Албанид болсон газар хөдлөлтийн улмаас 600 гаруй хүн бэртжээ

Aдмин / Гадаад мэдээ

Албанид болсон хүчтэй газар хөдлөлтийн улмаас амиа алдсан хүний тоо 22 болж өсжээ. Мягмар гарагт Албаны нийслэл Тирана хотоос холгүй 6.4 баллын газар хөдлөлт болсны улмаас хэд хэдэн суурин газар ноцтой хохирол амсаад байгаагаас Тирана болон Дуррес хотууд хамгийн их хохирол амсаад байна. Дараалсан газар хөдлөлтөд Тирана хотод 500 орчим барилга байгууламж нуржээ. Хамгийн гол нь хүний амийг аврах явдал гэж Тирана хотын захирагч Эрион Веляй онцлоод тус хотод орон гэргүй үлдсэн иргэдэд зориулан шуурхай төвүүд ажиллаж буй талаар мэдээлжээ.

Европын улс орнууд байгалийн гамшгийн үр дагаврыг арилгах, нурангид дарагдсан хүмүүсийг аврахад тусламж үзүүлэхэд бэлэн буйгаа илэрхийлээд байгаа бол хөрш орнууд нь аврагчид, эмч, гал сөнөөгчдийн багууд явуулжээ. Европын холбоо иргэний хамгаалалтын механизмыг идэвхжүүлж, тус улсад Румын, Итали, Грекийн эрэн хайх гурван баг илгээжээ.

Одоогийн байдлаар 43 хүнийг нурангинаас гаргаж аваад байна. Нийт 600 орчим хүн гэмтэж бэртжээ.

АНУ-ын Геологийн албаны мэдээллээр, газар хөдлөлтийн голомт Тирана хотоос холгүй орших Шижак хотоос баруун хойд зүгт 10 км зайд бүртгэгджээ. Албанийн хөрш Хойд Македони, Серби, Черногор, Босни Херцеговин, Грек, Хорват болон Италийн өмнөд мужуудад газар хөдлөлтийн чичирхийлэл мэдрэгдсэн байна. Энэ нь намраас хойш тус улсад болж буй хоёр удаагийн хүчтэй газар хөдлөлт юм. Есдүгээр сарын сүүлээр Албанийн газар нутагт нэг хоногийн дотор 300 чичирхийлэл бүртгэгдсэн бөгөөд хамгийн хүчтэй нь 5.8 баллынх байжээ.


Сэтгэгдэл

ZAP [202.131.228.66] 2019-12-12 09:02:44

ZAP [202.131.228.66] 2019-12-12 09:02:41

Зочин [223.11.137.209] 2019-11-27 10:47:37

eh delhii min amar amgalan, hun zon min evtei nairtai, eruul enh, eleg buten bgaasai


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.