УИХ-аар Засгийн газраас гарсан шийдвэрийн талаар хэлэлцэж байна. УИХ-ын дарга Г.Занданшатар “Өвчин зовлон бол улстөржих сэдэв биш. Коронавирусын халдвар бол монголчуудын өмнө төдийгүй хүн төрөлхтөний өмнө тулгарч буй нэгэн томоохон сорилт болж байна. Энэ сорилтыг нэг нь нийтийн төлөө, нийт нь нэгийн төлөө гэсэн эв санааны нэгдэлтэй байж, эв саналаа нэгтгэж байж давж гарна. Тийм учраас олон улсын жишгийг харгалзаж Засгийн газар бусад яам, байгуулагууд нэгдэж ажиллах шаардлагатай байна. 911 гэдэг шиг нэг дуудлагын утастай болж, нэг газарт мэдээлж, нэг газраас мэдээлж, хяналт тавих хэрэгтэй байна. Нэгдсэн штабаар ажиллах хэрэгтэй байна. Малын шүлхий, мал устгал, шүлхийн вакцин гээд баахан тэрбум төгрөгийн зардал гараад байдаг. Хүний төлөө гэсэн юм юу ч байхгүй байна гэдэг чинь нэг шалгалтад уналаа гэсэн үг шүү. Ийм учраас энэ чиглэлүүдээр илүү өндөр хариуцлагатай байж байж эрсдлийг давж гарна шүү” гэсэн юм.