“Торгоны зам” олон улсын автораллийн тэмцээний 10 үе шатны тав дахь үе нь өчигдөр (долдугар сарын 11) буюу наадмын эхний өдөр Улаанбаатар хотын ойролцоо өндөрлөлөө. Орос - Монгол - Хятад гэсэн гурван улсын нутаг дэвсгэр дамжин үргэлжилж буй энэхүү уралдааны замын нийт урт 5003 км, үүний дотор тусгай хэсгүүдийн зайн урт 2589 км болохыг бид өмнө мэдээлсэн билээ.

"Торгоны зам" раллид оролцогчид туулах замынхаа бараг тэн хагасыг аваад байна. Тав дахь үе шатны уралдааны бариа нь нийт маршрутын талд нь хүрснийг бэлгэдэж байгаа юм. Ийнхүү туулах замын тал нь ард үлдсэн ч оролцогчдын өмнө мөн тийм хэмжээний зам дурайж байгаа болохоор бүх юм нэг бус удаа өөрчлөгдөх бүрэн боломжтой билээ.