Мөнх-Оргил: Эрүүл мэндийн салбартаа санхүүжилт хийх шаардлагатай

Aдмин / Улстөр

Нийгмийн бодлогын байнгын хороо хуралдаж байна. Хуралдаанаар “Монгол Улсыг 2021-2025 онд хөгжүүлэх таван жилийн үндсэн чиглэлийг батлах тухай” Улсын Их Хурлын тогтоолын төслийг хэлэлцэж байгаа юм. Хэлэлцэж байгаа асуудалтай холбогдуулан гишүүд асуулт тавьж, хариул авч байна.

УИХ-ын гишүүн Ц.Сандаг-Очир:

-ЖДҮ-ийн зээл эзэндээ хүрдэггүй. Орон нутгаас зээл хүсэхээр маш олон шат дамжлагтай. Маш олон арван аймгаас ирсэн төсөл судлагддагүй. Энэ тогтолцоогоо өөрчлөөч. Дүүрэг, орон нутагт ЖДҮХС-гийн зээлийг олгох эрхийг шилжүүлээч ээ. Гэтэл яаман дээр сууж байгаа хүмүүс мэдэхгүй шүү дээ. Өнөөдрийн тогтолцоо ЖДҮ-ийг хөгжихөд хүрэхгүй гэдгийг орон нутагт ажиллаж байсан хүний хувьд хэлье.

УИХ-ын гишүүн Ц.Мөнх-Оргил:

-Айл өрх, хувь хүн өвчлөлөөсөө шалтгаалаад ядуурлын төвшин рүү орж байна. Манайхны хийсэн судалгаагаар жилд 20 мянган өрх эрүүл мэндийн асуудлаас шалтгаалаад ядуурлын төвшин рүү орж байна. Тиймээс эрүүл мэндийн салбартаа санхүүжилт хийх шаардлагатай. Ирэх таван жилд энэ асуудлыг 50 хувиар бууруулах хэрэгтэй. Эрүүл мэндээс шалтгаалсан санхүүгийн бэрхшээлийг бууруулах хэрэгтэй.

УИХ-ын гишүүн Ч.Ундрам:

-Үндсэн чиглэл сайн боловсруулагдсан гэж үзэж байна. Амар тайван, аюулгүй нийгмийг хангахад чиглэлд гэр бүлийн хүчирхийллийнасуудлыг тусгах хэрэгтэй. Мөн төрийн албан хаагчдын нийгмийн асуудлыг тусгах хэрэгтэй. Гэр бүлийн хамт тушаалаар томилогдоод очихоор гэр бүлийн хүн нь ажлын байргүй байдаг. Орон нутагт ажиллаж байгаа төрийн албан хаагчдын гэр бүл их хохирч байна.

Ийнхүү гишүүд үг хэллээ. Дараагаар нь 2020 оны улсын төсвийн төсөлд өөрчлөлт оруулах хуулийн төслийг хэлэлцэж байна.

Байнгын хорооны хуралдаан үргэлжилж байна.


Сэтгэгдэл


0 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.