Хойд Солонгос Өмнөд Солонгостой хийх хэлэлцээрээс татгалзаж, энэ шийдвэрээ "Өмнөд Солонгосын явуулж буй үйл ажиллагааны буруу" гэж нэрлэжээ. Пүрэв гарагт Өмнөд Солонгосын Ерөнхийлөгч Мун Жэ Ин-ий хэлсэн үгийн хариуд дээрх мэдэгдлийг хийжээ.

Үүний зэрэгцээ, баасан гаригийн эхээр Хойд Солонгос зүүн эргээс далайд хоёр пуужин туршсан гэж Өмнөд Солонгосын цэргийнхэн мэдэгдсэн. Энэ нь сар хүрэхгүй хугацаанд хийсэн зургаа дахь туршилт юм. Мөн 6 өдрийн өмнө Хойд Солонгос Японы тэнгис рүү хоёр богино зайн баллистик пуужин харвасан юм.

АНУ-ын Ерөнхийлөгч Дональд Трамп, Хойд Солонгосын удирдагч Ким Чен Ун нар зургаадугаар сард уулзах үеэр цөмийн зэвсгээс ангижруулах хэлэлцээрийг дахин эхлүүлэхээр тохиролцсоны дараа ийнхүү хэд хэдэн туршилт хийжээ.

Хойд Солонгос цөмийн зэвсгээ боловсруулсныхаа төлөө олон улсын хориг арга хэмжээ авахад хүрч байгаа юм.

Эх сурвалж: BBC