Өмнөд Солонгост архины эмчилгээнд хамрагдах эмэгтэйчүүдийн тоо ихэсч байгаа талаар Korea times онцолжээ. Архинаас гарах эмчилгээнд 2014 онд 15.7 мянган эмэгтэйчүүд хамрагдаж байсан бол 2018 онд 17.1 мянга болж өсөв. Харин энэ хугацаанд архины эмчилгээнд хамрагдах эрэгтэй өвчтөний тоо 4 мянгаар буурч 57.6 мянга болсон аж. Эрчүүд эмэгтэйчүүдээс илүү архи уудаг нь нийгэм соёл, орчинтой холбоотой байдаг ч архинаас гарах эмчилгээнд хамрагдаж буй эмэгтэйчүүдийн тоо өссөөр байгаад анхаарал хандуулах ёстойг онцолжээ.