Луврын музейг зорин ирэх хүний хэтэрхийн олон байсантай холбогдуулан тус музейн ажилтнууд ажил хаялт зарлажээ. Энэ тухай Луврын музейн цахим хуудаст мэдээлсэн байна.

“Музейн зарим ажилтан ажил хаялт зарласантай холбоотойгоор Луврын музей даваа гарагт ажиллахгүй. Та бүхний тав тухтай байдлыг алдагдуулсанд хүлцэл өчиж байна. Түүнчлэн бидний асуудлыг ойлгож хүлээн авсанд бид талархаж байна” хэмээн тус мэдэгдэлд дурджээ.

2018 онд Луврын музейг зорин ирсэн хүний тоо 10.2 сая давсан бөгөөд музейн ажилтнуудын тоо буурсаар байгаа аж.