Нийслэлийн Засаг даргаас өгсөн үүрэг чигллэийн дагуу Засаг даргын орлогч нар дүүргүүдэд хувиарлагдан ажиллаж байгаа. Энэ дагуу Нийсллэийн Засаг даргын орлогч, Хот байгуулалт хариуцсан төслүүдийн удирдагч О.Мөнгөншагай Нийслэлийн алслагдсан дүүргүүд болох Налайх, Багануур, Багахангай дүүрэгт ажилласан байна.

Тухайн дүүргүүдийн Онцгой байдлын дарга, гишүүд болон холбогдох албан тушаалтнуудтай Тамгын газрын хурлын зааланд хурал хийж, тодорхой чиглэл, үүрэг даалгавар өгч ажиллав.
1. Дүүргийн Засаг даргын Тамгын газар шуурхай штабын газар байгуулж, зохион байгуулалтанд орох
2. Дүүргүүдийн ойролцоох уул, овоонд иргэдийг олноор цугларуулахгүй байх, овоо тахилга хийх асуудлыг хязгаарлах
3. Дүүргийн ажилчид, албан хаагчид болон иргэдийн хувийн ариун цэврийн асуудалд маш сайн анхаарах хэрэгтэй. Амны хаалт тогтмол зүүх, гараа угааж цэвэрлэх, ариутгах
4. Олон нийтийн газар, эмийн сангуудад хяналт шалгалтыг тогтмол явуулах
5. Иргэд, оршин суугчдаар хяналт шалгалтыг хийлгүүлж, хамтарч ажиллах
6. Дүүргийн Засаг даргын Тамгын газар ажлын горимд шилжих /өөрсдөө ярилцаж байгаад/
7. Өндөржүүлсэн бэлэн байдлыг 2020 оны гуравдугаар сарын 30-ны өдөр хүртэл иргэдийн болон төрийн албан хаагчдын эргүүлийг ажиллуулах
8. Гудамжинд нус, цэр хаях, ил задгай бие засах асуудал дээр хараа хяналтыг сайжруулах зэрэг үүрэг даалгаврыг өгчээ.