Нийслэлд үйл ажиллагаа явуулдаг зарим аж ахуйн нэгжийн үйл ажиллагааг нээх тухай захирамж нийслэлийн Засаг дарга дөрөвдүгээр сарын 30-нд гаргасан. Уг захирамжийн дагуу үйл ажиллагаа явуулж байгаа спорт заал, бассейн, бүжгийн клуб, сургалтын төвийн танхимын сургалтаас бусад сургалтын үйл ажиллагааг нээхээр болсон.

Мөн аж ахуйн нэгжийн үйл ажиллагааг дэмжих олон талын шалтгааныг харгалзан үзэж ресторан, баар, караоке, дэлгүүр, үйлчилгээний байгууллагын үйл ажиллагаа явуулах цагийн хуваарийг 07:00-00:00 цагийн хооронд ажиллах шийдвэр гаргасан. Баар цэнгээний газрыг нээсэн өдөр хотын хөдөлгөөн эрс нэмэгдэж, гудамж талбайд хүмүүсийн бөөгнөрөл их болсон. УОК-оос гаргасан хүн бүр хоёр метрийн зайтай байх ёстой гэдэг зүйл хэрэгжихгүй байна.

Улаанбаатар хотын захирагч С.Амарсайхан захирамжаар цөөхөн хүн оруулаад хүн бүр 1.5 метрийн хол байна гэсэн шийдвэрийг гаргасан. Бодит байдал дээр хотын гудамж талбайгаар иргэдийн бөөгнөрөл их үүсч, баяр наадам шиг бааранд цугласан залуус маск огт хэрэглэхгүй нь байна.

Гудамж талбайд бөөгнөрөл үүссэн хэсэгт цагдаагийн байгууллага шаардлага тавьж байна. УОК-оос хорио цээрийн үед дагаж мөрдөх журмыг гаргасан. Энэ журмыг Улаанбаатар хотын захирагч С. Амарсайхан зөрчиж, эрх мэдлийнхээ хүрээнд захирамж гаргасан. Гаргасан шийдвэрийн хэрэгжилт хэрхэн хэрэгжиж байгааг хотын дарга өөрөө харьж байгаа байх.

Шөнийн 00.00 цаг болчихсон байхад баар цэнгээний газар хаахгүй, гадна орчинд нь хүмүүс олноор цугларсан байдалтай байна. Баар цэнгээний газрын нээсэн юм чинь сургалт семинар бүх үйл ажиллагаагааг одоо нээ. Архидан согтуурч, цэнгэж болох юм бол, сургалтын төв, сургууль цэцэрлэгээ нээх цаг нь болсон юм биш үү.