“McDonald's”-ийн дэлхийн хамгийн жижигхэн салбар Шведэд нээгджээ. Гэхдээ энд халуун бургер, мөстэй ундаа, шарсан төмс зарахгүй, зөвхөн зөгийнүүд л үйлчлүүлэх юм.

“McHive” нэртэй энэхүү бяцхан “зоогийн газар” хэдэн мянган зөгийний гэр орон бөгөөд машин дайран өнгөрдөг зогсоолтой адил хоёр бяцхан цэгтэй. Мөн тагтан дээрээ сандал ширээтэй. Үүнээс гадна “McDonald's”-ийн хаяг, лого, сурталчилгаа гээд дэлхийн алдартай түргэн хоолны газрын ердийн нэг салбараас огт ялгагдах юм байхгүй аж.