Коронавирусээр халдварласан хүмүүсийн 97 хувь нь эдгэрчээ

Aдмин / Эрүүл мэнд

Улсын хэмжээнд сүүлийн хоёр хоногт ХӨСҮТ-ийн вирус судлалын хоёр лаборатори, ЗӨСҮТ болон Сэлэнгэ аймгийн вирус судлалын лабораторид нийт 879 хүнд шинжилгээ хийхэд коронавирус илрээгүйг ХӨСҮТ-ийн ерөнхий захирал Д.Нямхүү мэдээлэв.

Эдгэрсэн хүмүүсийн 10 нь сувилалд, дөрөв нь гэрийн ажиглалтад, үлдсэн 297 хүний ажиглалт, тандалтын хугацаа дуусжээ.

ХӨСҮТ-д одоогоор коронавируст халдвартай есөн хүн эмчлүүлж байгаагаас долоо нь хөнгөн, хоёрынх нь биеийн байдал хүндэвтэр байгаа аж.

Хоёр өдрийн шинжилгээг задалж танилцуулбал, энэ сарын 1-нд Сиэтл-Улаанбаатар чиглэлийн онгоцоор ирсэн 243 хүний давтан шинжилгээ, Есдүгээр сарын 25-нд Сидней-Улаанбаатар чиглэлийн онгоцоор ирсэн 213 хүний давтан шинжилгээ, Замын-Үүд боомтоор орж ирсэн 194 хүний давтан шинжилгээ, Дорноговь аймагт тусгаарлагдсан есөн хүний шинжилгээ, Сэлэнгэ аймагт тусгаарлагдсан хоёр хүний шинжилгээ, ХӨСҮТ-д сэжигтэй тохиолдлоор тусгаарлагдсан зургаан хүний шинжилгээ, сайн дураар шинжилгээ өгсөн дөрвөн хүний сорьц, тандалтын зорилгоор цуглуулсан 26 сорьц, тусгаарлан ажиглах байранд буй 59 хүний шинжилгээ, үүрэг гүйцэтгэж байгаа 37 эмч, ажилтан, Сэлэнгэ аймгийн Алтанбулаг боомтоор орж ирсэн ачаа тээврийн 86 жолоочийн шинжилгээний хариу багтжээ.


Сэтгэгдэл


0 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.