ЮНЕСКО-гийн Био ёсзүйн хөтөлбөрийн олон улсын шинжээч, сургагч багш нар Багш нарын ёс зүйн мэдлэг, ойлголтыг нэмэгдүүлэх сургалтыг удирдан явуулах аж. Энэ үеэр ЮНЕСКО-гийн Био ёсзүйн цөм хөтөлбөр, био ёсзүй, шинжлэх ухаан, технологийн ёс зүйн дэлхийн ба үндэсний хэтийн төлөв, био ёсзүй ба хүний эрхийн түгээмэл тунхаглал, жендерийн ойлголт ба ёсзүй, анги танхим дахь харилцаа холбоо, сурган хүмүүжүүлэх арга барил, ур чадвар, агуулга ба арга зүй зэрэг сэдвүүдийн хүрээнд хичээл явагдана.

Сургалтад эрдэм шинжилгээний байгууллагуудын төлөөлөл, их дээд сургуулиудын нийгэм, хүмүүнлэгийн салбарын багш, профессорууд, төвийн болон алслагдмал дүүргийн ерөнхий боловсролын сургуулиудын багш нар оролцож байна. Дөрвөн өдөр үргэлжлэх энэхүү сургалтыг ЮНЕСКО-гийн Монголын үндэсний комисс нь Монгол Улсын Шинжлэх ухааны академи болон ЮНЕСКО-гийн Бээжин дэх төлөөлөгчийн газартай хамтран зохион байгуулж байна.