Ерөнхий сайд У.Хүрэлсүх наадмын өмнө танхимаа бүрдүүлсэн. Өнгөрсөн пүрэв гарагт үлдсэн 13 яамны дэд сайд нарыг томилсон. Дэд сайдын 8 нь Авлигатай тэмцэх газарт хөрөнгө орлогоо мэдүүлдэг. Эдгээр найман дэд сайдын 2019 оны ХОМ-ыг хүргэж байна.

2008 онд Гадаад харилцааны яаманд мэргэжилтнээр ажлын гараагаа эхэлсэн Б.Мөнхжин төрийн албанд нийт 13 жил ажилласан. Түүний хувьд 135 сая төгрөгөөр үнэлэгдэх 1 орон сууц, 1 гражтай бөгөөд RX 350 автомашиныхаа үнэлгээг ХОМ-тээ бөглөөгүй байна.

• Өөрийн орлого: 26,807,280 төгрөг
• Гэр бүлийн орлого: 6,000,000 төгрөг
• Орон сууц, барилга байгууламж: 135,000,000 төгрөгийн 1 орон сууц, 1 граж
• Тээврийн хэрэгсэл: Lexus, RX 350- 1
• Хадгаламж: 40,430 төгрөг
• Зээл: 56,000,000 төгрөг
• Компани нөхөрлөл хоршоонд оруулсан хөрөнгө оруулалт: Жьюнь Бьюти ХХК 100%

Цагдаагийн ерөнхий газрын дарга, Дотоодын цэргийн командлагч, Бригадын генерал С.Баатаржав 1990 онд Төв аймгийн Цагдаагийн хэлтэст мөрдөн байцаагчаар ажлын гараагаа эхэлсэн. Улсад 28 жил ажиллаж буй түүний хувьд 470 сая төгрөгийн 2 орон сууц, 80 сая төгрөгийн үнэт эдлэлтэй, автомашингүй. Түүний ХОМ-т Эрдэнэс таван толгой ХК-ийн 3216ш хувьцаанаас өөр компани, нөхөрлөлд оруулсан хөрөнгө оруулалт байхгүй гэжээ.

• Өөрийн орлого: 44,470,880 төгрөг
• Гэр бүлийн орлого: 15,199,750 төгрөг
• Орон сууц барилга, байгууламж: 470,800,000 төгрөгийн 2 орон сууцтай
• Тээврийн хэрэгсэл: Байхгүй
• Мал аж ахуй: Байхгүй
• Газар: 29,000,000 төгрөг
• Үнэт эдлэл, урлаг, түүхийн үнэт зүйл: 80,000,000
• Хадгаламж: 14,971,070 төгрөг
• Зээл: 64,000,000
• Компани, нөхөрлөл, хоршоонд хөрөнгө оруулсан хөрөнгө оруулалт: Эрдэнэс таван толгой ХК-ийн 3216ш хувьцаа

Хөдөлмөр, нийгмийн хамгааллын яамны дэд сайдаас Сангийн дэд сайд болон өөрчлөгдсөн С.Мөнгөнчимэг 2002 онд МАН-ын дэргэдэх НАМЗХ-д улс төрийн ажилтнаар ажлын гараагаа эхэлсэн. УИХ-ын гишүүний туслах, зөвлөх, МИАТ ТӨХК-д төлөвлөлт, эдийн засгийн хэлтсийн дарга хийж байсан тэрбээр 200 сая төгрөгөөр үнэлэгдэх орон сууц, 65 сая төгрөгийн мал аж ахуй, 51 сая төгрөгийн хадгаламжтай.

• Өөрийн орлого: 24,335,820 төгрөг
• Гэр бүлийн орлого: 70761.42
• Орон сууц, барилга байгууламж: 200,000,000 төгрөг
• Тээврийн хэрэгсэл: 42,000,000 төгрөгийн Volkswagen, Touareg- 1
• Мал аж ахуй: 65,000,000 төгрөгийн Адуу-36, Үхэр-13, Хонь-62, Ямаа-50
• Үнэт эдлэл, урлаг, түүхийн үнэт зүйл: 15,000,000 төгрөг
• Хадгаламж: 51,504,740 төгрөг
• Зээл: 18,500,000 төгрөг
• Компани, нөхөрлөл, хоршоонд хөрөнгө оруулсан хөрөнгө оруулалт: Эрдэнэс Таван толгой ХК-ийн 3216ш хувьцаа

