Гал түймрээс болгоомжлохыг анхааруулав

Л.Батцэнгэл / Нийгэм

olloo_mn_1552440117_stiker.jpg

Он гарсаар улсын хэмжээнд өнөөдрийн байдлаар нийт 3949 удаагийн ахуйн гал түймэр гарч, түймрийн улмаас 44 иргэн амь насаа алджээ. Үүний 29 нь том хүн, 15 нь хүүхэд байгаа юм. Мөн гал түймрийн улмаас 32 хүн түлэгдэж, гэмтжээ.

Гал түймрийн шалтгаан нөхцөл нь айл, өрхүүдэд ашиглагдаж байгаа пийшин, зуухны гэмтэл, хэт галлагаа, ил задгай асгасан цогтой үнс нурам, хараа хяналтгүй орхисон бага насны хүүхэд, иргэдийн болгоомжгүй үйл ажиллагаа, зориулалтын бус цахилгааны утасны ашиглалт, цахилгаан хэлхээний хэт ачаалал зэрэг хувь хүний санамсар болгоомжгүй байдлаас үүдэж байна.

Иймд иргэн та өөрийн болон бусдын амь нас, эрүүл мэнд, эд хөрөнгөд учирч болзошгүй аюулаас урьдчилан сэргийлж:

-Яндангийн цонолт, халалтаас хамгаалах

Пийшин, зуухны яндангийн хамгаалалтыг галд тэсвэртэй материалаар хийж яндангийнцонолт халалтаас хамгаалах. Яндангийн ил гарсан хэсгийн урт нь гэр, байшингийндээврээс 60-80см-ээс дээш байх.

-Үнс нурмаа ил задгай асгахгүй байх

Гал түймрийн шалтгааны 36.5 хувь нь ил задгай асгасан цогтой үнс нурамнаас үүдэн гарч буй учир халуун үнс, нурмаа тагтай үнсний саванд хийх хэвших.

-Гэмтэлтэй цахилгаан хэрэгслийг ашиглахгүй байх

Бүрэн бүтэн байдал нь алдагдсан, шалбарсан, зарим хэсгээрээ халалт үүсэж хайлсан, залгуур унтраалга нь эвдэрсэн болон бусад гэмтэлтэй цахилгаан хэрэгслийг ашиглахгүй байх,

-Гэр орондоо бензин болон бусад шатах, тослох материал хадгалахгүй байх

Хялбар гал гаргах асаагуур, чүдэнзийг хүүхдийн гар хүрэхээргүй газарт нууж тавих,

-Хийн зуухны аюулгүй хэрэглээг хангах

Хийн зуухны буруу хэрэглээний улмаас гал түймэр гарах тохиолдол ихсэж байгаа учир хийн зуух ашиглах заавар, зөвлөмжийг дагах,

-Гэр орондоо утаа мэдрэгч суурилуулж, гал унтраагуур байрлуулах

Утаа мэдрэгчийн хэвийн ажиллагаа болон гал унтраагуурын хадгалах хугацааг тогтмол шалгаж, гэр бүлийн гишүүдээ гал унтраагуурыг хэрхэн ашиглах талаар зааж сургах.

-Дуудлага өгөх, бусдад мэдэгдэх

Гал гарсан тохиолдолд 101 утсанд яаралтай дуудлага өгөх. Өөрөө дуудлага өгөх боломжгүй бол хөрш айлуудаасаа тусламж хүс, чанга дуугаар хашхирч бусдад мэдэгдэх,

-Галын машины замыг чөлөөлөх, мэдээллээр хангах

Галын машин ирэх замыг чөлөөлж, гал гарсан газарт очих замыг зааж өгөх. Галын голомт хаана байгааг тодорхой хэлж, гэр байшингийн дотор хүн үлдсэн эсэхийг яаралтай мэдэгдэх зэрэг арга хэмжээ авахыг Онцгой байдлын ерөнхий газраас анхааруулж байна.


Сэтгэгдэл

ZAP [134.122.22.13] 2020-03-29 14:39:04

ZAP [134.122.22.13] 2020-03-29 14:39:04

Bold [203.91.115.54] 2020-03-28 02:54:25

3 ХАН САРЫН ДОТОР 44 ХҮН ЗӨВХӨН ГАЛД АМЬ НАСАА АЛДАН ГЭДЭГ ЮУ ГЭСЭН ҮГ ВЭ ОНЦГОЙН ДАРГА ГЁНЁРАЛ БАДРАЛАА. УРЬД ӨМНӨ ИЙМ ОЛОН ХҮН ИЙМ БОГИОНО ХУГАЦААНД АМИА АЛДСАН ТҮҮХ МОНГОЛД БАЙХГҮЙ ШҮҮ.ОНЦГОЙ БАЙДЛЫН АЛБЫГ УЛС ТӨРЖҮҮЛЖ АШИГ СОНИРХОЛЫН САДАН ТӨРЛИЙН МӨНГӨНИЙ АЛБА БОЛГОСОН ОДОО АТГ ААС ЯЛЛАГДАГЧААР ТАТАГДААД БАЙГАА ДАРГА БАДРАЛ АРМИАС ХӨӨГДӨЖ ОНЦГОЫД ОРЖ ГЁНЁРАЛ БОЛСОН ДЭД АРИУНБУЯН ХҮРЭЛСҮХИЙН ХАДАМ АХ ТАМГЫН ДАРГА БОЛДБААТАР ХҮРЭЛСҮХИЙН НАЙЗ ХОТЫН ОНЦГОЙН ДАРГА ЧҮЛТЭМСҮРЭН ГЭХ НӨХӨД ЭДГЭЭР ХҮМҮҮСИЙН АР ГЭРЭЭС УУЧЛАЛТ ГУЙЖ ХАРИУЦЛАГА ХҮЛЭЭХ ЁСТОЙ. ЭДНИЙ ЦААНА МАШ ОЛОН ЗҮЙ БУС ТОМИЛГООТООТ МЭРГЭЖИЛИЙН БУС ХҮМҮҮС ЭНЭ АЛБЫГ ДАМПУУРУУЛЖ ДУУСЛАА.ХОТЫН ОНЦГОЙН ДАРГА ЧҮЛТЭМСҮРЭН НЬ МАЛЧДАД ХҮРГҮҮЛСЭН ТУСЛАМЖИЙН БАРААНААС ХУЛГАЙЛЖ БАРИГДААД ҮРЖИН ГЁНЁРАЛЫН ТУШААЛААР АЛБАНААС ХӨӨГДӨЖ БАЙСАН ХУЛГАЙЧ НӨХӨР БАЙХ ЮМ. ГАМШГААР ӨВЧНӨӨР ШОУДАХ ПОПРОХООС ӨӨР ЮМГҮЙ ЯЛЛАГДАГЧ НАРААР ЭНЭ АЛБЫГ УДИРДУУЛАХ НЬ ОЛОН ХҮНИЙ АМЬ НАСАНД ХҮРЭХ НЬ БАЙНА ШҮҮ


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.