Эх нялхасын эрүүл мэндийн үндэсний төвийн төрөхийн өмнөх тасагт хэвтэн эмчлүүлж байсан 17 настай А нь зургаан давхраас унаж нас барсан хэргийн талаар мэдээлэл өглөө.

-ЭХЭМҮТ-ийн ЭБЭЭ эрхэлсэн дэд захирал Г.Баттулга

-Урд шөнө Ё.А овогтой А 17 настай жирэмсэн эмэгтэй манай эмнэлэгт ирж хэвтсэн. Гуравдугаар сарын 26-ны өдрийн 16:55 цагт төрөх үйл ажиллагаа эхэлж байсан. Тухайн жирэмсэн эмэгтэй 39 долоо хоногтой ураг орчмын шингэн эрт гарсан гэсэн оноштойгоор төрөхийн өмнөх тасагт хэвтсэн эмчлүүлж хянагдаж байсан эмэгтэй цонхоор үсэрсэн ийм золгүй явдал болсон.

Тухайн үед ард иргэдээс тусламж үзүүлж, доор тосч авч, унах хүчийг буулгаж харьцангуй гэмтэл, эрсдэл багатай аварсан. Тусламж үйлчилгээ болон шинжилгээг бүрдүүлээд ГССҮТ-ийн эмчийг дуудаж үзүүлсэн. Гэсэн хэдий ч төрөх өрөөнд буцаж тээвэрлэж төрүүлэхэд гурван кг 50 см хүүхэд амьгүй төрсөн. Оюун ухаан болон орчны харьцаа хэвийн байсан. Гэсэн хэдий ч зургаан давхраас унасан дээрээс нь доргилт авсан учраас хүнд гэмтэж ГССҮТ-рүү хүргэгдсэн.

Энэ жирэмсэн эмэгтэйн байдлыг тодруулж үзэхэд, Нас барсан эмэгтэй жирэмсний хяналтанд бүрэн орж байсан. Онц анхаарал татах зүйл байгаагүй дүр зураг харагдаж байна. Тухайн нас барсан эмэгтэй төрөгч эхтэй нэг өрөөнд байсан хамт байсан. Хамт хэвтэн эмчлүүлж байсан эмэгтэй ургын бичлэг хийлгэх гээд өөр өрөө рүү явсан хойгуур өөрөө цонхоо онгойлгоод үсэрсэн харамсалтай явдалд болсон. 17 настай А-ын ар гэрийнхэн нь гэр лүүгээ явсан хойгуур ийм золгүй явдал болсон юм гэсэн тайлбар мэдээлэл өгөв.

ЭХЭМҮТ-ийн зургаан давхраас жирэмсэн эмэгтэй унасан хэрэг гарсан талаар бид мэдээлсэн. Дээрх эмэгтэйг унах үед цагдаагийн алба хаагч тосон авч төрөх тасаг руу яаралтай хүргэсэн. Гэвч жирэмсэн эмэгтэйн ураг амьгүй төрсөн бөгөөд ГССҮТ-д очиж яаралтай эмчилгээ хийлгэж байгаад шархаа даалгүй нас барсан байна.

Энэ талаар бид ЭХЭМҮТ-өөс тодруулахад, Амиа хорлохыг завдаж 17 настай А гэх жирэмсэн эмэгтэй өндрөөс буюу зургаан давхраас үсэрсэн. Ямар учир шалтгаанаар амиа хорлохыг завдсаныг цагдаагийн байгууллага шалгаж тогтоох байх.

Тухайн жирэмсэн эмэгтэй манайд төрөлтийн өвдөлт өгч ирсэн. Улмаар төрөхийн өмнөх тасаг руу шилжшүүлж төрөх явц эхэлсэн байхад зургаан давхраас үсэрсэн. Түүнийг цагдаа тосон авч, төрөх тасаг руу авчирсан. Манай эмч нарын зүгээс яаралтай төрүүлсэн ч ураг амьгүй гарсан. Үүний дараа ГССҮТ-д шилжүүлсэн. Өнөө өглөө Эрүүл мэндийн яамнаас ажлын хэсэг ирж үйл явц, холбогдох материалтай танилцсан гэв.

