УЛААНБААТАРТ 25 ХЭМ ДУЛААН БАЙХ НЬ

Ном-Бусдыг ойлгох түлхүүр болдог

New School for Social Research in New York сургуулиас гаргасан судалгааны тайланд “Унших нь хүмүүсийн харилцан итгэлцлийг төрүүлдэг” гэжээ. Зохиол бүтээл уншиж байхдаа хүн байнга өөрийгөө хамт оролцуулан бодож байдаг. Өөрөөр хэлбэл, бусдын тухай уншихдаа тэр бүр өөрийнхөө анзаардаггүй зүйлүүдийг бусдаас олж хараад хүн өөрийгөө засаж залруулахыг хичээх, бусдын дунд өөрийгөө аятайхан аваад явах арга барилд суралцдаг гэж хэлж болох юм. Ингэснээр урд өмнөхөөс илүү олон найз нөхөд, үе тэнгийнхэнтэйгээ харьцах сонирхолтой болж, тэдний бодол санааг анхааралтай сонсож, үерхэл нөхөрлөл гүнзгийрэхэд ч нөлөөлнө.

Монгол Ухаан

Эрхэм сайн хөвгүүний ёсон

Эцгийн сургаалаар явагч, эрдэм билэг сурахад дуртай, энэрэх ухаантай хөвгүүн лүгээ нэг, ах дүүгийн хэнд ч аятай, алинд ч зарсан ялгуун сайн, ааль зан нь дөлгөөн, номхон, уургүй шударгас хөвгүүн лүгээ хоёр, алиа наадамгүйгээр үл явагч, арга санаанд цэцэн сайн, аж төрөхөд маш зүтгэлтэй, ашид бүтэмжтэй хүү лүгээ гурав болно.

Асар муу хөвгүүний шинж

Эцгийн сургаалыг үл сонсогч, тэнэг бөгөөд хэдэр, эд малаа нуун худалдагч эгэл муу хүү лүгээ хоёр, алиа болоод эрх танхи, ахас эхсийг хараагч, алинд ч зарваас ойшоон үл хөдлөх адгийн мүү хүү лүгээ хоёр, аяган дахь идээгээ чамлан айлын идээнд гүйгч, алив хов үгсийг зөөгч асар муу хөвгүүн лүгээ гурав болно.

ХАРААГ САЙЖРУУЛАХ ДАСГАЛ

Хүний нүдний булчингууд биеийн бусад булчинтай л адил. Хэрэв ажиллуулж, дасгал хөдөлгөөн хийхгүй л бол суларч, мууддаг.

Уншигч танд хараа сайжруулах батлагдсан 9 аргыг танилцуулж байна.

1. Өдрийн турш нүдээ амрааж байгаарай. 2-3 цаг тутамд нүдээ аньж, чимээ аниргүйг мэдрээрэй.

2. Нүдний булчингаа чангалахад тань туслах 16 дасгалыг доорх зургаар хүргэж байна. Заасан дарааллын дагуу өдөр бүр хийгээрэй.

3. Хэрэв та харааны нүдний шил зүүдэг бол аль болох нүдний шилээ авч, нүдээ амрааж байгаарай. Мөн нүдний шил зүүх хугацаагаа ч багасгахыг зөвлөж байна.

4. Нүдээ аниад дунд болон долоовор хуруугаараа тойрог хөдөлгөөнөөр иллэг хийгээрэй. Иллэг хийх үед та бага зэргийн даралт мэдрэх ч, өвдтөл нь хүчтэй дарж болохгүй. Доорх зурган дээр заасан цэгүүдийн дагуу иллэг хийгээрэй.

5. Гудамжинд алхаж явахдаа хөл доорхоо биш аль болох алс хол байгаа эд зүйлсийг харахыг хичээгээрэй.

6. Өдөр бүр луувангийн шүүс ууж хэвших. Мөн уух бүртээ 1-2 дусал оливын тос нэмбэл илүү үр дүнтэй.

7. Нүд тань ядарсан үед бүлээн усаар угаагаарай.

8. Унтахаас 2 цагийн өмнө аль болох компьютерын дэлгэц, зурагт, ухаалаг утас ширтэхгүй байхыг зөвлөе.

9. “Тратак” гэх йогийн дасгалыг зөвлөж байна. Ингэснээр таны нүдний алжаал тайлагдаж, анхаарал илүү төвлөрөх болно.