Малчид, иргэд, тээвэрчдийн анхааралд. Өнөөдөр өдөр баруун болон төвийн аймгуудын нутгийн ихэнх нутгаар цас орж, цасан шуурга шуурч, хүйтрэх тул зам даваа, гүвээ хаагдаж, халтиргаа гулгаа ихсэхийг онцгойлон анхааруулж байна.

2020 оны 02 дугаар сарын 27-ноос 03 дугаар сарын 02-ныг хүртэлх цаг агаарын урьдчилсан төлөв байдлаар:

• Хоёрдугаар сарын 27-нд төвийн аймгуудын нутгийн зүүн, зүүн аймгуудын нутгийн хойд хэсгээр,
• Хоёрдугаар сарын 28-нд баруун аймгуудын ихэнх нутаг, төвийн аймгуудын нутгийн баруун, зүүн аймгуудын нутгийн зүүн хэсгээр,
• Хоёрдугаар сарын 29-нд төв болон говийн аймгуудын ихэнх нутаг, зүүн аймгуудын нутгийн баруун хэсгээр,
• Гуравдугаар сарын 1-нд нутгийн зарим газраар цас орж, цасан шуурга шуурна.

Салхи 28-нд ихэнх нутгаар, 27, 29-нд говь, талын нутгаар, 1-нд баруун аймгуудын нутгаар секундэд 14-16 метр хүрч ширүүснэ. Ихэнх хугацаанд говийн бүс нутгийн өмнөд хэсгээр шөнөдөө 7-12 градус хүйтэн, өдөртөө 0-5 градус дулаан, бусад нутгаар шөнөдөө 15-20 градус, өдөртөө 3-8 градус хүйтэн байна гэж Ус цаг агаар, орчны мэдээ мэдээлэлийн газраас мэдээлж байна. Иймээс иргэд, жолооч та бүхнийг анхаарал болгоомжтой замын хөдөлгөөнд оролцохыг зөвлөж байна.