Баянзүрх дүүрэг дэх замын цагдаагийн хэлтсээс Иргэдийн төлөөлөгчийн хурал, БЗД-ын Цагдаагийн газар, БЗД дэх цагдаагийн 1,2, 3 хэлтсүүдтэй хамтран тус дүүрэгт байрлах их дээд сургуулийн 500 оюутнуудаас бүрдсэн “ОЮУТАН ЭРГҮҮЛ” хөтөлбөрийг ИТХ-аар батлуулан дүүргийн нутаг дэвсгэрт энэ сарын 12-ны өдрөөс ажиллуулж эхэллээ.

Баянзүрх дүүрэг дэх замын цагдаагийн хэлтэс нь зам тээврийн осол хэргийг бууруулах хөдөлгөөний аюулгүй байдлыг хангах, урьдчилан сэргийлэх чиглэлээр 30 оюутан эргүүлийг өглөө 08:00-10:00, орой 17:00-19:00 цагийн хооронд ажиллах юм байна. “Оюутан эргүүл”-ийг Нарантуул зах, Шөнийн захын урд зам, Улаанбаатар дээд сургуулийн урд зам, Халдвартын хойд талын уулзвар, Зүүн 4-н зам, Бөхийн өргөө, Цайз зах, Да-Хүрээ гэх мэт автомашин болон явганы хөдөлгөөн ихтэй, хүн хүч хүрэлцдэггүй гудамж, замуудад хуваарилан ажиллуулж байгаа аж.