Буйран дээрээ үлдсэн БШУ-ны дэд сайд Г.Ганбаяр орон сууцны үнэлгээгээр ХОМ-ээ өгсөн дэд сайд нараас толгой цохиж байна. Тэрбээр 775 сая төгрөгийн 2 орон сууц, 140 сая төгрөгийн тээврийн хэрэгсэл, 30 сая төгрөгтэй тэнцэх мал, 450 сая төгрөгийн хадгаламжтай. Харин компани нөхөрлөл хоршоонд оруулсан хөрөнгө оруулалт байхгүй. Ажилласан байдлыг нь авч үзвэл 2001 онд УИХ-ын Тамгын газарт хэвлэл мэдээллийн ажилтан, ТВ5 телевизэд ерөнхий менежер, Нийслэлийн хөрөнгө оруулалтын газарт хэлтсийн дарга, НИТХ-ын төлөөлөгч, МАН-ын УЗ-д хэвлэл мэдээлэл, улс төрийн мэргэжилтэн, газрын даргаар ажиллаж байжээ.

• Өөрийн орлого: 93,751,470 төгрөг
• Гэр бүлийн орлого: Байхгүй
• Орон сууц, барилга байгууламж: 775,000,000 төгрөгийн 2 орон сууцтай
• Тээврийн хэрэгсэл: 140,000,000 төгрөгийн Toyota, Land Cruiser 200- 1
• Мал аж ахуй: 30,000,000 төгрөгийн 36 үхэртэй
• Газар: 1,000,000 төгрөг
• Үнэт эдлэл: Байхгүй
• Хадгаламж: 450,000,000 төгрөг
• Компани нөхөрлөл хоршоонд оруулсан хөрөнгө оруулалт: Байхгүй

Шинээр байгуулсан Соёлын яаманд дэд сайдаар ажиллах болсон М.Батбаяр 2019 оноос одоог хүртэл Боловсрол, соёл, шинжлэх ухаан, спортын яамны харьяа Чингис хааны өв, соёлын хүрээлэнгийн захирлаар ажиллаж буй. Архиктор мэргэжлээрээ улсад, хувийн хэвшилд удирдах түвшний ажил эрхэлж байсан тэрбээр 454 сая төгрөгийн 1 орон сууц, 1 зуслангийн байшин, 1 үйлчилгээний зориулалттай барилгатай. 70 саяар үнэлэгдэх тээврийн хэрэгсэл, 65 сая төгрөгийн малтай.

• Өөрийн орлого: 28,464,820 төгрөг
• Гэр бүлийн орлого: 31,657,300 төгрөг
• Орон сууц, барилга байгууламж: 454,000,000 төгрөгийн 1 орон сууц , 1 зуслангийн байшин, 1 үйлчилгээний зориулалттай барилга
• Тээврийн хэрэгсэл: 70,000,000 төгрөгийн Lexus, RX 350- 1
• Мал аж ахуй: 64,000,000 төгрөгийн Адуу-70, Үхэр-40, Хонь-100, Хурдан удмын адуу-3
• Газар: 11,500,000 төгрөг
• Үнэт эдлэл: 35,000,000 төгрөг
• Хадгаламж: 4,501,200 төгрөг
• Авлага: 50,000,000 төгрөг
• Компани нөхөрлөл хоршоонд оруулсан хөрөнгө оруулалт: Таван толгой ХХК-ийн 4288ш хувьцаа, 10 хувь

2016 оноос хойш Говьсүмбэр аймгийн Засаг даргаар ажилласан Г.Батсуурь Хүнс хөдөө аж ахуй, хөнгөн үйлдвэрийн дэд сайд болсон. 1996 онд Говьсүмбэр аймагт Нефть хангамжийн газарт техникийн хэлтсийн засварчингаар ажлын гараагаа эхэлж, аймгийн Засаг дарга хүртлээ дэвшсэн М.Батсуурь 692 сая төгрөгийн 4 орон сууц, 2граж, 2 өвөлжөөтэй. 316 сая төгрөгийн малтай тэрбээр хадгаламжиндаа 171 сая төгрөгтэй.

