Сургуулийн сурагчдад “Ухаалаг бугуйвч” хүргүүлж эхэллээ

Aдмин / Нийслэл

Хотын Захирагч С.Амарсайханы санаачилгаар 2019 оны арваннэгдүгээр сарын 15-ны өдрөөс эхлэн “Сургуулийн автобус”-ны төсөл хэрэгжиж эхэлсэн. Нийслэлийн ерөнхий боловсролын их тойрууд байршилтай 17 сургуульд 26 автобус, хотын захын 12 сургуульд 14 сургуулийн автобус сурагчдад үйлчилж байна. Энэхүү төсөл нийслэлд анх удаа хэрэгжиж байгаа бөгөөд эцэг эхчүүд олон нийтийн талархлыг хүлээж өдрөөс өдөрт “Сургуулийн автобус”-аар зорчих сурагчдын тоо өсч байгаа аж.

Тиймээс энэхүү төслийг өргөжүүлж, илүү боловсронгуй болгон хүүхдийг аюулгүй зорчуулах зорилгоор UB school аппликэйшн боловсруулж, байршил тогтоогч GPS суурилуулсан бугуйвч хүүхдүүдэд олгохоор байна. Нийслэлийн Засаг даргын Хүний хөгжил, нийгмийн бодлогын асуудал хариуцсан орлогч Ш.Анхмаа өнөөдөр ерөнхий боловсролын сургуулийн удирдлагуудад хүүхдүүдэд олгох ухаалаг бугуйвчийг гардуулан өглөө. Ухаалаг бугуйвч нь хүүхдийн байршил тогтоогоод зогсохгүй, автобус хэдэн минутын дараа хаана зогсох талаарх мэдээллийг эцэг эхчүүд гар утаснаасаа авах боломжтой юм.

Нийслэлийн Засаг Даргын Хүний хөгжил, нийгмийн бодлогын асуудал хариуцсан орлогч Ш.Анхмаа “Нийслэлийн Засаг даргын мөрийн хөтөлбөр, Монгол Улсын Засгийн газрын үйл ажиллагааны үндсэн чиглэл хөтөлбөрт “Сургуулийн автобус” төслийг хэрэгжүүлнэ гэж тусгасан. Одоогоор нийслэлийн хэмжээнд 30 чиглэлд 40 автобус явуулж таван мянган сурагчдад үйлчилж байна. Төслийн үр дүнд Улаанбаатар хотын түгжрэлийг бууруулах нөгөөтэйгүүр хамгийн чухал нь хүүхдийн аюулгүй зорчих асуудал шийдэгдэж байгаа юм. Энэхүү төслийг сайжруулах ажлын хүрээнд хүүхдүүдийн автобусанд суусан, буусан, мөн автобус хаана явж байгаа зэрэг мэдээллийг эцэг эхчүүдэд хүргүүлж байх ухаалаг бугуйвчийг сурагчдад хүргүүлж байна” гэлээ.

Ийнхүү “Сургуулийн автобус” төсөл илүү боловсронгуй болж сурагчид байршил тогтоогч бүхий гарын бугуйвчтай болж байна. Харин энэхүү бугуйвчийг хаяж гээгдүүлэхгүй байх, эвдэлж гэмтээхгүй байх зэрэгт эцэг эхчүүд сургуулийн удирдлага анхаарал хандуулж ажиллах аж. Мөн ухаалаг бугуйвчийн хэрэглээний зааврыг олон нийтэд хүргэж ажиллах үүргийг Нийслэлийн Мэдээлэл, технологийн газар хариуцаж байна.

Эх сурвалж: НЗДТГ


Сэтгэгдэл

ZAP [134.122.22.13] 2020-03-29 23:55:29

ZAP [134.122.22.13] 2020-03-29 23:55:27

Зочин [202.179.25.40] 2020-01-21 08:23:43

Төсвийн хөрөнгөөр бизнес хийхээ болиоч. Ичих нүүр алга хулгайчид

Зочин [49.180.146.175] 2020-01-20 23:49:23

Tom biznessiig ch hiij bndoo songuuli duhuud

yahaaraa hariyalaliin bus surguulid... [103.57.93.28] 2020-01-20 21:05:55

yahaaraa hariyalaliin bus surguulid huuhdee avilgadaj ugchihuud tusuviin munguur avtobusaar zuulguh yostoi yum be? ter avilga avch ugultcsun etceg eh zahiraluudaas ni zardal mungiig ni garguulah heregtei shuu dee.tugjrel buurch bgaa ni haana bgaan? unuudur hicheel orson yamar bna? bagassan yum bna uu?heveer l bgaa bizdee! harin heden zamiin tcagdaa nar l huiten ch gesen ovoo zohitcuulj bgaa haragdah yum daa

Зочин [103.212.119.119] 2020-01-20 21:48:33

Ene bus zuvhun childrend zoriulsan shuu teneg chin muu avilgachid

Зочин [202.126.88.214] 2020-01-20 19:32:37

Ёстой мундаг. Ирээдүйн эзэд маань аюулгүй, эрүүл байвал улс минь хөгжнөө хөгжинө

Ноолийн ногоон тэг [66.181.161.94] 2020-01-20 19:07:58

Болоо ш дээ.


8 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
8 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.