ГССҮТ-ийн эмчилгээ эрхэлсэн орлогч захирал Хишигсүрэнгээс тодруулахад, Зургаан давхраас унасан 17 настай эмэгтэй өчигдөр оройн 10 цагийн үед ирээд өнөө өглөө нас барсан. Зургаан давхраас унасан учраас хавсарсан хүнд гэмтэл ихтэй байсан. Шаардлагатай эмчилгээ хийсэн ч нас барсан. Нарийн мэдээлэл шүүх эмнэлгийн дүгнэлт гарсаны дараа тодорхой болно гэв.

Эх хүүдийн эрүүл мэндийн төвийн зургаан давхрын Төрөхийн өмнөх өрөөнд байсан 17 настай эмэгтэй цонхоор үсэрсэн талаар бид өмнө мэдээлсэн. Уг жирэмсэн эмэгтэйг цагдаагийн алба хаагч тосон авч, амийг нь аварсан ч өнөө өглөө нас барсан байна.

Энэ талаар ЭХЭМҮТ-ийн Эх барих, эмэгтэйчүүдийн клиникийн захирал Б.Баттулга хэлэхдээ: Эхийг манай эмнэлэгт төрүүлсэн ч ураг амьгүй төрсөн. Төрөхтэй холбоотой мэргэжлийн тусламж үзүүлсний дараа гэмтлийн эмгэг давамгай байсан тул ГССҮТ рүү хүргүүлсэн.

ГССҮТ-ийн Эмчилгээ эрхэлсэн орлогч захирал н.Хишигсүрэн: Гуравдугаар сарын 26-ны 22.30 цагт 17 настай А гэгч эмэгтэй өндрөөс унасан. Жирэмсэн эхийг төрүүлэх тусламжийг ЭХЭМҮТ-д үзүүлээд, манай эмнэлэг рүү дуудлага өгсөн. Гэмтлийн эмнэлэгт гуравдугаар сарын 27-ны 01.10 цагт авчирч, эмчилгээ эхлүүлсэн. Гэмтлийн нарийн мэргэжлийн тусламж үзүүлсэн боловч хавсарсан хүнд гэмтэлтэй байсан тул өнөө өглөө 07.05 цагт нас барсан гэсэн байна.

Энэ сарын 26-ны шөнө Эх хүүхдийн эрүүл мэндийн төвийн зургаан давхраас унаж буй 17 настай жирэмсэн эмэгтэйн амийг цагдаагийн алба хаагч аварсан үйл явдал болов. Тодруулбал, тухайн өдрийн 22:50 цагт Эх хүүхдийн эрүүл мэндийн үндэсний төвийн төрөх тасгийн зургаан давхрын цонхоор жирэмсэн эмэгтэй хоёр хөлөө гарган, унаж болзошгүй байж байсан аж.

Эмнэлгийн ойролцоо байсан хүмүүс жирэмсэн эмэгтэйг “Ороорой” хэмээн хэлж байсан боловч цонхоор унахад нь Чингэлтэй дүүргийн Цагдаагийн хоёрдугаар хэлтсийн хорооны цагдаа, ахлах ахлагч Н.Наянбаатар авхаалж самбаа гаргаж, машиндаа байсан дээлээр жирэмсэн эмэгтэйг доороос нь тосч аван төрөх тасаг руу түргэн шуурхай хүргэж өгчээ.

Чингэлтэй дүүргийн Цагдаагийн хоёрдугаар хэлтсийн хороо хариуцсан цагдаа, ахлах ахлагч Н.Наянбаатартай хэвлэлд яриа өгөхдөө: Би Эх хүүхдийн эрүүл мэндийн төвд явж байсан. Гэтэл эмнэлгийн зургаан давхрын цонхоор жирэмсэн эмэгтэй хоёр хөлөө гаргаад суучихсан байсан. Хүмүүс бүсгүйг “Өрөөндөө ор” гэсэн боловч дээрээс унасан. Би машиндаа байсан дээлээр жирэмсэн эмэгтэйг тосч авч, Гэмтэл согог судлалын үндэсний төвд хүргэсэн. Эрдэнэт хүний амь аварсандаа баяртай байна гэжээ.

Эмнэлгийн өрөөний цонхоор унасан жирэмсэн эмэгтэй 17 настай бөгөөд хүүхэд нь эндсэн гэсэн харамсалтай мэдээг албаныхан дуулгав.