Кобайши хироюки: Монгол улс өвлийн аялал жуулчлалыг хөгжүүлэх бүрэн боломжтой орон

Aдмин / Нийслэл

Байгаль орчин, аялал жуулчлалын сайд Д.Сарангэрэл Япон Улсаас МУ-д суугаа Онц бөгөөд Бүрэн эрхт элчин сайд Кобайши Хироюкиг хүлээн авч уулзлаа. Уулзалтаар Монгол, Япон хоёр орны хамтын ажиллагаа мөн аялал жуулчлалын чанар, агаарын тээврийн үнэ, өвлийн аялал жуулчлалын талаар түлхүү санал сэтгэгдэлээ солилцлоо.

Элчин сайд Кобайши Хироюки хэлэхдээ “Юуны өмнө бидний хувьд Монгол улстай удаан хугацааны турш найрсаг хамтын ажиллагааг хэрэгжүүлж ирсэндээ баяртай байдаг. Монгол улсын хувьд аялал жуулчлалын салбар хөгжих асар их боломжтой орны нэг гэж би боддог. Тэр дундаа өвлийн аялал жуулчлалыг хөгжүүлэх таатай нөхцөл танай оронд их бий гэж харж байна. Байгалийн эрс тэс уур амьсгал, монгол ахуй, зан заншил гээд жуулчдын сэтгэлийг татах олон сайхан зүйлтэй орон. Бидний хувьд энэ чиглэлд хамтран ажиллаж, дэмжлэг үзүүлэхдээ үргэлж таатай байх болно.” гэлээ.

Д.Сарангэрэл сайд: “Япон Улсаас манай улсад үзүүлсэн тусламж дэмжлэг, байгаль орчны салбарт оруулсан хувь нэмрийг өндрөөр үнэлдэгээ хэлмээр байна. Монгол улсын Засгийн газрын зүгээс аялал жуулчлалын салбарыг эдийн засгийн тэргүүлэх чиглэл болгож байгаа. Япон улсын хувьд аялал жуулчлалын салбарт туршлагажсан, жуулчлагчдын хамгийн их аялахыг хүсдэг орны нэг. Тиймээс бид танай орны аялал жуулчлалын салбараас туршлага судлах, сурч мэдэх хүсэлтэй. Тухайлбал, аялал жуулчлалын чанар, аюулгүй байдал, үйлчилгээ, хөтөч, аялал жуулчлалын бүтээгдэхүүн гээд олон чиглэлд та бүхнээс суралцаж, чадваржихыг эрмэлзэж байгаа. Мөн бидний зүгээс хоёр орны хамтын ажиллагаанд салбарын аль ч түвшинд дэмжлэг үзүүлж, хамтран ажиллахад бэлэн гэдгээ илэрхийлье.” гэсэн юм.

БОАЖЯ


Сэтгэгдэл

Нэг нь шургаад, нөгөө нь шургуулаад байх юмдаа. [202.131.225.53] 2020-08-14 16:20:34

Цаасан малгай өмсгөчих япон юм аа? Шинэ сайд нь түүнийг нь "өмсчихөөд" нэг хэсэгтээ л "Японы сайд тэгэж хэлсэн" гээд бидэнд бүлтрээд явах байхдаа. Цаашилбал япон сайд "Монгол ийм гоё үзэх юмтай, даан ч Орос, Хятад хоёроос болоод Японоос олон жуулчин Монголд ирүүлж чадахгүй байна" гээд шургах байхдаа. Кх!

Эрдэнэ [202.179.21.230] 2020-08-13 08:46:13

Аймаг хот байгалийн үзэсгэлэнт газар луу орох төлбөрөө сайн нэмээд дэд бүтцээ шийдмээр байна.Бараг ямар ч төлбөргүй тэгээд ОО хогийн сав байхгүй торгууль шийтгэл ч байхгүй байгаль нь сүйдээд хүмүүс нь зураад бх юм.Төлбөр торгууль шийтгэлээ сайн нэмээд дэд бүтцээ хөгжүүлэхгүй бол юун жуулчин хүлээж авах.Толгой нь ажилдаг хүмүүсээ төрд ажлуулмар юм.Үнэхээр мэдрэмж сэтгэл толгой дутаж б

Зочин [103.229.121.158] 2020-08-13 06:58:36

Муугаа мэдэхгvй бас евлийн аялал жуулчлал хегжvvлж байгаа нь энэ гэж баахан тэнэгтэх нь дээ!! Зуны аялалыг хийж чадахгvй хэвтэж евлийн аялал жуулчлалын тухай зvvдэндээ итгэх хэрэггvй ээ!!


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.