Эрүүл мэндийн яамнаас COVID-19 халдварын цаг үеийн асуудлаар мэдээлэл хийсэн. Энэхүү мэдээллийн үеэр ЭМЯ-ны ШУ-н технологийн газрын нарийн бичгийн дарга н.Оюунсүрэн мэдээлэл өглөө.

Дэлхий дахинаа коронавирусын халдвартай холбоотой судалгаа шинжилгээний ажлууд эрчимтэй хийгдсээр байна. Дэлхийн эрүүл мэндийн байгууллагын мэдээлснээр коронавирусын халдвартай холбоотой нийт 14188 судалгаа шинжилгээ, судалгааны өгүүлэл хэвлэгджээ. Үүнээс вакцин бүтээхтэй холбоотой 108 туршилт судалгааны ажил 1254 эмнэлзүйн туршилт судалгааны хийгдээд байна.

Эрүүл мэндийн урьдчилан сэргийлэх арга хэмжээнүүдийг авч хэрэгжүүлснээр эрсдэлийг хоёр дахин бууруулж чадна

Их Британи улсын үндэсний эрүүл мэндийн тусламж үйлчилгээний хүрээлэнгээс хийсэн эдийн засгийн судалгаагаар ковид19 өвчний улмаас халдвар авсан хагас сая иргэн ойрын хоёр жилийн хугацаанд Их Британи улсад нас барах магадлалтай байна. Сургуулиудыг хаах,өөрийгөө тусгаарлах, хөл хориог тогтоох олон нийтийн үйл ажиллагааг зогсоох зэрэг нийгмийн эрүүл мэндийн урьдчилан сэргийлэх арга хэмжээнүүдийг авч хэрэгжүүлснээр энэхүү тоог хоёр дахин бууруулах боломжтой гэсэн тооцоолол хийжээ.

Эмнэлгийн ажилтнуудын сэтгэл зүйн байдал тогтворгүй гарчээ

Короновирус, Ковид19 өвчлөлтэй хүмүүст тусламж үйлчилгээ үзүүлж буй БНХАУ Итали улсын эрүүл мэндийн ажилтнуудын дунд сэтгэцийн эрүүл мэндийн талаарх судалгааг хийсэн байна. Судалгаанд хамрагдагсдын 50 хувь нь гүн хямралтай, 45 хувь сэтгэл түгших, 34 хувьд нойргүйтэх эмгэгтэй гэсэн үр дүн гарчээ. Эрүүл мэндийн ажилтнууд бага насны хүүхэдтэй байх гэр бүлийн гишүүн нь ковидын халдвар авч өвдөх, орлого муудах зэрэг нь тэдний сэтгэцийн эрүүл мэндэд муугаар нөлөөлж буйг тогтоожээ. Тиймээс эмнэлгийн ажилтнуудын хүүхэд харах үйлчилгээг зохицуулах, хортой нөхцлийн нэмэгдэл олгох, ажил амралтын цагийг зохицуулах аргуудыг хэрэгжүүлснээр шууд замаар эрүүл мэндийн салбарын ажилтнуудын эрүүл мэндийг хамгаалах боломжтой гэж судлаачид зөвлөжээ6

Н.Баярмаа