С.Амарсайхан: Улаанбаатар хотын ойр орчимд эдийн засгийн чөлөөт бүс байгуулах зайлшгүй шаардлага тулгарч байна

Д.Тулга / Нийгэм

Монгол Улс нь Азийн эдийн засаг, хөгжлийн асуудлыг хэлэлцдэг чухал суваг болох Азийн төлөөх Боао форумыг санаачлагч орнуудын нэг юм. Монгол Улсад зохион байгуулж буй форумын анхны арга хэмжээ болох “Улаанбаатарын Бага хурал” өнөөдөр Шангри-Ла зочид буудалд эхэллээ.

Улаанбаатар Бага хурлын нээлтийн үйл ажиллагаанд Монгол Улсын Ерөнхий сайд У.Хүрэлсүх, Азийн төлөөх Боао форумын дарга Бан Ги Мүн, Гадаад харилцааны сайд Д.Цогтбаатар, Нийслэлийн Засаг дарга бөгөөд Улаанбаатар хотын Захирагч С.Амарсайхан, НҮБ-ын Ерөнхий нарийн бичгийн даргын орлогч бөгөөд Ази, Номхон далайн эдийн засаг, нийгмийн комиссын гүйцэтгэх нарийн бичгийн дарга Армида Алисжабана, Азийн төлөөх Боао форумын Ерөнхий нарийн бичгийн дарга Ли Баодун зэрэг албаны хүмүүс болон хувийн хэвшлийн төлөөлөл оролцов.

image

Форумыг нээж Ерөнхий сайд У.Хүрэлсүх хэлсэн үгэндээ Монгол Улс нь Азийн орнуудын хооронд эдийн засгийн асуудлаарх мэдээлэл солилцоо, харилцан уялдаатай үйл ажиллагааг гүнзгийрүүлэх зорилготой Азийн төлөөх Боао форумын үйл ажиллагаанд идэвхтэй оролцохыг зорьж ирснийг тэмдэглээд Бага хурлыг Монгол, Хятадын хооронд дипломат харилцаа тогтоосны 70 жилийн ойг тэмдэглэх хүрээнд зохион байгуулж буйг онцолсон юм.

