Өнгөрсөн амралтын өдрүүдэд Тээврийн цагдаагийн албаны Жижүүрийн шуурхай удирдлагын хэлтэст зам тээврийн ослын 303 дуудлага мэдээлэл бүртгэгдэж, ослын улмаас долоон хүн гэмтэж, дөрвөн хүн амиа алджээ.

Тухайн өдрүүдэд согтуугаар тээврийн хэрэгсэл жолоодсон 54 жолоочийг илрүүлж хуулийн дагуу хариуцлага тооцсон бол явган хүний гарц, уулзварт явган зорчигчид зам тавьж өгөөгүй 100 жолоочид Зөрчлийн тухай хуулийн 14.7.38-д заасны дагуу арга хэмжээ авсан байна.

Иймд жолооч нарыг замд хурдаа хэтрүүлэхгүй байх, зорчигч нарынхаа хамгаалах бүсийг бүслүүлж тээврийн хэрэгслийн хөдөлгөөн эхлэхдээ автомашинаа тойрч шалгаж байхыг анхааруулж байна.