Сүүлийн үед цахилгааны төлбөр их гарч байна гэж халаглах иргэд цөөнгүй байна. Энэ тухай тэд өөрсдийн цахим хуудас болон Засгийн газрын олон нийттэй харилцах төвд илэрхийлжээ. Цахилгааны төлбөрийг энэ оны дөрөвдүгээр сарын 1-нээс эхлэн үе шаттайгаар нэмэгдүүлсэн.

Энэ талаар Эрчим хүчний зохицуулах хорооны үнэ тариф, мэдээллийн ажилтан Д.Эрдэнэбулганаас тодрууллаа.

-Цахилгааны үнэ тариф нэмэгдсэн. Хэдэн төгрөгөөр нэмэгдсэн вэ?

-Цахилгааны үнэ тариф 4-7 дугаар саруудад дөрвөн үе шаттайгаар нэмэгдсэн байгаа. Цахилгааны төлбөрийг 2019 оны дөрөвдүгээр сарын 1-нээс эхлэн үе шаттайгаар бага багаар нэмсэн. Нэг квт.ц тутам нийт 24 төгрөгөөр нэмэгдсэн байгаа. 100 квт.ц эрчим хүч хэрэглэдэг айлд бол 2400 төгрөг нэмэгдсэн гэсэн үг.

-Хэрэглэгчдийн хувьд цахилгааны мөнгө их гарч байна. Өмнө нь гарч байснаас нэг дахин нугалж төлж байгаа гэдгийг хэлж байна?

- Энэ нь иргэдийн хэрэглээтэй холбоотой. Иргэдээс төлбөрийн нэхэмжил дээр төлбөр огцом нэгдсэн гэдэг асуудлыг ярьж байгаа. Зарим иргэд төлбөрийн нэхэмжлэлээ барьж манай дээр ирсэн. Бид баримтыг харахаар хэрэглээнь нэмэгдсэн учраас төлбөр нь өндөр гарсан байсан. 24 төгрөгөөр нэмэгдсэнийг хуучин үнэтэй нь харьцуулах юм бол 15-16 хувиар нэмэгдсэн гэсэн үг.

-Одоо шөнийн тарифыг тэглэсэн байгаа шүү дээ. Тэгэхээр цахилгааны мөнгө бага гарна биз дээ?

-Цахилгааны шөнийн тарифыг арваннэгдүгээр сарын 1-нээс эхэлж тэглэсэн. Цахилгааныг тэглэсэнтэй холбогдуулж төлбөр бага гарах ёстой. Гэхдээ өдрийн хэрэглээг бууруулахгүй бол шууд багасна гэсэн ойлголт байхгүй. Шөнийн цагаар хэрэглэж байгаа цахилгааны төлбөрийн хэмжээ хэрэглээг тэглэх шийдвэр гаргасны дараа иргэдийн хэрэглээ нэмэгдэж байна. Орон сууцны айлуудад шөнийн тариф хамааралгүй юм.

-Хэчнээн айл өрх шөнийн тарифт хамрагдаж байгаа вэ?

-2019-2020 онд шөнийн тарифт 160 мянган айл өрх хамрагдаж байгаа. Байгаль орчин ногоон хөгжлийн яамнаас Нийслэлийн агаарын бохирдлын бүсийг зарласан. Энэ бүсэд байгаа айл өрхүүдийн шөнийн тарифыг тэглэж байгаа. Харин 10 мянгаас дээш хүн амтай сум,суурин газар болон Багануур, Налайх дүүргүүдэд цахилгааны үнийг батлагдсан тарифаас 50 хувиар бууруулж тооцож байгаа.

-Танайд цахилгааны төлбөртэй холбоотой гомдол ирж байгаа гэсэн. Энэ гомдлыг хэрхэн шийдвэрлэж байна вэ?

-Төлбөрийн нэхэмжлэлийг нь үзээд тайлбар мэдээллийг өгч байгаа. Иргэд манай дээр шууд ирэхгүйгээр цахилгаан түгээх компаниудад асуудлаа тавих боломжтой. Цахилгааны үнэ нэмэгдсэнээс болж төлбөр их гарч байна уу, эсвэл хэрэглээ нэмэгдсэнээс болж байна уу гэдгийг харах хэрэгтэй юм. Хэрэглэгчдийн хувьд 24 төгрөгөөр нэмэгдсэн гэдгийг их байна гэж хэлж байгаа. 2015 оны долдугаар сарын 6-ны өдөр цахилгааны тарифыг тогтоож байсан. Харин 2016, 2017, 2018 онуудад цахилгаан дулааны үнэ өөрчлөгдөж байгаагүй. Энэ хугацаанд инфляци валютын ханш, нүүрсний үнэ өссөн учраас тарифын зохицуулалт хийхгүй бол эрчим хүч үйлдвэрлэж, дамжуулж, түгээж байгаа газруудад бодит өсөлт гарсан байгаа. Иймээс цахилгааны үнийг нэмэгдүүлж, тарифын зохицуулалт хийсэн.

-Тэгэхээр эрчим хүчний салбар алдагдалд орсон гэсэн үг үү ?

-Эрчим хүчний салбар 2018 оны гүйцэтгэлээр алдагдалд ороод эхэлсэн. Тарифын зохицуулалт хийж, алдагдлыг багасахаар ажиллаж байна.Bottom of Form

ЦАХИЛГААНЫ ҮНЭ НЭМЭГДСЭН БАЙДАЛ: