Олимпын тамирчдыг улсын төсвөөс дэмжинэ
Биеийн тамир, спортын тухай хууль, Боловсрол, соёл, шинжлэх ухаан, спортын сайдын 2018 оны А/167 дугаар тушаалын нэгдүгээр хавсралтаар батлагдсан “Үндэсний шигшээ багийг бүрдүүлэх, спортын төрлийг сонгох, санхүүжүүлэх журам”, “Хөтөлбөр батлах тухай” 2017 оны А/17 дугаар тушаалыг хэрэгжүүлэх зорилгоор БТСГ-ын Үндэсний шигшээ багийн албанд харьяалагддаг олимпын 9, паралимпын 7 нийт 16 спортын төрлийн холбоодтой хамтын ажиллагааны гэрээ байгуулан ажиллана.
Энэхүү гэрээний эхлэл болгож өнөөдөр /2020.01.16/ Монголын чөлөөт бөхийн холбоотой “Токио-2020” зуны олимпын наадамд оролцох баг тамирчдад санхүүгийн дэмжлэг үзүүлэх гэрээг байгууллаа. Гэрээнд гарын үсэг зурах үйл ажиллагаанд МЧБХ-ны Ерөнхий нарийн бичгийн дарга, Монгол улсын гавьяат дасгалжуулагч Б.Батбаяр, БТСГ-ын дарга, Монгол улсын гавьяат тамирчин Ц.Шаравжамц нар оролцож, гарын үсэг зурлаа гэж БТСГ-аас мэдээллээ.
Сэтгэгдэл
Зочин [172.58.139.72] 2020-01-16 14:57:15
Olimpiin medaltnuudad sar bur ih mongo ogdogiig zogsoo!
Зочин [112.72.9.46] 2020-01-17 01:48:57
Зөв шүү. Хэт өндөр тэтгэвэр сар бүр өгч амжилт муудаж бгаа. Залуугаар нь ингэж эрхлүүлдэг баян улс ч байхгүй.