БНСУ-ын хувийн такси эрхлэгчдийн гурван хүн тутмын нэг нь буюу нийт таксины жолооч нарын 36.8 хувь нь 65-аас дээш насныхан аж. БНСУ-ын Зам тээврийн аюулгүй байдлын хорооноос тус улсын Улсын их хурлын Үндэсний аюулгүй байдлын зөвлөлд танилцуулсан мэдээлэлд “Энэ оны 4 дүгээр сарын эцсийн байдлаар хувиараа такси үйлчилгээ эрхлэгч 162 199 иргэний 59 806 нь 65 -аас дээш насны иргэд бүртгэлтэй болох”-ыг мэдэгджээ.

Мөн 80-аас дээш насны таксины жолооч 631 хүн байгаагаас тэдний 46 хувь буюу 289 хүн Сөүл хотын иргэд гэдгийг тодруулсан байна.

Энэ оны 6 дугаар сарын эцсийн байдлаар бүс нутгуудад бүртгэлтэй өндөр настай таксины жолоочтой хотоор Тэгү хотод 93 настай жолооч нэг байгаа нь бүртгэгдсэн ба үүний дараа Сөүл хотод 91 настай, Пусан хотод 90 настай жолооч тус бүр нэг байгаа тухай дурьджээ.