Нийслэлийн Засаг дарга бөгөөд Улаанбаатар хотын Захирагч С.Амарсайхан Улаанбаатар хоттой хамтран хэрэгжүүлэх боломжтой төслүүдийг форумд оролцогчдод танилцуулав. Тэрбээр илтгэлдээ “Монгол Улсын нийслэл Улаанбаатар хотод улсын нийт хүн амын 46 хувь нь амьдарч, Дотоодын нийт бүтээгдэхүүний 64.7 хувийг үйлдвэрлэж, бүртгэлтэй аж ахуйн нэгжийн 67.4 хувь, их дээд сургуулийн 95.8 хувь, ерөнхий боловсролын сургуулийн 31.1 хувь, хүүхдийн цэцэрлэгийн 45.5 хувь, гаргасан зээлийн 77.9 хувийг тус тус эзэлж, улс орны эдийн засаг, нийгэм, бизнес, санхүүгийн үйл ажиллагааны төв болон хөгжиж байна. Тогтвортой хөгжил, амьдрахад таатай орчныг бий болгохын тулд ухаалаг, технологид суурилсан шийдэлтэй, экологийн тэнцвэртэй ногоон хөгжилтэй, олон улсад өрсөлдөх чадвартай, дэд бүтэц хөгжсөн хүртээмжтэй, бизнес хөрөнгө оруулалтын таатай орчин бүрдсэн, иргэд нь ажилтай орлоготой, эдийн засгийн чадавхтай, эрүүл мэнд, боловсролын чанар хүртээмжийг шинэ түвшинд гаргах зорилтуудыг дэвшүүлэн хэрэгжүүлэхээр ажиллаж байна. Дээрх зорилтуудыг хэрэгжүүлэхийн тулд ХОТ концепцыг боловсруулсан. Хотын хүн ам нэмэгдэхийн хэрээр шинэ суурьшлын бүсийг бий болгох зайлшгүй шаардлага бидний өмнө тулгарч байна. Энэ хүрээнд эхний ээлжид Азийн хөгжлийн банктай хамтран Баянхошуу, Сэлбэ дэд төвүүдийн дэд бүтцийн ажлуудыг хийж гүйцэтгэж байна. Цаашид хотын хүн амыг шинэ хотууд болох Аэро сити, Майдар зэрэг хотууд руу суурьшуулахаар төлөвлөж байна. Хотын найман бүсүүдэд урьдчилсан байдлаар 22.000 айлын орон сууцыг барихаар төлөвлөж байна. Ингэснээр агаар, орчны бохирдлыг бууруулж, иргэдийн ая тухтай амьдрах орчныг бүрдүүлэх боломж нь үүсч байна. Нийслэлийн Орон сууцны корпорацаас хэрэгжүүлж буй “Буянт ухаа-2” нээлттэй орон сууцны төсөлд иргэдийг хамруулах байдлаараа иргэдэд нээлттэй зарласан. Тус үйл ажиллагааны хүрээнд 35.000 айл өрх системд бүртгүүлсэн нь Улаанбаатар хотод орон сууцны зах зээлийн эрэлтийг харуулж байна. Нийслэл Улаанбаатар хотын хүн амыг ажлын байраар хангахын тулд шинээр аж үйлдвэрийн паркуудыг бий болгох нь зүйтэй. Эхний ээлжинд Налайхын аж үйлдвэрийн паркийн ажлуудыг эхлүүлж байна. Цаашид Эмээлт, Багануур, Багахангай зэрэг аж үйлдвэрийн паркуудыг хөгжүүлэхээр төлөвлөсөн. Улаанбаатар хотын ойр орчимд эдийн засгийн чөлөөт бүс байгуулах зайлшгүй шаардлага тулгарч байна. Ингэснээр хувийн аж ахуйн нэгжүүд татваргүй эдийн засгийн бүсэд үйл ажиллагаа явуулах боломжтой болно. Нийслэл хотын хүрээнд аж ахуйн нэгжүүдтэй хамтран томоохон төсөл арга хэмжээг хэрэгжүүлэх үүднээс Улаанбаатар Хөгжлийн корпораци, Улаанбаатар Хөрөнгө оруулалт, менежментийн компаниудыг шинээр үүсгэн байгуулсан. Ингэснээр Улс болон Нийслэлийн төсөв хүндрэлтэй үед төр-хувийн хэвшлийн түншлэлээр Нийслэл хотод хэрэгтэй төслүүдийг хэрэгжүүлэх боломжтой болсон. Хотын төлөвлөлтийг та бүхэнд танилцуулсан ч бидэнд бас хэд хэдэн тулгамдсан асуудлууд байна. Агаар орчны бохирдол, ажилгүйдэл, ядуурал, сургууль, цэцэрлэгийн хүртээмж, гудамж замын тохижилт, ногоон байгууламж, гудамж талбайн гэрэлтүүлэг, камержуулалт, замын түгжрэл, авто зогсоол, орон сууцжуулалт, дахин төлөвлөлт, эрүүл мэндийн үйлчилгээний чанар хүртээмж, цахилгаан, эрчим хүч, дэд бүтцийн хангамж, хог хаягдал, хөрсний бохирдол, хүүхэд залуучуудын хөгжих орчин, хүнсний аюулгүй байдал зэрэг асуудлууд нийслэлийн хэмжээнд тулгараад байгаа ч та бүхэнд бизнесийн шинэ боломж болохыг үгүйсгэхгүй байна. Эдгээр асуудлуудыг та бүхэнтэй хамтран шийдвэрлэхэд нийслэл Улаанбаатар хотын зүгээс нээлттэй гэдгийг онцолж хэлье” хэмээлээ.

Бага хурлын үйл ажиллагаанд Монгол, Хятад, Өмнөд Солонгос, Пакистан зэрэг 10 гаруй орны 300 орчим Засгийн газрын болон хувийн хэвшлийн төлөөлөл оролцож байна.

“Шинэ эрин үе дэх хамтын хөгжил дэвшлийн төлөөх уялдаатай үйл ажиллагаа” гэсэн ерөнхий сэдвийн дор зохион байгуулагдаж буй Улаанбаатарын бага хурлын үеэр “Монгол Улсын хөрөнгө оруулалтын орчин, бизнесийн боломжууд”, “Хөгжлийн зам” хөтөлбөрийг “Бүс ба Зам” санаачилгатай уялдуулан хэрэгжүүлэх нь”, “Дэд бүтцийн харилцан холбогдох байдлыг бүс нутгийн хүрээнд өргөжүүлэх нь”, “Ногоон хөгжлийг хамтын зорилт болгох нь” гэсэн сэдвээр хэлэлцүүлэг үргэлжиллээ.

