байдал сайн байгаа бөгөөд шинжилгээгээр буюу PCR-аар сорьцын хариу үгүйсгэгджээ. Тиймээс үргэлжлүүлэн нян судлалын шинжилгээ хийж байгаа аж. Тус сэжигтэй тохиолдлын нэгдүгээр хавьтал болгон сумын төвөөс 125 км-т орших зуслангийн долоон айлын 18 хүнийг хөл хорионд оруулжээ.

Харин гоц халдвар тарваган тахалтай холбоотой дуудлага мэдээлэл тасралтгүй ирж байгаа аж. Сүүлийн долоо хоногт гэхэд ЗӨСҮТ-д энэ талаарх 22 дуудлага иржээ. Тиймээс тарваганы мах, эд эрхтнийг түүхийгээр хэрэглэхгүй байх, нохойд бариулсан тарваганаас хол байхыг мэргэжилтнүүд анхааруулж байгаа билээ.