Төрийн соёрхолт, дуучин, продюсер Д.Болдын "12 Ертөнц" аялан тоглолт энэ сарын 13-наас эхлэн АНУ-ын хотуудаар тоглохоор болжээ. Тэрээр Chicago, Washington DC, San Francisco, Los Angeles, Seattle хотуудад тоглох аж.

Бие даасан уран бүтээлээ хийж эхэлснээс хойш нийт 12 цомог гарган "12 Ертөнц" тоглолтоо 2018 оны наймдугаар сард "Буянт Ухаа" цогцолборт зохион байгуулсан. Тоглолтонд өөрийн хит болсон 40 дууг амьд хөгжимтэйгөөр дуулсан. Тоглолтод гоцлол гитарчин Т.Мөнх-Оргил, төгөлдөр хуурч Э.Доржсүрэн, The Lemons хамтлагийн бөмбөрчин М. Өнөрбаяр, аргил гитарчин Б.Оюунболд нар ажилласан. Урилгаар Камертон, Гурван охин хамтлагийн дуучин Соло, реппер Quiza, B.A.T, GINJIN, мөн The Voice of Mongolia шоуны ялагч Ц. Энгүүн нар оролцсон нь залуусын таашаалд гойд нийцсэн юм.

Б.Батцэцэг