Нийслэлийн ЗДТГ-ын Хэвлэл мэдээлэлтэй харилцах хэлтэс


Сэтгэгдэл

нийслэлээ шилжүүлэх хэрэгтэй [148.253.18.118] 2019-08-21 07:47:44

Манайх шиг өргөн уудам газар нутагтай атлаа 1 газраа чихэлдэж амьдардаг явдал бол үнэхээр эмгэнэлтэй. Биднийг ингээд бөөгнөрчихөөд юмны үнэ, байрны үнэ зэргийн дарамтад амьдарч байхад хөдөө сайхан тал нутгийг нь гадаадууд эзэгнэж байх. Орон нутагт амьдарч байгаа хүмүүсийг дэмжих хэрэгтэй. түүнийгээ дагуулж чөлөөт бүс нтр-ээ үүсгэж дагуулж хөгжүүлэх нь цаашдаа илүү хэрэгтэй. Улаанбаатараас бусад газар утааны асуудал бага шүү.

Зочин [202.126.89.142] 2019-08-21 06:44:12

Хурдан замаа нөхөөчээ Юун чөлөөт бүс вэ

Зочин [103.26.194.15] 2019-08-21 00:01:21

Улаанбаатарын челеет бvсд хэн очих юм бол?! Хитадыг нь бид хеегеед оруулахгvй, Япон, Солонгос , Орос нь тоож ирэхгvй. Ингээд даший шоо. Кккк

Мандахбаяр МСНЭ ХУУЛЬ БУС ЕРӨНХИЙЛӨГЧ [202.126.88.187] 2019-08-20 15:26:25

АМАРСАЙХАН ДАРГАД АТААРХАЖ ҮХДЭГ ХЭДЭН ХАР ТАМХИЧИД БАЙДАГ ЮМ УХААН САНААН САМУУРСАН ХҮМҮҮС ЮУ ЯРЬЖ ЮУ БИЧИЖ БАЙГААГАА Ч ОЙЛГОХ ЧАДВАРГҮЙ БОЛСОН БАЙДАГ

hotiig ehleed hot shig bolgo [106.129.125.101] 2019-08-20 14:51:19

hot.n ajil ni buh ym ni boloogui zuun zadgai ajiltai ged niited zarlaad helchihlee ...tegeher naad ajilaa ehleed hot.g hot shig bolgohoos ehelne sh dee.n

chuluut bus [185.39.141.198] 2019-08-20 14:37:32

amnaas tsash bosdoggvi chuluut bus. zamiin vvd altanbulga 2 oo ehleed ajilluulchih.... ashigiig ni vzeegvi baij medemhiireed hereggvi . manai hulgaich lalaruudad .... hytaduud 1 say dollor amalj .tanai hil deer barih eldev tusluu zogsoo . chuluut bvsee 4 jileer tushaad gatsaagaad ug .manaih chamd 1 say dollor ugii geed tvvniig ni heregkvvlsen unuudriin Ulaan . jigjid . tsengel . ded bvyetsiin yamiig atgaj zamiin vvdiig zamhruulan zalgisan lalaruud

зочин [103.212.119.19] 2019-08-20 13:37:32

Монголд хэрэггүй бао юм бна,монголын хөгжлийн бодлого гэж салан баавгайн үлгэр шиг юм ярих юм,алтанбулаг,замын үдийн чөлөөт бүс гэж нэг яриад,нэг зам,нэг бүс гэж яриад холион бантан болгож байх юм даа,дуугай хоёр хөрштэйгээ эдийн засгийн kоридороо яриж тэр зорилго руу явж үз дээ.салан баавгай шиг байх юм бол хөгжиж дэвшиж чадахгүй шүү,хятадын далайн боомт ашиглах түрээслэх,оросын далайн тээвэр боомт ашиглах тухай дэмийрэхээ болицгоо,орос хятад хоёрын хийн хоолой,хос төмөр зам,цахгаан эрчим хүч,авто замын сүлжээ байгуулах эдийн засгийн төсөл хөтөлбөртөө хамтарч оролцож дэд бүтэцээ сайжруулаа,өөр зүүд зэрэглээ шиг юм ярихаа болиж үздээ,энд тэнд их,бага хуралд очоод биелж бүтэхгүй том, том баахаа болилдоо,нэг л зүгт ханд, хандах зүгт л бүх зүйл бүтэмжтэй болдог юм,мөнхийн хөрш хоёр улстайгаа хамтарч ажиллаж сурцгаа

Зочин [202.179.31.38] 2019-08-20 11:39:04

Ene хүний helsen hamgiyn mulguu өгүүлбэр байлаа.

