Афганистаны ерөнхийлөгчийн сонгуулийн урьдчилсан дүнг танилцуулжээ
Афганистанд өнгөрсөн есдүгээр сарын 28-нд явуулсан сонгуулиар тус улсын одоогийн Ерөнхийлөгч Ашраф Гани олонхийн санал авсан талаар Афганистаны Сонгуулийн хорооноос мэдээлжээ.
Сонгуулийн хорооноос өнгөрсөн ням гарагт гаргасан мэдэгдэлд дурдсанаар, нийт сонгогчдын 50.64 хувь нь А.Ганигийн төлөө саналаа өгсөн бол түүний гол өрсөлдөгч Абдулла Абдулла 39.52 хувийн санал авсан ажээ.
Уг сонгуулийн урьдчилсан дүнг танилцуулах товыг техникийн асуудлууд болон зарим мужийн саналын хуудсыг дахин тоолох шаардлагын улмаас хойшлуулаад байсан юм.
А.Абдулла дээрх мэдэгдлийн дараа сонгуулийн дүнг хүлээн зөвшөөрөхгүй байгаагаа илэрхийлээд, санал хураалтын эцсийн дүнг зарлахаас өмнө шүүхэд гомдол гаргана хэмээн мэдэгдсэн байна.
Сэтгэгдэл