Австралийн Нью Соут Уэльс мужийн нутагт өргөн хэмжээний ойн түймэр шатаж, агаарын температур нэмэгдэж байгаатай холбогдуулан тус улсад онц байдал зарлажээ.

Өчигдөр буюу арванхоёрдугаар сарын 18-нд Австралийн түүхэн дэх хамгийн халуун өдөр болж өнгөрчээ. Агаарын температур дунджаар Цельсийн 40.9 хэм хүртэл халсан байна. Өмнө нь 2013 онд Цельсийн 40.3 хэм хүрч байсан удаатай. Цаг уурчдын тооцоолж буйгаар ирэх долоо хоногт хэт халалт үргэлжлэх төлөвтэй байгаа аж.

Нью Соут Уэльс мужийн нутагт 100 орчим хэсэгт түймэр шатаж, ган гачиг үргэлжилсэн хэвээр. Онц байдал зарласантай холбогдуулан төрөөс галын голомт руу нэмэлт хүч илгээхээр болжээ.

Ард иргэд уур амьсгалын өөрчлөлтийн эсрэг бодлогоо эрчимжүүлэхийг ард иргэд шаардаж байна. Хоёр сар үргэлжилж буй түймрийн улмаас олон айлын гэр шатаж, зургаан хүн амиа алджээ. Хүчтэй салхи, өндөр температур хямралыг улам даамжруулах магадлалтайг цаг уурчид анхааруулсан байна. Мөн Австралийн хэд хэдэн хотуудад түймрийн улмаас агаарын бохирдол “аюултай” түвшинд хүрээд байгаа юм.