Монгол [64.119.20.84] 2019-08-20 11:32:53

ЭЗийн чолоот бус гэж монго идэх арга хоцрогдсон !!! Шинээр сэтгээ

Зочин [59.153.115.44] 2019-08-20 10:30:53

БҮҮ ТЭНЭГТЭЭРЭЙ

Зочин [112.72.11.101] 2019-08-20 10:09:11

Амарсайханы талаар нэг их мэддэг юм шиг бичдэг хүн чинь нөгөө л Амарсайхантай нэгийгээ үзнэ гээд бсан Мандахбаяр ч билүү тэр нөхөр л бна даа их хуралд өрсөлдөхгүй ч гэх шиг биeэ ихэд бэтгээ цадгаланд бодсон хэвлэл мэдээллээр шуугиулаад бсан гар л бга даа яг үг хэллэг нь мөн дөөбүдүүлэг новшийн амьтан бий тэр нөхөр..аргаа барсанхүн аавынхаа толгойг маажна гэж энэ дээ хөөрхий амьтан өрөвдчихлаа

Эхлээд Замын Үд, Алтанбулгийн ашгийг нотолчих. [202.131.228.118] 2019-08-20 09:57:56

Эдийн засгийн чөлөөт бүс урд Замын Үдэд, хойно Алтанбулагт 10-аад жилийн өмнө үүсгээд л байсан. Үхсэн элэнцийн ашиг, ажлын байр, хөгжил цэцэглэл. Одоогоор үр ашиг нь мэдэгдэхгүй, бодвол алдагдалтай байгаа биз. Одоо тэгээд тэр санаагаа Улаанбаатар хотын дэргэд хэрэгжүүлэх үү? Эхлээд Замын Үд, Алтанбулгийнхаа чөлөөт бүсийн үр ашгийг нотолчих, Хүрэлсүх, Амарсайхан дарга нараа!!!

Зочин [223.104.3.226] 2019-08-20 09:44:26

Хотыг луйварчин хүн удирдахаар яаж хөгжих юм бэ? Амарсайхан чинь хэзээний л шуналтай, дээрэмчин, овлигогүй, хүн чанаргүй, хогийн амьтан байгаа юм.

иргэн [64.119.27.54] 2019-08-20 09:25:41

ЭДГЭЭРИЙН ДОТРООС АМАРСАЙХАН ГАНЦААРАА ХӨДӨӨНИЙ ,БОЛОВСРОЛГҮЙ,ШУНАЛТАЙ, ХОГИЙН ,ХӨГИЙН ОВИЛОГОГҮЙ, ТАНХАЙ ХАРАГДАЖ БАЙНА.

Zochin [66.181.178.81] 2019-08-20 08:38:54

Ehleed umhii hotiin dotorhoo hot shig bolhochih, urdahaa hiij chaddag bmaar bhiin!

Зочин [202.179.26.164] 2019-08-20 08:36:02

ХӨӨЕ ГОТЫН ДАРГАА. ЗАМЫН ҮҮД СЭЛЭНГЭ ЦАГААН НУУРЫН ЧӨЛӨӨТ БҮСҮҮДЭЭ ЭХЛЭЭД ОРУУЛЧИХ 30 ДАХ ЖИЛИЙНХЭЭ НҮҮРИЙГ ҮЗЛЭЭ... ХЭДЭН БАЛГАС ХЭДЭН ХАШАА ХЭДЭН КОНТЕЙНЕР

ИРГЭН [202.180.220.172] 2019-08-20 08:54:13

ХОТЫН ДАРГЫН МЭДЛИЙН АСУУДАЛ БИШ АСУУДЛАА ЗӨВ ТАВЬ


17 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
17 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.