Засгийн газрын ээлжит хуралдаан 08:00 цагт эхэллээ. Хуралдаанаар нийт 12 асуудлыг хэлэлцэх бөгөөд үүн дотор сургалтын төвүүдийг нээх тогтоолыг хэлэлцэн батлав. Ингэснээр өнөөдрөөс эхлэн 1088 сургалтын төвийг ЭМЯ-ны зөвлөмжийг үндэслэж үе шаттай нээнэ. Сургалтад 16-аас дээш насны иргэдийг хамруулахаар болсон байна. Мөн төгсөх ангийн буюу 12-р ангийн 30 орчим мянган сурагчдад сургууль тус бүрт нь танхимын давтлага өгөхийг Боловсрол, соёл, шинжлэх ухаан, спортын сайд Ё. Баатарбилэгт даалгав. Нэг сургуульд 40-50 хүүхэд байхаар буюу ангид 10-с хэтрэхгүй сурагч давтлага авч болохоор боллоо.