УИХ-ын чуулганы нэгдсэн хуралдаан 10.20 цагт эхэллээ. Яг одоо Монгол Улсын Их Хурлын тухай хуулийн шинэчилсэн найруулгын төсөл болон хамт өргөн мэдүүлсэн хууль, тогтоолын төслүүдийн эцсийн хэлэлцүүлгийг хийж байна.

УИХ-ын гишүүн Д.Лүндээжанцан: Байнгын хороодын эрхлэх асуудлын хүрээ, парламентад ёсоо боловсронгуй болгох хэрэгтэй. Парламентийн гол ажил бол хууль тогтоох, хянан шалгах, төсөв батлах, ард түмний төлөөллийг хэрэгжүүлэх гэсэн үндсэн дөрвөн чиг үүрэгтэй. Хоёрдугаарт, бид хууль тогтоох гэж хуулийн тоогоор хөөцөлдөөд хянан шалгах үйл ажиллагаагаа орхигдуулж ирсэн дутагдалтай. Иймд хяналт, шалгалтын асуудлаар асуулга, асуулт тавих, тайлан мэдээлэл, илтгэл сонсох, тодорхой асуудлыг шинжлэн судалж, дүгнэлт гаргах үүрэг бүхий түр хороо байгуулах, хянан шалгах бүхий түр хороо байгуулах, хууль тогтоомжийн хэрэгжилтэд үнэлгээ хийх, байнгын дэд хороо эрхлэх асуудлынхаа хүрээнд хяналт, шалгалт хийх, нийтийн сонсгол зохион байгуулах гэх мэт хяналтаа чангатгах гүйцэтгэх засаглал, хүний эрхийн салбарт тавих хяналтыг сайн болгоё. УИХ, Засгийн газрын үйл ажиллагааны хяналт, чадварыг хангахад чиглэсэн өөрчлөлтүүд байна. Хяналтанд анхаарах болсон.