• Өөрийн орлого: 72,911,080 төгрөг
• Гэр бүлийн орлого: 29,500,000 төгрөг
• Орон сууц, барилга байгууламж: 692,750,000 төгрөгийн 4 орон сууц, 2 граж, 2 өвөлжөө, хаваржаа, хүлэмж гэх мэт...
• Тээврийн хэрэгсэл: 91,000,000 сая төгрөгийн LEXUS RX330- 1, Toyota, Camry- 1
• Мал аж ахуй: 316,130,000 төгрөгийн Тэмээ-17, Адуу-127, Хонь-267, Үхэр-23, Ямаа-96
• Газар: 72,000,000 төгрөг
• Хадгаламж: 171,272,230 төгрөг
• Компани нөхөрлөл хоршоонд оруулсан хөрөнгө оруулалт: Эрдэнэс таван толгой ХК-ийн 1072ш хувьцаа, Эрдэнэс таван толгой ХК-ийн 1072ш хувьцаа, Эрдэнэс таван толгой ХК-ийн 1072ш хувьцаа, Эрдэнэс таван толгой ХК-ийн 1072ш хувьцаа

М.Баярмагнай 2.5 тэрбумын орон сууц, 916 саяын авлага, 1.3 тэрбум төгрөгийн зээлтэй

Засгийн газрын Хэрэг эрхлэх газрын дэд дарга М.Баярмагнай Засгийн газрын томилгоогоор Эрчим хүчний дэд сайд болсон. 1999 онд Худалдаа хөгжлийн банкны Маркетингийн газарт эдийн засагч, ахлах эдийн засагчаар ажлын гараагаа эхэлсэн тэрбээр 2.5 тэрбумын орон сууц, барилга байгууламжтай, 916 сая төгрөгийн авлагатай, 1.3 тэрбум төгрөгийн зээлтэй.

• Өөрийн орлого: 32,954,130 төгрөг
• Гэр бүлийн орлого: 28,860,000 төгрөг
• Орон сууц, барилга байгууламж: 2,584,416,300 төгрөгийн 2 орон сууц, 1 зуслангийн байшин
• Тээврийн хэрэгсэл: 115,000,000 төгрөгийн Prius XW30- 1, Lexus, 570- 1
• Газар: 20,000,000 төгрөг
• Үнэт эдлэл: 10,000,000 төгрөг
• Хадгаламж: 50,148,220 төгрөг
• Авлага: 916,012,070 төгрөг
• Зээл: 1,344,462,200 төгрөг
• Компани нөхөрлөл хоршоонд оруулсан хөрөнгө оруулалт: ЮП ХХК 25%, Паспорт экспрэс ХХК 100%, Ди Эйч Эл Глобал форфординг ХХК 100%

Нийслэлийн Засаг даргын Хүний хөгжил, нийгмийн бодлогын асуудал хариуцсан орлогч Ш.Анхмаа Эрүүл мэндийн дэд сайд болов. Эрх зүйч, багш мэргэжилтэй тэрбээр 1996 онд Цагаан лавай дээд сургуульд багшаар ажлын гараагаа эхэлж, улсад 22 жил ажилласан. Түүний хувьд 490 сая төгрөгөөр үнэлэгдэх 1 орон сууц, 1 зуслангийн байшинтай, Овтентик Монголия ХХК-ийг 100 хувь эзэмшдэг, 110 сая төгрөгийн малтай.

• Өөрийн орлого: 67,845,240 төгрөг
• Гэр бүлийн орлого: Байхгүй
• Орон сууц, барилга байгууламж: 490,000,000 төгрөгийн 1 орон сууц, 1 зуслангийн байшинтай
• Тээврийн хэрэгсэл: Байхгүй
• Мал аж ахуй: 110,000,000 төгрөгийн Адуу-60, Хурдан удмын адуу-10
• Газар: 20,000,000 төгрөг
• Үнэт эдлэл: 35,000,000 төгрөг
• Хадгаламж: 1,485,570 төгрөг
• Компани нөхөрлөл хоршоонд оруулсан хөрөнгө оруулалт: Овтентик Монголия ХХК 100%, Эрдэнэс таван толгой ХХК 1%, Ирээдүй хөгжлийн шийдэл төрийн бус байгууллага Бусад 1%, Эрдэнэс таван толгой ХК 1%, Эрдэнэс таван толгой ХК 1%, Эрдэнэс таван толгой ХК 1%

ЭХ СУРВАЛЖ: gogo.mn